1 पतरस 5:3 - बिलासपुरी नौआं नियम

³ देख-रेख करने रे खातर सै लोक जे तुहांजो सौंपे गईरे, तिन्हां पर अधिकार नीं जतावा, बल्कि समूहा रे खातर इक आदर्श बणा।

1 पतरस 5:3 Referans Kwoze

2 थिस्सलुनीकियां 3:9

अहें कड़ी मेहणत कित्ती इस खातर नीं भई अहांजो तुहांते मदद पाणे रा अधिकार निआं; बल्कि अहें तुहांरे सामणे इक आदर्श रखणा चाँह थे, ताकि तुहें तिसरा पालन करी सक्को।

फिलिप्पियां 3:17

प्यारे साथी विश्वासियो, तुहें सारे मिलीने मेरे साई जीवन जिऊआ, कने तिन्हां लोकां रा बी ध्यान रखा सै जे मेरे व्यवहारा साई व्यवहार कराँ ये कने तिन्हांरा अनुशरण करा।

2 कुरिन्थियों 1:24

इसरा मतलब ये नींआ भई अहें तुहांरे विश्वासा पर अपणा हक जताये, काँह्भई तुहें अपणे विश्वासा पर अटल ये, लेकिन अहें त तुहांरिया इ मौज्जा खातर तुहां सौगी काम्म कराँ ये।

तीतुस 2:7

तिज्जो हर गल्ला च खरयां कम्मां रे जरिए उदाहरण पेश करना चाहिन्दा, तिसरा जे दूज्जे लोक हमेशा पालन करी सक्को। ताहली जे तू विश्वासियां जो परमेशरा रे बारे च सखां, तां तिज्जो खरे ईरादे ने सखाणा चाहिन्दा कने इस तरीके ने भई लोक तेरा आदर करो।

1 तिमुथियुस 4:12

कोई तेरिया ज्वानिया जो बेकार नीं समझणे पाओ; पर वचन, कने चाल-चल़ण कने प्यार कने विश्वास, कने पवित्रता च विश्वासियां खातर आदर्श बणी जा।

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

फिलिप्पियां 4:9

सै गल्लां जे तुहें माहते सिखियां, कने ग्रहण कित्तियां कने सुणियां कने मांह च देखियां, तिन्हां गल्लां रा पालन करदे रौआ, तां शान्तिया रे परमेशरा तुहांरे सौगी रैहणा।

2 कुरिन्थियों 4:5

अहें खुद अपणा प्रचार नीं करदे बल्कि अहें ये प्रचार कराँ ये भई मसीह यीशु इ प्रभु आ, कने अहें यीशुये रिया वजह ने तुहांरे सेवक ये।

1 कुरिन्थियों 11:11

फेरी बी प्रभु च जनाना माहणुये ते लग नीं कने माहणु जनाना ते लग नींआ।

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

1 कुरिन्थियों 3:9

काँह्भई अहें दोन्नो इकट्ठे परमेशरा रे खातर काम्म कराँ ये; तुहें इक्की खेता साई ये सै जे परमेशरा रा कने तुहें इक्की मकान्ना साई ये तिसजो जे परमेशर बणाईराँ।

1 कुरिन्थियों 3:5

तां फेरी पौलुस कुण आ? कने अपुल्लोस कुण आ? अहें सिर्फ परमेशरा रे सेवक ये तिन्हांरे जरिये जे तुहें विश्वास कित्या, तियां जे हर इक्की प्रभये रे जरिये सौंपी रिया जिम्मेवारिया जो निभाया।

यूहन्ना 13:15

मैं तुहां खातर इक उदाहरण रखया; इस खातर भई तुहें बी तेढ़ा इ करा तेढ़ा जे मैं तुहांजो कित्या?

1 थिस्सलुनीकियां 1:7

कने इस खातर मकिदुनिया कने अखाया प्रदेशा रे सारे विश्वासियां रे खातर तुहें इक आदर्श बणिगे,