1 तिमुथियुस 5:14 - बिलासपुरी नौआं नियम

¹⁴ इस खातर हऊँ ये चांह भई जवान विधवां ब्याह करो, कने बच्चे जणो, कने घर-बार सम्भालो, कने किसी दुश्मणा जो बदनाम करने रा मौका नीं देओ।

1 तिमुथियुस 5:14 Referans Kwoze

तीतुस 2:5

कने अपणे बर्तावा जो काबू करने औल़ियां, कने अपणे पतियां रे प्रति बफादार, परिवारा री देखभाल करने औल़ियां, दुज्यां रे प्रति दयालु कने अपणे-अपणे पतिये रे अधीन रैहणे औल़ियां हो, ताकि कोई परमेशरा रे वचना री निंध्या नीं करी सक्को।

1 तिमुथियुस 6:1

जितने विश्वासी लोक दास ये, तिन्हौं अपणे-अपणे मालका जो सारियां गल्लां च ईज्जत देणी चाहिन्दी, ताकि दुज्जे लोक परमेशरा री कने अहां रिया शिक्षां री निंध्या नीं करो।

तीतुस 2:8

कने सै सिखा सै जे सच्च आ कने तिसरी जे कोई निंध्या नीं करी सक्को, ताकि तेरे शत्रु शर्मिन्दा हो, काँह्भई किछ बी बुरा नीं हुणा सै जे सै अहांरे बरोधा च बोल्ली सक्को।

1 तिमुथियुस 4:3

येढ़े लोक ये सखायें भई ब्याह करना कने किछ किस्मा रा भोजन खाणा गल़त आ। पर परमेशरे ये खाणा विश्वासी लोकां खातर बणाईरा सै जे सच्चिया शिक्षा जो जाणाँ ये भई परमेशरा रा धन्यवाद करीने खाया जाओ।

इब्रानियों 13:4

ब्याह रा सब्बीं रे जरिये आदर हूणा चाहिन्दा, कने इक पति-पत्निया जो इक्की दूये रे इलावा किसी दुज्जे ने सम्बन्ध रखणा ठीक नींआ, काँह्भई परमेशर व्यभिचारियां, कने परस्त्रीगामियां रा न्याय करगा।

1 तिमुथियुस 5:11

पर जवान विधवां रा नौं सूचिया च मत लिखयां, काँह्भई ताहली जे तिन्हांरियां भोग-विलासा रियां इच्छां बधी जाईयां, तां सै भीं ते ब्याह करना चाईयां कने मसीह ते दूर हुई जाईयां,

1 तिमुथियुस 2:8

हऊँ चांह भई हर जगह मर्द, बिणा गुस्से कने बिणा बैहसा ते कने सै जे पवित्र जीवन जीयें सै अपणे हत्थां जो चक्कीने प्राथना करया करो।

2 कुरिन्थियों 11:12

पर सै जे हऊँ करी रां तिसजो त माह करदे इ रैहणा, ताकि सै लोक सैई काम्म करने रे बारे च घमण्ड करने च सक्षम नीं हुणे सै जे अहे करी राँये।

रोमियो 14:13

इस खातर अहांजो अप्पूँ चियें दोष लगाणा बन्द करी देणा चाहिन्दा, कने तुहें ये मथी लो भई तुहांरे किसी कम्मा रिया वजह ने तुहांरा साथी विश्वासी कोई पाप नीं करो।