1 तिमुथियुस 3:2 - बिलासपुरी नौआं नियम

² इस खातर ये जरूरी आ भई अगुवा निर्दोष कने इक्की पत्निया रा पति, हरेक हालता च अपणे बर्ताव कने भावनां जो काबू करने औल़ा, ईज्जतदार, आदर-खातर करने औल़ा, कने परमेशरा रे वचना जो ठीक ढंगा ने सखाणे रे काविल हो।

1 तिमुथियुस 3:2 Referans Kwoze

2 तिमुथियुस 2:24

कने प्रभुये रे सेवका जो त झगड़ना इ नीं चहिन्दा, वल्कि तिस्सो त सब्बीं पर दया कने परमेशरा रे वचना जो ठीक ढंगा ने सखाणे रे काविल हूणा चाहिन्दा, तिस्सो सैहनशील हूणा चहिन्दा।

रोमियो 12:13

परमेशरा रे लोकां री जरूरतां च मदद करा; मैहमान्नां रे आदर सत्कारा खातर हर वगत त्यार रौआ।

1 तिमुथियुस 5:9

विधवां रिया सूचिया च तिसा राई नौं लिख्या जाओ तिसारी उम्र जे साट्ठ साल्लां ते ऊपर हो, कने सै जे अपणे पतिये रे परति बफादार रैई हो,

1 पतरस 4:9

बिणा शिकायत कित्ते इक्की दूये रा आदर-सत्कार करा।

1 पतरस 5:8

खुद अप्पूँजो काबुये च रखा कने सावधान रौआ, काँह्भई तुहांरा दुश्मण शैतान हुरन्गदे हुये शेरा साई इसा तलाशा च रैयां, भई किस जो अपणा शिकार बणाये।

इब्रानियों 13:2

अंजाण लोकां रा आदर करना नीं भूल्ला, काँह्भई येढ़ा करने रे जरिये किछ लोकें अनजाणे च स्वर्गदूतां रा आदर कित्तिरा।

तीतुस 2:2

बजुर्गां जो अनुशासित कने हरेक हालता च अपणे बर्ताव कने भावनां जो काबू करने खातर कने ईज्जतदार हुणे खातर, कने विश्वास, प्यार, कने धीरजा च मजबूत हुणे खातर निर्देश देओ।

फिलिप्पियां 2:15

ताकि तुहें निर्दोष कने पवित्र बणी जाओ, कने इस टेढे-मेडे कने अड़ियल लोकां रे बिच परमेशरा रे निर्दोष बच्चे बणी जावा, तिन्हांरे बिच तुहें जीवन देणे औल़ा वचन लेईने संसारा च बल़दे दीपकां साई दिस्या कराँ ये,

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

1 तिमुथियुस 4:3

येढ़े लोक ये सखायें भई ब्याह करना कने किछ किस्मा रा भोजन खाणा गल़त आ। पर परमेशरे ये खाणा विश्वासी लोकां खातर बणाईरा सै जे सच्चिया शिक्षा जो जाणाँ ये भई परमेशरा रा धन्यवाद करीने खाया जाओ।

लूका 1:6

जकर्याह कने इलिशिबा ये दोन्नों जणे परमेशरा री नज़राँ च धर्मी थे, सै बड़े ध्याना ने प्रभुये रे हुक्मा जो कने विधियां जो मन्नां थे।

लूका 2:36

हन्ना, परमेशरा री इक पक्की भगतणी थी, तिसाजो जे परमेशरा री भविष्यवाणी करने रा बरदान था, सै बी तिस बगत मन्दरा च हाजर थी। सै अशेर रे गोत्रा चते फनूएल री कुड़ी थी, कने सै बौहत बुड्डी थी। ताहली जे तिन्हारे ब्याह जो हुईरे सिर्फ सात्त साल हुईरे थे तिस बगत तिसारे घरा औल़े री मौत हुईगरी थी, तां सै बिधवा थी।

1 तिमुथियुस 3:8

तियां इ सेवक बी ईज्जतदार कने ईमानदार हुणे चाहिन्दे, कने सै पियक्कड़ कने नीच कमाईया रे लालची नीं हो;

1 तिमुथियुस 3:12

सेवक इक्की पत्निया रा पति हो, कने बाल-बच्चयां कने अपणे घरा जो ठीक ढंगा ने चलाणे औल़ा हो;

1 तिमुथियुस 5:10

कने भलयां कम्मां च तिसारा नौं हो, तियां जे बच्चयां रा पाल़ण-पोषण; मेहमान्नां री सेवा कित्ती हो, पवित्र लोकां री इक दासिया साई सेवा कित्ती हो, दुखियां री मद्‌द कित्ती हो, कने हरेक भले कम्मां च मन लाया हो।

1 तिमुथियुस 5:22

किसी पर इकदम हाथ रखीने अगुवे नीं बणायां, कने जे तू ये कराँ, तां तू तिसरे पापां रा जिम्मेवार हूणा; अप्पूँजो पवित्र बणाई रख।