1 थिस्सलुनीकियां 2:7 - बिलासपुरी नौआं नियम

⁷ अहें मसीह रे प्रेरितां रे रुपा च अपणा हक जताई सक्कां थे, पर अहें तुहांरे बिच तियां इ नम्रता ने रैये तियां जे इक मौ अपणे बच्चे जो दुध प्याईने तिसरा पालन-पोषण कराँ इ।

1 थिस्सलुनीकियां 2:7 Referans Kwoze

1 थिस्सलुनीकियां 2:11

तुहें जाणदे इ हाये भई तियां जे इक पिता अपणे बच्चयां ने बर्ताव कराँ, तियां इ अहें तुहां चते हर इक्की जो उपदेश करदे, शान्ति देन्दे, कने समझान्दे थे,

याकूब 3:17

पर सै ज्ञान जे परमेशरा रिया तरफा ते औंआं सै पवित्र, मिलणसार, कोमल, दुज्जेयां रे अधीन रैहणे औल़ा। ये दया कने खरयां कम्मां ने भरीरा, इसच कदीं पक्षपात नींआ, कने हमेशा ईमानदार होता है।

2 कुरिन्थियों 10:1

हऊँ पौलुस मसीह री नम्रता कने कोमलता च तुहांजो विनती करी रां, हलाँकि मैं महसूस कित्या भई तुहें सोच्चां ये हऊँ तुहांरे सामणे डरपोक आ कने ताहली जे तुहांते दूर आ हऊँ निडर आ।

1 कुरिन्थियों 9:22

सै जे विश्वासा च कमजोर ये तिन्हांरे खातर हऊँ खुद कमजोर बणया ताकि कमजोराँ जो ल्याई सक्कूँ। हऊँ सब माहणुआं खातर सब किछ बणया भई किसी नां किसी तरिके ने किछ लोकां रा छुटकारा हुईजो।

2 कुरिन्थियों 13:4

हलांकि मसीह कमजोर था ताहली जे तिस्सो क्रूसा पर लटकाया गया था, पर हुण सै परमेशरा रिया सामर्था रे जरिये जीवित आ। अहें कमजोर ये तियां जे मसीह था, पर तुहां देखणा भई अहां परमेशरा रिया सामर्था ने जीणा तियां जे मसीह जीवित आ।

1 कुरिन्थियों 2:3

ताहली जे हऊँ तुहांरिया सौगी था तिस वगत मेरा शरीर कमजोर था, कने हऊँ डरा रिया वजह ने कम्बीग्या।

प्रेरितां 13:18

कोई चाल़ी साल्लां तका सै सुनसान जगह च तिन्हांजो सैंहदा रैया, हलाँकि इस्राएली लोकें परमेशरा रे हुक्मा रा पालन नीं कित्या।

गलातियां 4:19

मेरे प्यारे बच्चो, तियां जे इक औरत बच्चा जणने रे वगत पीड़ा जो अनुभव कराँ इ, तियां इ हऊँ भीं तुहांरे खातर इक बार पीड़ सैईराँ। मांह तिसा पीड़ा च तदुआं तक रैहणा तदुआं तक जे तुहें पूरे तरिके ने मसीह साई नीं बणी जान्दे।