2 कुरिन्थियों 10:18 - बिलासपुरी नौआं नियम

¹⁸ काँह्भई सै जे अपणी बडयाई कराँ, सै नीं पर तिसरी बडयाई जे प्रभु कराँ, सैई परमेशरा रे जरिये ग्रहण कित्या जां।

2 कुरिन्थियों 10:18 Referans Kwoze

लूका 16:15

फेरी यीशुये तिन्हाने गलाया, तुहें लोकां रियां नज़राँ च बड़े धर्मी बणां ये, पर परमेशर तुहांरे कपटी स्वभावा जो जाणाँ। माहणुआं रिया समझा च सै जे खास आ, सै परमेशरा रिया नज़राँ च बेकार आ।

1 कुरिन्थियों 4:5

इस खातर तदुआं तकौ जे प्रभु नीं आओ, बगता ते पैहले किसी गल्लां रा न्याय नीं करा, सैई अन्धेरे रियां छिपि रियां गल्लां जो लोई च दसगा, कने माहणुये रे दिला रियां गल्लां जो प्रगट करगा, तां तिस वगत हरेक माहणुये परमेशरा रिया तरफा ते अपणी प्रशंसा पाणी।

रोमियो 2:29

पर सच्चा यहूदी सैई हाया तिसरा दिल जे परमेशरा रिया नज़राँ च ठीक आ; कने सच्चा खतना पवित्र आत्मा रे जरिये दिला च हुआं, नां भई लिखी रिया व्यवस्था रे जरिये: येढ़े माहणुये री तारीफ माहणु नीं, बल्कि परमेशर कराँ।

2 कुरिन्थियों 10:12

अहें तिन्हां किछ लोकां सौगी अपणी तुलना करने री हिम्मत नीं करदे, सै जे खुद अप्पूँजो बड़ा खास समझां ये; कने अप्पूँजो मापदण्ड समझीने अप्पूँ चियें परखां ये, कने इक दुज्जे ने अपणी तुलना कराँ ये, सै मूर्ख ये।

यूहन्ना 12:43

काँह्भई तिन्हांजो परमेशरा रे आदरा रे बजाय माहणुआं रा आदर करना जादा प्यारा लगां था।

1 पतरस 1:7

ये इस खातर आ भई तुहांरा विश्वास सच्चा साबित हो, मसीह यीशुये पर तुहांरा विश्वास सियुने ते बी बौहत कीमती आ। तियां जे नाशवान सियुना अग्गी ते परखया कने शुद्ध कित्या जां, तियां इ जे तुहांरा विश्वास समस्यां ते परखया जाणे ते बाद मजबूत बणीरा रौ, तां तुहां तिस दिन प्रशंसा, महिमा कने आदर पाणा ताहली जे यीशु मसीह वापस औणा।

2 कुरिन्थियों 13:7

अहें परमेशरा ने प्राथना कराँ ये भई तुहें कोई बुराई नीं करो; इस खातर नीं भई अहें इस इम्तेहाना च पास ओ, बल्कि इस खातर भई तुहें सैई करा सै जे ठीक आ। चाये अहें इस इम्तेहाना च फेल हुन्दे हुये काँह नीं दिखो।

2 कुरिन्थियों 6:4

पर हरेक गल्ला च अहें ये दस्सां ये भई अहें परमेशरा रे सच्चे सेबक ये। अहें धीरजा सौगी पीड़ा सैहणे च, गरीबिया च, कष्टां च,

रोमियो 14:18

सै जे कोई इस तरिके ने मसीह री सेवा कराँ, तिसते परमेशर खुश रैयां कने लोक तिस्सो ईज्जत दें।

2 तिमुथियुस 2:15

कड़ी मेहणत कर ताकि तू अप्पूँजो परमेशरा रिया नज़राँ च ग्रहण लायक माहणुये साई पेश करी सक्को कने येढ़ा काम्म करने औल़े साई बण सै जे अच्छा काम्म कराँ कने अपणे कम्मा रे बारे च शर्मिन्दा नीं हुन्दा, कने सै जे सच्चे सन्देशा जो ठीक ढंगा ने सखां।

2 कुरिन्थियों 5:12

अहें तुहांरे सामणे भीं ते अपणी कोई बडयाई नीं करी रायें, बल्कि तुहांजो इक मौका देई कराँ ये भई तुहें अहां पर घमण्ड करी सक्को; ताकि तुहें तिन्हौं जबाब देई सक्को सै जे मना पर नीं पर दिखावटी गल्लां पर घमण्ड कराँ ये।

2 कुरिन्थियों 3:1

क्या अहें फेरी अपणी बडयाई करना शुरु करीती? या क्या अहौं दुज्यां लोकां साई सपारसा रियां चिट्ठियां तुहांले ल्यौणियां या तुहांते लेणियां? इसरी जरूरत नीं!

1 कुरिन्थियों 11:19

पर बटवारा बी तुहां च जरूर हुंगा, इस खातर भई सै लोक जे तुहां च खरे निकली रे सै सामणे आई जाओ!

रोमियो 16:10

अपिल्लेस जो बी मेरा नमस्कार सै जे मसीह च खरे कने सच्चे निकल़े। अरिस्तुबुलुस रे परिवारा जो बी नमस्कार।

प्रेरितां 2:22

“हे इस्राएलियो, ये गल्लां सुणा: यीशु नासरी इक माहणु था तिसरा परमेशरा खा ते हुणे रा सबूत तिन्हां सामर्था रे कम्मा कने हैरानिया रे कम्मां कने चमत्काराँ ते परगट आ, सै जे परमेशरे तुहांरे बिच तिसरे जरिये करीने दस्से तिस्सो जे तुहें अप्पूँ इ जाणाँ ये।