1 थिस्सलुनीकियां 4:13 - बिलासपुरी नौआं नियम

¹³ मेरे साथी विश्वासियो अहें चायें भई तुहें ये जाणी लो भई तिन्हां विश्वासियां सौगी क्या हुणा सै जे पैहले इ मरी चुक्कीरे, अंजाण रौआ; किति येढ़ा नीं हो भई तुहें अविश्वासी लोकां साई दुख मनाओ, कांहभई तिन्हाजो आशा नीं भई मरने ते बाद सै दोबारा जिन्दा हुइ जाणे।

1 थिस्सलुनीकियां 4:13 Referans Kwoze

1 थिस्सलुनीकियां 5:10

यीशु मसीह अहां खातर इस वजह ते मरया भई अहें चाये जिऊंदा ओ या मूईरे ओ, अहें सदा तिसने सौगी जी सको।

1 थिस्सलुनीकियां 4:15

काँह्भई अहें प्रभु यीशुये रे वचना रे मुतावक तुहांजो येढ़ा बोलां ये भई अहें त जिऊंदा ये कने प्रभु यीशुये रे वापस औणे तक बची रयां रैहणा, तां पक्का सै तिन्हां विश्वासियां ते पैहले तिसने नीं मिलणे सै जे पहले मरी चुक्कीरे।

इफिसियां 2:12

याद करा तिस बगत तुहें लोक मसीह ते लग थे, तुहें इस्राएल रिया बरादरिया ते बाहर थे, कने तिसरे वायदे रिया वाचां रे हिस्सेदार नीं थे कने इस संसार च बगैर आशा ते कने बगैर परमेशरा ते थे।

2 पतरस 3:4

कने तिन्हां बोलणा, “क्या मसीहे दोवारा औणे रा वायदा नीं कित्तिरा था? तां सै किति आ? अहें बोलां ये भई तिस दोवारा नीं औणा, काँह्भई अहांरे पूर्वजां री मौत हुई चुक्कीरी, फेरी बी सब किछ तियां इ चलीरा तियां जे सृष्टिया रे शुरु ते था।”

1 कुरिन्थियों 15:6

फेरी सै पांज्ज सौ ते जादा विश्वासियां जो इक साथ दिखाई दित्या, तिन्हां चते बौहत सारे लोक हुण तक ज्यूंदे हलाँकि किछ लोक मरी चुक्कीरे।

प्रेरितां 7:60

फेरी गोडे टेक्कीने उचिया अवाज़ा च हाक पाई, “प्रभु, इस पापा खातर इन्हांजो माफ कर।” इसते बाद येढ़ा बोलीने सै मरीग्या।

2 कुरिन्थियों 1:8

अहांरे साथी विश्वासियो, अहें चाँये भई तुहें तिन्हां दुखां रे बारे च जाणा सै जे अहांजो आसिया प्रदेशा च झेलणे पै थे; सै अहांरे खातर भयंकर दुख था सै जे अहां रिया सैहण-शक्तिया ते परे था, येत्थी तक भई अहांजो जीणे तक री कोई आशा नीं थी।

1 कुरिन्थियों 10:1

अरे साथी विश्वासियो, हऊँ नीं चाहंदा भई तुहें इसा गल्ला ते अंजाण रौ भई अहांरे सब पूर्वज बदल़ां रे थल्ले थे, कने सारे समुद्रा रे बिच्चा ते हुईने पार हुईगे।

रोमियो 1:13

मेरे साथी विश्वासियो, हऊँ नीं चांहन्दा भई तुहें इसते अंजाण रौ भई मैं तुहांले बार-बार औणा चाहया ताकि हऊँ तुहांरी आत्मिक तरक्किया च मदद करी सक्कूँ, तियां जे अन्यजातियां रे लोकां रे बिच कित्तिरा, पर हुण तक किसी वजह ने रुकिरा रैया।

प्रेरितां 13:36

“काँह्भई दाऊद त परमेशरा री इच्छा रे मुतावक अपणे बगता च सेवा करीने मरीग्या, कने अपणे पूर्वजां च मिलीग्या, कने सड़ी बी गया।

यूहन्ना 11:24

मार्थे तिसने बोल्या, “हऊँ जाणाँ इ भई न्याय रे दिन तिस भीं ते जिऊंदे हूणा, ताहली जे हर कोई जिऊंदा हुई जाणा।”

2 पतरस 3:8

पर मेरे प्यारे मित्रो, इसा इक्की गल्ला जो मता भुलदे: प्रभुरे खातर इक दिन हजार साल्ला रे बराबर ये कने हजार साल इक्की दिना रे बराबर आ; तिसरे खातर इक दिन कने हजार साल दोन्नों बराबर ये।

प्रेरितां 8:2

किछ धर्मी लोकें स्तिफनुसा जो कब्रा च रखया कने तिसरे खातर बौहत रोये कने दुख मनाया।

मत्ती 27:52

कने कब्राँ खुली गियां कने परमेशरा रे मूईरे पवित्र लोकां रे कई मुर्दे जिस्म जिऊंदा हुईगे,

1 कुरिन्थियों 12:1

अरे साथी विश्वासियो, हऊँ नीं चाहन्दा भई तुहें आत्मिक वरदान्नां रे बारे ते अंजाण रौ।

इफिसियां 2:3

इक बगत था ताहली जे अहें सब बी तिन्हां साई जीआं थे कने बासनां कने अपणे पापी स्वाभावा रियां इच्छां जो पूरा कराँ थे। अहें अपणे स्वभावा च दुज्जेयां लोकां साई थे इस खातर परमेशर अहांने गुस्सा था।

1 थिस्सलुनीकियां 4:14

काँह्भई जे अहें विश्वास कराँ ये भई यीशु मरया कने जी बी उट्ठया, तां तियां इ परमेशर तिन्हौं बी सै जे यीशुये च मरी चुक्कीरे, यीशुये सौगी स्वर्गा च नेणे।

1 थिस्सलुनीकियां 5:6

इस खातर अहें होरसीं साई सुत्तीरे नीं रौ, पर जागदे कने सावधान रौ।