1 थिस्सलुनीकियां 5:6 - बिलासपुरी नौआं नियम

⁶ इस खातर अहें होरसीं साई सुत्तीरे नीं रौ, पर जागदे कने सावधान रौ।

1 थिस्सलुनीकियां 5:6 Referans Kwoze

1 पतरस 1:13

इस खातर अपणे मना जो काम्म रे खातर त्यार करा। सचेत रौआ कने अपणी आस पूरी तरह तिस अनुग्रह पर रखा सै जे मसीह यीशुये रे भीं ते औणे रे बगत तुहांजो दित्या जाणा।

मत्ती 24:42

इस खातर तुहें लोक खबरदार हुई जावा काँह्भई तुहें नीं जाणदे भई तुहांरे परमेशरा किस दिन औणा।

लूका 22:46

यीशुये तिन्हाते पुच्छया, “तुहें कजो सुत्तीरे? उट्ठा कने प्राथना करा, भई तुहें किसी परीक्षा च पैईने पाप नीं करो।”

1 पतरस 5:8

खुद अप्पूँजो काबुये च रखा कने सावधान रौआ, काँह्भई तुहांरा दुश्मण शैतान हुरन्गदे हुये शेरा साई इसा तलाशा च रैयां, भई किस जो अपणा शिकार बणाये।

प्रकाशितवाक्य 16:15

“देख, हऊँ चोरा साई औआं; आशीषित सै आ सै जे जागदा रैयां, कने अपणे कपड़यां री चौकसी कराँ, ताकि सै नंगा नीं फिरो कने लोकां रे सामणे शर्मिन्दा नीं हुणे पौ।”

तीतुस 2:12

परमेशर अपणे अनुग्रह रिया वजह ते अहांजो सिखां भई तेढ़ा वर्ताव करना बन्द करा सै जे तिस्सो खुश नीं करदा कने तिन्हां चीजां रा लालच नीं करो तिन्हांरी इच्छा जे अविश्वासी लोक करां ए, कने जबकि अहें हल्तियें इसा इ पृथ्विया पर ए, तां समझदारिया ने कने धार्मिकता सौगी इस तरीके ने काम्म करा सै जे परमेशरा जो खुश करां।

इफिसियां 5:14

इसा वजह ने लोक बोलां ये, “सौणे औल़या जाग कने मूईरेयां चते जिऊंदा हुई जा; तां मसीह री ज्योति तूह पर चमकणी।”

प्रकाशितवाक्य 3:2

इस खातर जाग्गी जा! कने सै गल्लां जे बाकी बची गरियां कने सै जे मिटणे औल़ियां, तिन्हांजो मजबूत कर; काँह्भई मैं तेरे किसी बी कम्मां जो अपणे परमेशरा रिया नजरा च पूरा नीं पाया।

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

1 कुरिन्थियों 16:13

जागदे रौआं, विश्वासा च बणीरे रौआ, निडर बणा, विश्वासा च मजबूत रौआ।

1 तिमुथियुस 2:9

तियां इ हऊँ बी चांह भई जनानां बी ठीक ढंगा रे बधिया कपड़े पैहनीने अप्पूँजो स्वारो; नां की किसी रा ध्यान खिंजणे रे खातर बाल बनाणा कने सोने कने मोतियां कने मैहंगे कपड़यां ते,

तीतुस 2:6

इस तरिके ने जवान मर्दां जो बी अपणा बर्ताव काबू करने खातर विनती कर।

1 तिमुथियुस 3:2

इस खातर ये जरूरी आ भई अगुवा निर्दोष कने इक्की पत्निया रा पति, हरेक हालता च अपणे बर्ताव कने भावनां जो काबू करने औल़ा, ईज्जतदार, आदर-खातर करने औल़ा, कने परमेशरा रे वचना जो ठीक ढंगा ने सखाणे रे काविल हो।

कुलुस्सियां 4:2

हमेशा प्राथना च लगीरे रौआ, कने ताहली जे तुहें प्राथना करो तां सावधान रौआ कने परमेशरा रा धन्यवाद करदे रौआ;

इफिसियां 6:18

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

लूका 21:36

इस खातर हर पल चुश्त रौआ कने प्राथना करदे रौआ भई तुहें इन्हां सारियां गल्लां ते, सै जे हुणे औल़ियां, बचणे री ताकत पाई सक्को, कने अपणे आत्म विश्वासा सौगी माहणुये रे पुत्रा रे सामणे खड़े हुणे लायक बणी सक्को।”

लूका 12:39

पर तुहें येढ़ा जाणी लवा, भई जे घरा रे मालका जो येढ़ा पता होन्दा भई चोर किस बगत औणे औल़ा तां सै जागदा रेहन्दा कने तिस्सो अपणे घरा च बड़ने नीं देन्दा।

मत्ती 25:13

इस खातर त्यार रौआ, काँह्भई तुहें न माहणुये रे पुत्रा जो यनि मेरे वापस औणे रे दिना जो जाणाँ ये, नां तिस वगता जो जाणाँ ये।

मत्ती 25:5

ताहली जे लाड़े जो औणे च देर हुईगी, तां सारी कन्यां जो झमाईयां लगियां कने तिन्हांजो निंद पैईगी।

मत्ती 13:25

पर ताहली दास सुत्तीरे थे, तिस खेता रे मालका रा दुश्मण आया कने कणका च जंगली ब्यू बखेरी ने चलिग्या।

2 तिमुथियुस 4:5

पर तिज्जो हर हालता च अप्पूँजो काबुये च रखणा चाहिन्दा, दुख सै कने खुशखबरिया रा प्रचार कर कने अपणी जिम्मेवारिया जो पूरा कर सै जे प्रभुये तिज्जो दित्तिरी।

1 तिमुथियुस 3:11

तियां इ सेवकां रियां पत्नियां जो बी ईज्जतदार हूणा चाहिन्दा; सै दोष लाणे औल़ियां नीं हो पर हरेक हालता च अपणे बर्तावा जो काबू करने औल़ी कने सारियां गल्लां च विश्वासा लायक हो।

1 थिस्सलुनीकियां 5:8

पर अहें सै जे दिनां रे, विश्वास कने प्यारा जो रक्षा कवचा साई पैहना तियां जे इक फौजी अपणी रक्षा करने खातर पैहनां, कने अहांरी आशा अहौं टोपा साई बचाओ।

फिलिप्पियां 4:5

तुहांरी सहनशीलता सारे लोक जाणी सक्को, प्रभु जल्दी औणे औल़ा।

1 कुरिन्थियों 15:34

तुहें अपणे होशा च आई जावा कने पाप करना बन्द करा; काँह्भई कितणे येढ़े लोक ये सै जे परमेशरा जो नीं जाणदे, हऊँ तुहांजो शर्मिन्दा करने खातर ये बोलां।

प्रेरितां 20:31

“इस खातर जागदे रौआ, कने याद करा भई मैं तिन्नां साल्लां तका रात-दिन रोई-रोई ने हर इक्की जो चेतावनी देणा नीं छडया।

लूका 12:37

आशीषित ये सै सेवक सै जे मालका रे औन्दे इ तिसजो जागदे कने त्यार हुईरे मिलां ये। हऊँ तुहांजो सच्च बोलां, भई सै बी तिन्हां रिया सेवा खातर अपणी कमर बन्हीने तिन्हाजो रोटी खाणे बठाल़गा, कने नेड़े आईने तिन्हारी सेवा करगा।

मरकुस 13:37

कने सै जे हऊँ तुहांजो बोलां, सैई सब्बीं ने बोलां : ‘सदा त्यार रौआ!’”

मत्ती 26:38

फेरी तिने तिन्हाने गलाया, “मेरा मन बड़ा दुखी आ, येढ़ा लगीराँ भई मेरे प्राण निकल़णे लगीरे। तुहें येत्थी रुका कने मेरे सौगी जागदे रौआ।”

1 तिमुथियुस 2:15

पर औरतां जन्म देंदे वगत खतरे ते बचाई लेई जाईयां, जे सै सब्र रखीने विश्वास, प्यार, कने पवित्रता च मजबूत रौ।

इफिसियां 2:3

इक बगत था ताहली जे अहें सब बी तिन्हां साई जीआं थे कने बासनां कने अपणे पापी स्वाभावा रियां इच्छां जो पूरा कराँ थे। अहें अपणे स्वभावा च दुज्जेयां लोकां साई थे इस खातर परमेशर अहांने गुस्सा था।

1 थिस्सलुनीकियां 4:13

मेरे साथी विश्वासियो अहें चायें भई तुहें ये जाणी लो भई तिन्हां विश्वासियां सौगी क्या हुणा सै जे पैहले इ मरी चुक्कीरे, अंजाण रौआ; किति येढ़ा नीं हो भई तुहें अविश्वासी लोकां साई दुख मनाओ, कांहभई तिन्हाजो आशा नीं भई मरने ते बाद सै दोबारा जिन्दा हुइ जाणे।

1 थिस्सलुनीकियां 5:10

यीशु मसीह अहां खातर इस वजह ते मरया भई अहें चाये जिऊंदा ओ या मूईरे ओ, अहें सदा तिसने सौगी जी सको।