1 थिस्सलुनीकियां 2:4 - बिलासपुरी नौआं नियम

⁴ पर तियां जे परमेशरे अहांजो लायक समझीने खुशखबरी सौंपी, इस खातर अहें माहणुआं जो नीं, पर अहांरे मना जो परखणे औल़े परमेशरा जो खुश करने रे खातर उपदेश देआंये।

1 थिस्सलुनीकियां 2:4 Referans Kwoze

गलातियां 1:10

साफ तौर पर, हऊँ लोकां जो खुश करने री कोशिश नीं करदा, पर परमेशरा जो खुश करना चाँह। हकीकत च हऊँ लोकां जो खुश नीं करना चाहन्दा, जे हऊँ हुण तक लोकां जोई खुश करदा रैहन्दा, तां हऊँ मसीह रा सेवक नीं हुन्दा।

रोमियो 8:27

पर मना जो जाँचणे औल़ा परमेशर जाणाँ भई पवित्र आत्मा क्या बोलीराँ? काँह्भई सै पवित्र लोकां रे खातर परमेशरा री इच्छा रे मुतावक विनती कराँ।

गलातियां 2:7

पर इसरे उलट ताहली जे तिन्हें अगुवेयां देख्या भई तियां जे परमेशरे पतरसा जो खतना कित्ती रयां लोकां जो खुशखबरी सुनाणे रा काम्म सौंपया था, तियां इ परमेशरे गैर-यहूदी लोकां जो खुशखबरी सुनाणे रा काम्म मिन्जो दित्या।

2 तिमुथियुस 1:14

पवित्र आत्मा रिया सामर्था रे जरिये सै जे अहां च वास कराँ तिसा सच्चाईया री रखवाल़ी कर सै जे तिज्जो सौपी गईरी।

इफिसियां 6:6

लोकां जो खुश करने औल़यां साई दिखावा करने रे खातर सेवा नीं करा, पर मसीह रे सेबका साई दिला ने परमेशरा री इच्छा पूरी करा।

तीतुस 1:3

कने हुण ठीक बगता पर परमेशरे ये खुशखबरी अहां पर प्रगट कित्ती कने अहें ये सब्बीं जो प्रचार कराँ ये। अहांरा छुटकारा देणे औल़े परमेशरे मिन्जो ये जिम्मेवारी दित्ति कने तिसरे खातर ये काम्म करने जो तिने मिन्जो हुक्म दित्या।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।

1 कुरिन्थियों 9:17

काँह्भई जे हऊँ अपणिया इच्छा ते प्रचार कराँ, तां मिन्जो इसरा ईनाम मिलणा, कने जे अपणिया इच्छा ते प्रचार नीं करदा, तां बी मिन्जो सौपी रिया जिम्मेवारिया जो हऊँ पूरा कराँ।

लूका 16:11

कने जे तुहें संसारा रिया धन दौलता रे बारे ची विश्वास लायक नीं हुये तां स्वर्गा री सच्ची दौलत तुहांजो किस देणी?

प्रकाशितवाक्य 2:23

मांह तिसारे बच्चयां जो मारी देणा; फेरी सारी कलीसियां ये जाणी लेणा भई दिल कने मना रा परखणे औल़ा हऊँ इ हाया; कने मांह तुहां चते हरेक जो तिसरयां कम्मां रे मुतावक ईनाम देणा।

इब्रानियों 4:13

सृष्टिया री कोई बी चीज़ परमेशरा रिया नज़राँ ते छिपीरी नीं, पर तिसरे सामणे सारी चीजां खुल्ही कने प्रगट इ। कने अहें अपणी जिन्दगिया च जो किछ कित्तिरा तिसरा हिसाब अहांजो परमेशरा ले देणे पौणा।

1 तिमुथियुस 6:20

अरे तिमुथियुस, तू ये निश्चा कर भई सै जे परमेशरे तिज्जो सौंपीरा तू सैई कराँ। कने तिन्हां लोकां री मत सुणयां सै जे लगातार मूर्ख गल्लां कराँ ये तिन्हांते जे परमेशरा रे खातर आदर नींआ कने बेकार च बैहस कराँ ये कने सै बोलां ये भई ये ज्ञान आ, पर सच्चीजो ये नींआ।

कुलुस्सियां 3:22

सेबको, अपणे-अपणे संसारिक स्वामियां री सारी गल्लां रा पालन करा, सिर्फ लोकां जो खुश करने रे खातर तिस इ बगत नीं ताहली जे सै देक्खी रायें, बल्कि सच्चे मना ने तिसरी मन्ना, काँह्भई तुहें प्रभुरा आदर कराँ ये।

2 कुरिन्थियों 5:11

इस खातर प्रभु ते डरदे हुये अहें सच्चाईया पर विश्वास करने रे खातर लोकां ने विनती करदे रै; परमेशर खुद अहौं पूरे तरिके ने जाणा भई अहें केढ़े; कने मेरी आशा येई भई तुहें बी अहांजो ठीक ढंगा ने जाणाँ ये।

2 तिमुथियुस 2:2

कने बौहत लोकां रे सामणे जो शिक्षायें तैं माहते सुणी रियां, तिन्हौं बफादार माहणुआं जो सौंपी दे सै जे दुज्यां जो बी सखाणे रे लायक हो।

2 कुरिन्थियों 5:16

इस खातर हुण ते अहें किसी बी माहणुये रा न्याय संसारा रे नजरिये ने नीं करो। इक बगत था ताहली जे अहें मसीह रा न्याय बी संसारा रे नजरिये ने कित्या था। पर हुण अहें मसीह जो संसारा रिया नज़राँ ने नीं देखदे।

1 कुरिन्थियों 7:25

क्वारियाँ रे बारे च सै स्वाल जे तुहें पुच्छया था तिसरा जबाब हऊँ देणा चांह: प्रभुये रिया तरफा ते कोई हुक्म मिन्जो नीं मिलया, पर प्रभुये रिया दया ते बफादार हुणे रे नाते हऊँ अपणी राय देआं।

यूहन्ना 21:17

यीशुये फेरी तिज्जी बार पतरसा जो गलाया, “यूहन्ना रे पुत्र शमौन, क्या तू मिन्जो प्रेम कराँ?” पतरस बौहत परेशान हुईग्या भई यीशुये तिस्सो तिज्जी बार ये पुच्छया, क्या तू मिन्जो प्रेम कराँ? तां पतरसे यीशुये जो गलाया, “हे प्रभु! तू सब किछ जाणाँ, तू जाणाँ भई हऊँ तेरने प्रेम कराँ।” यीशुये तिस्सो गलाया, मेरियां भेड्डां जो चरा।

लूका 12:42

प्रभुये गलाया; “सै विश्वास लायक कने समझदार भण्डारी कुण हूणा, तिसरा मालक जे तिस्सो नोकराँ-चाकराँ पर मुखिया बणाईने घरा री रखवाल़ी करने कने ठीक बगता पर तिन्हांजो रोटी देणे री जिम्मेवारी सम्भाल़े।

2 कुरिन्थियों 2:17

परमेशरा रे वचना जो अपणे फायदे खातर, तिसच मिलावट करीने बेचणे औल़े मते सारे दुज्जे लोकां साई अहें नींये। पर अहें त परमेशरा रे सामणे परमेशरा रिया तरफा ते भेज्जीरे माहणुआं रे बराबर मसीह च हुईने सच्चाईया ने बोलां ये।

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।