1 तिमुथियुस 1:17 - बिलासपुरी नौआं नियम

¹⁷ हुण अनन्तकाल रा राजा, सै जे हमेशा रे खातर जिवित आ, तिस्सो जे कोई नीं देक्खी सकदा, तिस इकमात्र कने सच्चे परमेशरा रा आदर कने महिमा जुगां-जुगां तक हुंदी रौ। आमीन।

1 तिमुथियुस 1:17 Referans Kwoze

प्रकाशितवाक्य 19:1

इसते बाद मैं स्वर्गा च मन्नो बडिया भीड़ा जो ऊच्चिया अवाज़ा ते ये बोलदे सुणया, “हालेलूय्याह! छुटकारा, महिमा कने सामर्थ सिर्फ अहांरे परमेशरा री हई।

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”

कुलुस्सियां 1:15

कोई बी परमेशरा जो देखी नीं सकदा, पर ताहली जे तिसरा पुत्र माहणु बणया तां तिने लोकां पर परमेशरा जो परगट कित्या, कने परमेशरे जो किछ बणाईरा तिसरे ऊपर तिसरा इ प्रधान अधिकार आ।

प्रकाशितवाक्य 19:16

कने तिसरे कपड़े कने लत्ता पर ये नौं लिखिरा : “राजयां रा राजा कने प्रभुआं रा प्रभु।”

रोमियो 1:23

कने तिन्हें तेजोमय कने अविनाशी परमेशरा री अराधना करने रे बजाय, तिन्हें नाश हुणे औल़े माहणुआं, चिड़ियां, पशुआं कने सर्पां साई मूर्तियां री अराधना कित्ती।

प्रकाशितवाक्य 19:6

फेरी मिन्जो बौहत भीड़ा साई कने मते पाणिये रे बगणे साई अवाज़, कने गर्जना साई बौहत अवाज़ सुणी, “हालेलूय्याह! काँह्भई प्रभु अहांरा सर्वशक्तिमान परमेशर राज कराँ।

1 यूहन्ना 4:12

परमेशरा जो किन्हिये कदीं नीं देख्या, पर जे अहें इक्की दूये ने प्यार रखिये, तां परमेशर अहां च बास कराँ कने तिसरा प्यार अहांरे अन्दर पूरा हुईग्या।

यूहन्ना 1:18

परमेशरा जो किने बी कदीं नीं देख्या, इकलौता पुत्र सै जे मसीह यीशु आ, तिसरा जे पिता ने बड़ा गैहरा रिश्ता, तिने इ अपणे पिता जो अहां सब्बीं पर परगट कित्या।

मत्ती 6:13

कने अहांजो परीक्षा च नीं पा, पर शैतान्ना ते बचा; [काँह्भई राज कने सामर्थ कने महिमा सदा खातर तेरे इ हाये। आमीन।]’ ”

प्रकाशितवाक्य 15:3

कने सै परमेशर रे दास मूसा रा गीत, कने मेमने रा गीत गां थे, “हे सर्वशक्तिमान प्रभु परमेशर, तेरे काम्म महान कने अदभुत ये; हे युग-युग रे राजा, तेरी चाल ठीक कने सच्ची।”

प्रकाशितवाक्य 7:12

“आमीन! अहांरे परमेशरा री स्तुति, महिमा, ज्ञान, धन्यवाद, आदर, सामर्थ कने शक्ति युगां-युगां तक बणीरी रौ। आमीन!”

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।

1 पतरस 5:11

तिसरा राज युगां-युगां तक रौ। आमीन।

इब्रानियों 11:27

तिने विश्वासा रे जरिये राजे रे गुस्से ते बिणा डरे मिस्र देशा जो छड्डीत्या। काँह्भई सै तियां जाया राँ था तियां जे भई सै परमेशरा जो देख्यारा था, तिस्सो जे कोई देक्खी नीं सकदा।

रोमियो 16:27

तिस इकलौते ज्ञानवान परमेशरा री महिमा यीशु मसीह रे जरिये युगां-युगां तक हुन्दी रौ। आमीन।

रोमियो 11:36

काँह्भई सब किछ परमेशरा तेई औंआं। तिने सब किछ बणाईरा कने सब किछ तिसरा इ हाया। तिसजो सदा आदर मिलदा रौ। आमीन।

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

रोमियो 1:20

काँह्भई परमेशरा री अनन्त सामर्थ कने स्वाभाव कोई बी देक्खी नीं सकदा। पर संसारा रिया सृष्टिया रे बगता तेई परमेशरे अपणे कम्मां रे जरिये ये साफ-साफ दस्सीरा। इस खातर लोकां ले कोई बहान्ना निआं।

मत्ती 28:20

कने तिन्हांजो ये सारी गल्लां सै जे मैं तुहांजो आज्ञा दित्तिरी, मनणा सखाओ; कने याद रखा, हऊँ संसारा रे अन्ता तक सदा तुहांरिया सौगी आ।”

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

यूहन्ना 5:44

तुहें माह पर विश्वास नीं करी सक्कां ये, काँह्भई तुहें त अप्पूँ बाटियें इक दुज्जे ते आदर लेणा पसन्द कराँ ये, कने तुहें इकमात्र परमेशरा ते तारीफ पाणे री कोशिश नीं करदे।

रोमियो 2:10

पर सै जे कोई अच्छाईया पर चलां, तिस्सो परमेशरा महिमा, आदर कने शान्ति देणी, पैहले यहूदिये जो कने फेरी अन्यजातियां जो।

इब्रानियों 2:7

तैं तिन्हांजो स्वर्गदूतां ते सामर्था च किछ वगता तक घट करीने बणाईरा, तैं तिन्हांजो राजे साई महिमा कने आदर दित्तिरा।