पर इसरे उलट ताहली जे तिन्हें अगुवेयां देख्या भई तियां जे परमेशरे पतरसा जो खतना कित्ती रयां लोकां जो खुशखबरी सुनाणे रा काम्म सौंपया था, तियां इ परमेशरे गैर-यहूदी लोकां जो खुशखबरी सुनाणे रा काम्म मिन्जो दित्या।
कने हुण ठीक बगता पर परमेशरे ये खुशखबरी अहां पर प्रगट कित्ती कने अहें ये सब्बीं जो प्रचार कराँ ये। अहांरा छुटकारा देणे औल़े परमेशरे मिन्जो ये जिम्मेवारी दित्ति कने तिसरे खातर ये काम्म करने जो तिने मिन्जो हुक्म दित्या।
इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।
अरे तिमुथियुस, तू ये निश्चा कर भई सै जे परमेशरे तिज्जो सौंपीरा तू सैई कराँ। कने तिन्हां लोकां री मत सुणयां सै जे लगातार मूर्ख गल्लां कराँ ये तिन्हांते जे परमेशरा रे खातर आदर नींआ कने बेकार च बैहस कराँ ये कने सै बोलां ये भई ये ज्ञान आ, पर सच्चीजो ये नींआ।
पर तियां जे परमेशरे अहांजो लायक समझीने खुशखबरी सौंपी, इस खातर अहें माहणुआं जो नीं, पर अहांरे मना जो परखणे औल़े परमेशरा जो खुश करने रे खातर उपदेश देआंये।
तिने मसीह यीशुये रे जरिये इस तरिके ने अपणी दया अहां पर दिखाई ताकि औणे औल़े वगता च संसारा रे लोकां देखणा भई तिसरा अनुग्रह कितना महान आ। ये अनुग्रह सब्बीं ते महान आ।
काँह्भई जे हऊँ अपणिया इच्छा ते प्रचार कराँ, तां मिन्जो इसरा ईनाम मिलणा, कने जे अपणिया इच्छा ते प्रचार नीं करदा, तां बी मिन्जो सौपी रिया जिम्मेवारिया जो हऊँ पूरा कराँ।