1 थिस्सलुनीकियां 4:9 - बिलासपुरी नौआं नियम

⁹ पर अहौं तुहांजो इक दूये विश्वासी भाईयां ने प्रेम करने रे महत्व रे बारे च लिखणे री जरूरत नीं, काँह्भई परमेशरे खुद इक दूये ने प्रेम करने रे खातर तुहांजो सखाईरा।

1 थिस्सलुनीकियां 4:9 Referans Kwoze

1 यूहन्ना 3:11

सै खुशखबरी जे तुहें शुरु ते सुणी, सै येई भई अहें इक-दूये ने प्यार रखिये।

रोमियो 12:10

भाईचारे रे प्यारा ने इक्की दुज्जे रे प्रति समर्पित रौआ, कने दुज्यां जो अप्पूँ ते बधीने आदर देआ।

1 यूहन्ना 3:23

कने तिसरा हुक्म येआ: भई अहें तिसरे पुत्र यीशु मसीह रे नौआं पर विश्वास करिये कने तियां जे तिने अहांजो हुक्म दित्या तिसरे मुतावक अहें इक दुज्जे ने प्यार रखिये।

1 यूहन्ना 4:21

कने मसीह ते अहांजो ये हुक्म मिलया भई सै जे कोई परमेशरा ने प्यार रक्खां, सै अपणे साथी विश्वासिये ने बी प्यार रक्खां।

इब्रानियों 13:1

इक दूये जो भाई-भैणा साई प्यार करदे रौआ।

1 थिस्सलुनीकियां 5:1

साथी विश्वासियो, इसरी जरूरत नीं भई प्रभु यीशु मसीह रे वापस औणे रे वगता कने तारीका रे बारे च तुहांजो किछ लिखुं।

प्रेरितां 4:32

विश्वास करने औल़यां री मण्डली इक चित कने इक्की मना री थी, येत्थी तका भई कोई बी अपणी धन सम्पतिया जो अपणा नीं बोलदा था, पर सब किछ सांझा था।

1 यूहन्ना 2:10

सै जे कोई अपणे साथी विश्वासिये ने प्यार रखां, सै परमेशरा रिया ज्योतिया रे मुतावक जी राँ। कने सै किसी होरी रे खातर पापां री वजह नीं बणदा।

2 पतरस 1:7

नांई तुहांजो इस तरिके ने जीणा चाहिन्दा सै जे परमेशरा जो खुश कराँ, बल्कि अपणे परिवारा रे सदस्या साई बी साथी विश्वासियां ने प्रेम करना चाहिन्दा, नांई तुहांजो अपणे परिवारा रे सदस्या साई इक्की दूये जो प्रेम करना चाहिन्दा, बल्कि तुहांजो सारयां लोकां जो प्रेम करना चाहिन्दा।

1 पतरस 4:8

कने सबनीं ते बड्डी गल्ल येई भई तुहें इक्की दुज्जे ने ईमानदारिया ने प्यार रखा, काँह्भई जे तुहें प्यार रखगे तां तुहां लोकां रिया किसी बी गल्तिया जो माफ करने खातर सदा त्यार रैहणा।

1 पतरस 3:8

आखिर च हऊँ तुहांजो ये बोलणा चांह, तुहां सारयां जो इक मन हूणा चाहिन्दा, इक दूये रे प्रति सहानुभूति रखा कने इक दूये जो इक परिवारा रे सदस्या साई प्यार करा, कने इक दूये रे प्रति दयालु कने नम्र बणा।

इब्रानियों 10:16

“प्रभु बोलां, मांह तिन्हांने औणे औल़े दिनां च सै वाचा जे बन्हणी सै येई भई, मांह अपणी व्यवस्था तिन्हांरे मना च पाणी, कने तिन्हां व्यवस्था अपणे दिलां च रखणी।”

यूहन्ना 14:26

पर सहायक, यनि पवित्र आत्मा, तिस्सो जे पिता मेरे नौआं ते भेजणा, तिस सब गल्लां तुहांजो सखाणियां कने जो किछ मैं तुहांजो गलाया सै सब गल्लां याद कराणियां।

मत्ती 22:39

फेरी येढ़ि इ दुज्जी आज्ञा येई भई अपणे पड़ेसिये ने तियां इ प्यार कर जिआं जे तू अप्पूँ ने प्यार कराँ।

2 कुरिन्थियों 9:1

हुण यरूशलेम च विश्वासियां जो मदद करने री सेवा रे बारे च मिन्जो तुहांजो लिखणे री जरूत नीं।

फिलिप्पियां 3:15

ताकि तिन्हां लोकां जो, सै जे अहां चते आत्मिक तौर पर परिपक्व ये, इस तरिके ने सोचणा चाहिन्दा, पर जे तुहां चते कोई बी इसते अलग सोच्चां, तां परमेशर तिसजो समझणे च तुहांरी मदद करगा।