1 पतरस 4:7 - बिलासपुरी नौआं नियम

⁷ सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

1 पतरस 4:7 Referans Kwoze

1 पतरस 1:13

इस खातर अपणे मना जो काम्म रे खातर त्यार करा। सचेत रौआ कने अपणी आस पूरी तरह तिस अनुग्रह पर रखा सै जे मसीह यीशुये रे भीं ते औणे रे बगत तुहांजो दित्या जाणा।

1 पतरस 5:8

खुद अप्पूँजो काबुये च रखा कने सावधान रौआ, काँह्भई तुहांरा दुश्मण शैतान हुरन्गदे हुये शेरा साई इसा तलाशा च रैयां, भई किस जो अपणा शिकार बणाये।

2 तिमुथियुस 4:5

पर तिज्जो हर हालता च अप्पूँजो काबुये च रखणा चाहिन्दा, दुख सै कने खुशखबरिया रा प्रचार कर कने अपणी जिम्मेवारिया जो पूरा कर सै जे प्रभुये तिज्जो दित्तिरी।

लूका 21:34

“इस खातर अपणे बारे च सावधान हुई जावा! किति येढ़ा नीं हो भई मौज मस्ती, नशा कने इस संसारा रे फिक्रां ते तुहांरा मन व्यस्त हुईजो, कने माहणुये रे पुत्रा रा दिन अचानक तुहां पर इयां आईजो ताहली जे तुहौं तिसरी आशा नीं हो, तियां जे फन्दा इकदम पशुये जो फसाई लेआं।

इब्रानियों 10:25

कने इक्की दूये सौगी कट्ठा हूणा नीं छड्डा, तियां जे किछ लोक कट्ठे नीं हुन्दे। पर इक्की दूये जो जादा ते जादा हिम्मत देन्दे रौआ; काँह्भई तुहें जाणाँ ये भई प्रभुये रे न्याय रा दिन जल़द औणे औल़ा।

कुलुस्सियां 4:2

हमेशा प्राथना च लगीरे रौआ, कने ताहली जे तुहें प्राथना करो तां सावधान रौआ कने परमेशरा रा धन्यवाद करदे रौआ;

तीतुस 2:12

परमेशर अपणे अनुग्रह रिया वजह ते अहांजो सिखां भई तेढ़ा वर्ताव करना बन्द करा सै जे तिस्सो खुश नीं करदा कने तिन्हां चीजां रा लालच नीं करो तिन्हांरी इच्छा जे अविश्वासी लोक करां ए, कने जबकि अहें हल्तियें इसा इ पृथ्विया पर ए, तां समझदारिया ने कने धार्मिकता सौगी इस तरीके ने काम्म करा सै जे परमेशरा जो खुश करां।

रोमियो 12:12

अपणिया आशा च खुश रौआ; परेशानियां च धैर्य रखा; कने हमेशा प्राथना करदे रौआ।

फिलिप्पियां 4:5

तुहांरी सहनशीलता सारे लोक जाणी सक्को, प्रभु जल्दी औणे औल़ा।

लूका 22:46

यीशुये तिन्हाते पुच्छया, “तुहें कजो सुत्तीरे? उट्ठा कने प्राथना करा, भई तुहें किसी परीक्षा च पैईने पाप नीं करो।”

प्रकाशितवाक्य 16:15

“देख, हऊँ चोरा साई औआं; आशीषित सै आ सै जे जागदा रैयां, कने अपणे कपड़यां री चौकसी कराँ, ताकि सै नंगा नीं फिरो कने लोकां रे सामणे शर्मिन्दा नीं हुणे पौ।”

1 पतरस 3:7

तियां इ पतियो, तुहें बी अपणी पत्नियां रा आदर करा कने तिन्हांने समझदारिया ने बर्ताव करा तियां जे तुहें कट्ठा जीआ राँये, काँह्भई सै तुहां साई मजबूत निआं, पर तुहें कने सै परमेशरा रे जीवना रे बरदाना च बराबरिया रे वारस ये। येढ़ा करने ते तुहांरियां प्राथनां रे जबाबां च अड़चन नीं औणी।

इफिसियां 6:18

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

1 कुरिन्थियों 15:24

इसते बाद अन्त हूणा, तिस वगत मसीहे सारी प्रधानता कने सारा अधिकार कने सामर्था रा अन्त करीने राज्जा जो परमेशर पिता रे हत्था च सौंपी देणा।

1 कुरिन्थियों 7:29

अरे साथी विश्वासियो, मेरा मतलब येआ भई अहांरा संसारा च रैहणे रा बगत कम आ, इस खातर हुण ते सै जे शादीशुदा सै बी इस तरिके ने रौ भई मन्नो सै शादीशुदा नींआ;

मत्ती 24:42

इस खातर तुहें लोक खबरदार हुई जावा काँह्भई तुहें नीं जाणदे भई तुहांरे परमेशरा किस दिन औणा।

लूका 21:36

इस खातर हर पल चुश्त रौआ कने प्राथना करदे रौआ भई तुहें इन्हां सारियां गल्लां ते, सै जे हुणे औल़ियां, बचणे री ताकत पाई सक्को, कने अपणे आत्म विश्वासा सौगी माहणुये रे पुत्रा रे सामणे खड़े हुणे लायक बणी सक्को।”

मत्ती 25:13

इस खातर त्यार रौआ, काँह्भई तुहें न माहणुये रे पुत्रा जो यनि मेरे वापस औणे रे दिना जो जाणाँ ये, नां तिस वगता जो जाणाँ ये।

इब्रानियों 9:26

नैत फेरी मसीह जो संसारा रिया सृष्टिया तेई कई बार दुख सैहणे पौन्दे। पर हुण आखिरी वगता पर अपणे बलिदान्ना रे जरिये पापां रा अन्त करने रे खातर मसीह हमेशा-हमेशा जो इक इ बार प्रगट हुईगरा।