1 थिस्सलुनीकियां 3:1 - बिलासपुरी नौआं नियम

¹ काँह्भई अहें तुहौं देखणे रे खातर होर जादा इन्तजार नीं करी सकदे थे इस खातर अहें एथेंस नगरा च कल्हे ही रुकणे रा निश्चा करील्या;

1 थिस्सलुनीकियां 3:1 Referans Kwoze

प्रेरितां 17:15

पौलुसा जो ल्यौणे औल़े तिस्सो एथेंस नगरा तक लईगे; कने पौलुसा रे इस हुक्मा सौगी सै बिरिया नगरा च वापस हुईगे भई सीलास कने तिमुथियुसा जो छोड़े इ तिन्हांले भेजी दित्या जाओ।

1 थिस्सलुनीकियां 3:5

इस खातर काँह्भई हऊँ होर जादा इन्तजार नीं करी सकदा था, इस खातर मैं तुहांरे विश्वासा रे बारे जाणने तिमुथियुस जो भेज्या। काँह्भई मिन्जो डर था भई किति येढ़ा नीं हो भई इम्तेहान लेणे औल़े शैताने तुहांरा इम्तेहान लेआ हो, कने अहां रिया मेहणता जो बेकार त नीं करित्या।

1 थिस्सलुनीकियां 2:17

हे भाईयो, तित्थी तक जे अहांरी गल्ल इ, अहें थोड़े बगता खातर तुहांते बिछड़ी गरे थे, विचाराँ ते नीं, सिर्फ शरीरा ते, इस खातर अहें तुहांजो मिलणे जो बड़े काहल़े हुईगरे अहांरी लालसा बधी गरी।

2 कुरिन्थियों 2:13

मेरे सौगी काम्म करने औल़े तीतुस जो तित्थी नीं पाईने हऊँ बड़ा दुखी था; इस खातर हऊँ त्रोआस नगरा जो छड्डिने वापस मकिदुनिया प्रदेशा च आईग्या।

प्रेरितां 17:16

ताहली जे पौलुस एथेंस नगरा च सीलास कने तिमुथी रा इन्तजार करयां राँ था, तां नगरा जो मूर्तियां ने भरीरा देखीने तिसरा मन बड़ा उदास हुया।