1 तिमुथियुस 3:4 - बिलासपुरी नौआं नियम

⁴ तिस्सो अपणे घरा जो सही ढंगा ने चलाणा चाहिन्दा कने अपणे बाल-बच्चयां जो सारियां गल्लां च आदरा सौगी तिस्सो मनणे खातर सखाणा चाहिन्दा।

1 तिमुथियुस 3:4 Referans Kwoze

तीतुस 1:6

इक अगवा निर्दोष कने इक्की पत्निया रा पति हूणा चाहिन्दा, तिन्हांरे बच्चे जे विश्वासी हुणे चाहिन्दे, कने तिन्हांजो अच्छा बर्ताव करना चाहिन्दा ताकि कोई तिन्हां पर इल्जाम नीं लाई सक्को भई सै बेकाबू कने हुक्म नीं मनणे औल़ा।

1 तिमुथियुस 3:12

सेवक इक्की पत्निया रा पति हो, कने बाल-बच्चयां कने अपणे घरा जो ठीक ढंगा ने चलाणे औल़ा हो;

तीतुस 2:2

बजुर्गां जो अनुशासित कने हरेक हालता च अपणे बर्ताव कने भावनां जो काबू करने खातर कने ईज्जतदार हुणे खातर, कने विश्वास, प्यार, कने धीरजा च मजबूत हुणे खातर निर्देश देओ।

प्रेरितां 10:2

सै परमेशरा ते डरने औल़ा माहणु था, कने अपणे सारे घराने समेत परमेशरा ते डराँ था, सै गरीब यहूदी लोकां जो बौहत दान देआं था कने परमेशरा ने बौहत प्राथना कराँ था।

तीतुस 2:7

तिज्जो हर गल्ला च खरयां कम्मां रे जरिए उदाहरण पेश करना चाहिन्दा, तिसरा जे दूज्जे लोक हमेशा पालन करी सक्को। ताहली जे तू विश्वासियां जो परमेशरा रे बारे च सखां, तां तिज्जो खरे ईरादे ने सखाणा चाहिन्दा कने इस तरीके ने भई लोक तेरा आदर करो।

फिलिप्पियां 4:8

इस खातर साथी विश्वासियो, तिन्हां गल्लां रा ध्यान करा सै जे सच्चियां इ, कने सै गल्लां जे आदर रे लायक इ, कने सै जे किछ ठीक आ, कने सै जे किछ पवित्र आ, सै जे किछ सुन्दर आ, सै जे किछ सराहना रे लायक आ, यनिके कोई बी होर उत्तम गुण या प्रशंसा री गल्लां ओ तिन्हां पर ध्यान लगाया करा।

इफिसियां 5:24

तियां जे कलीसिया मसीह रे अधीन इ, तियां इ पत्नियां जो सारियां गल्लां च अपणे-अपणे पतियां रे प्रति समर्पित रैहणा चाहिन्दा।