1 पतरस 4:11 - बिलासपुरी नौआं नियम

¹¹ तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।

1 पतरस 4:11 Referans Kwoze

1 कुरिन्थियों 10:31

इस खातर तुहें चाये खाओ, चाये पीओ, चाये जो किछ करो, सब किछ परमेशरा रिया महिमा रे खातर करा।

इफिसियां 6:10

आखिर च, मेरे भाईयो प्रभु च कने तिसरिया शक्तिया रे प्रभावा ने आत्मिकता च मजबूत हुन्दे जावा।

1 पतरस 4:10

जिस किसी जो परमेशरा रिया तरफा ते जो बी बरदान मिलीरा, तिस्सो तिस बरदान्ना रा इस्तेमाल दुज्यां री सेवा रे खातर करना चाहिन्दा। तिस्सो अपणे बरदान्ना जो परमेशरा रे अच्छे सेवका साई ठीक ढंगा ने इस्तेमाल करना चाहिन्दा।

प्रेरितां 7:38

“ये सैई आ, तिने जे सुनसान जगह च सभा रे बिच अहांरे पूर्वजां ने सौगी कने तिस स्वर्गदूता ने मौजूद था तिने जे सिनै पहाड़ा पर तिसने गल्लां कित्तियां। इने इ अहांजो देणे रे खातर परमेशरा ते जीवन देणे औल़े वचन पाये थे।

इफिसियां 4:29

तुहांरे मुँआं ते कोई बुरी गल्ल नीं निकल़णी चाहिन्दी, पर जरूरता रे मुतावक सैई निकल़ो सै जे दुज्यां रिया तरक्किया खातर मददगार हो, ताकि तिसते जे सुणने औल़े रा भला हो।

रोमियो 3:2

हाँ, इसरी बौहत बड्डी कीमत इ। काँह्भई पैहले हत्थे परमेशरा रा बचन यहूदी लोकां जोई सौंपीरा।

याकूब 1:19

“मसीह च मेरे प्यारे साथी विश्वासियो, ये गल्ल तुहें जाणी लो, हर इक माहणु परमेशरा रे सच्चे बचना जो सुणने च दिलचस्पी दसणे औल़ा कने बोलणे च कने गुस्सा करने च धीमा हो।

कुलुस्सियां 4:6

तुहांरी बोल्ली सदा मिठी रौ कने तिसते जे समझदारिया री पछयाण लगो कने तुहें जाणी सक्को भई किसी माहणुये जो कियां जबाब देणा चाहिन्दा।

1 कुरिन्थियों 12:4

वरदान त कईयां किस्मां रे, पर आत्मा इक्को इ हया;

1 पतरस 2:5

तुहें बी जीवित पत्थराँ साई आओ कने आत्मिक घर बनाणे च अप्पूँजो इस्तेमाल करा, तित्थी जे तुहां आत्मिक बलिदान चढ़ाणे खातर पवित्र याजकां साई सेवा करनी, सै जे यीशु मसीह रे जरिये परमेशरा रिया नज़राँ च ग्रहण करने लायक हो।

इब्रानियों 5:12

भले इ तुहें बौहत पुराणे विश्वासी ये कने हुण तुहांजो लोकां रे खातर गुरू बणी जाणा चाहिन्दा था, फेरी भीं हुण तुहांजो ये जरूरी हुईगरा भई कोई तुहांजो दोबारा परमेशरा रे विषय री सान गल्ल सिखाओ। तुहें त बच्चे साई ये तिस्सो जे दुध चाहिन्दा कने सै जे रोटी नीं खाई सकदा।

1 तिमुथियुस 6:16

कने सिर्फ सैई हाया सै जे हमेशा जिऊंदा रैयां, कने सै बौहत तेज ज्योतिया च रैयां भई कोई तिसरे नेड़े जाई नीं सकदा, कने नां तिस्सो किसी माहणुये देख्या कने नां कदीं देखी सक्कां। तिसरा आदर कने सामर्थ हमेशा रे खातर रैहणा। आमीन।

1 तिमुथियुस 1:17

हुण अनन्तकाल रा राजा, सै जे हमेशा रे खातर जिवित आ, तिस्सो जे कोई नीं देक्खी सकदा, तिस इकमात्र कने सच्चे परमेशरा रा आदर कने महिमा जुगां-जुगां तक हुंदी रौ। आमीन।

1 कुरिन्थियों 3:10

तिसा योग्यता रे मुतावक सै जे परमेशरे मिन्जो अनुग्रह ने दित्ति, तिसरा इस्तेमाल करदे हुये मैं इक कुशल करीगरा साई निऊँ बणाई, कने दुज्जा कोई तिसा निऊँआ पर मकान बणाईराँ। पर हरेक माहणुये जो इसा गल्ला रा ध्यान रखणा चाहिन्दा भई सै तिस्सो कियां बणाईराँ।

मत्ती 6:13

कने अहांजो परीक्षा च नीं पा, पर शैतान्ना ते बचा; [काँह्भई राज कने सामर्थ कने महिमा सदा खातर तेरे इ हाये। आमीन।]’ ”

1 पतरस 5:11

तिसरा राज युगां-युगां तक रौ। आमीन।

याकूब 1:26

जे कोई माहणु अप्पूँजो धर्मी समझां कने अपणिया जीभा पर लगाम नीं लगान्दा, तां सै धोखे चा, तिसरी सै भगती किसी कम्मा री नीं।

फिलिप्पियां 2:11

कने सारे लोक पिता परमेशरा री महिमा रे खातर सारे लोक स्वीकार करो भई यीशु मसीह इ प्रभु आ।

इफिसियां 5:20

कने सब गल्ला रे खातर अहांरे प्रभु यीशु मसीह रिया वजह ने अहांरे पिता परमेशरा रा हमेशा धन्यवाद करा।

1 कुरिन्थियों 6:20

काँह्भई तुहांजो दाम देईने खरीदया गईरा, इस खातर अपणे शरीरा रे जरिये परमेशरा री महिमा करा।

रोमियो 11:36

काँह्भई सब किछ परमेशरा तेई औंआं। तिने सब किछ बणाईरा कने सब किछ तिसरा इ हाया। तिसजो सदा आदर मिलदा रौ। आमीन।

फिलिप्पियां 1:11

तियां जे इक पेड़ फल़ देआं तियां इ तुहें यीशु मसीह रिया सामर्था रे जरिये भलयां कम्मां जो करगे, इसच बधदे रौआ तिसते जे परमेशरा री महिमा कने स्तुति हुन्दी रौ।

2 कुरिन्थियों 9:13

तुहांरिया इस सेवा जो सबूत मनदे हुये तिन्हां परमेशरा री महिमा करनी, काँह्भई तुहें मसीह रिया खुशखबरिया जो मन्नीने तिसरे अधीन रैं, कने गरीब विश्वासियां री कने सब्बीं री मदद करने च उदारता दसदे रैं।

रोमियो 16:27

तिस इकलौते ज्ञानवान परमेशरा री महिमा यीशु मसीह रे जरिये युगां-युगां तक हुन्दी रौ। आमीन।

यूहन्ना 13:31

तिसरे जाणे ते बाद यीशुये बोल्या, “हुण माहणुये रे पुत्रा री महिमा हुई कने परमेशरा री महिमा तिसच हूणी।

रोमियो 12:3

इस खातर परमेशरा रे अनुग्रह रिया वजह ने सै बरदान जे तिने मिन्जो दित्या, तिस्सो ध्याना च रखदे हुये हऊँ तुहां चते हर इक्की ने बोलां, भई तेढ़ा जे समझणा चाहिन्दा तिसते बधीने कोई खुद अप्पूँजो नीं समझे; यनिके जितना विश्वास परमेशरे तुहांजो दित्या, तिसरे मुतावक अप्पूँजो समझा।

2 कुरिन्थियों 2:17

परमेशरा रे वचना जो अपणे फायदे खातर, तिसच मिलावट करीने बेचणे औल़े मते सारे दुज्जे लोकां साई अहें नींये। पर अहें त परमेशरा रे सामणे परमेशरा रिया तरफा ते भेज्जीरे माहणुआं रे बराबर मसीह च हुईने सच्चाईया ने बोलां ये।

इफिसियां 1:19

कने हऊँ ये बी प्राथना कराँ भई तुहें समझी सक्को भई अहां विश्वासियां रे खातर परमेशरा री सामर्थ कितणी महान इ, येई महान सामर्थ

1 थिस्सलुनीकियां 2:4

पर तियां जे परमेशरे अहांजो लायक समझीने खुशखबरी सौंपी, इस खातर अहें माहणुआं जो नीं, पर अहांरे मना जो परखणे औल़े परमेशरा जो खुश करने रे खातर उपदेश देआंये।

तीतुस 2:1

पर तीतुस, तेरी शिक्षा सच्चिया शिक्षा साई हूणी चाहिन्दी।

तीतुस 2:15

इस खातर तीतुस हऊँ चाँह भई तू क्रेते टापुए रे विश्वासियां जो ये गल्लां सखा सै जे मैं तिज्जो दस्सी रियां। अपणयां लोकां तिन्हांजो करने रे खातर प्रोत्साहन दे, तित्थी तक जे जरुरी हो, तित्थी तिन्हां च सुधार कर। तिज्जो येढ़ा करने रा पूरा अधिकार आ। ध्यान रख भई सै जे किछ तू सिखां, कोई बी तिज्जो अनदेखा नीं करो।

इब्रानियों 13:7

सै जे तुहांरे अगुवे, कने तिन्हे जे तुहांजो परमेशरा रा वचन सुणाई रा, तिन्हांजो याद रखा; कने ध्याना ने सोच्चा भई सै किस तरिके रा जीवन जीये कने मरे कने तियां जे तिन्हे विश्वासा कित्या था तिस इ तरिके रा विश्वास तुहें बी दस्सा।

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

1 पतरस 4:16

पर जे कोई मसीह रा विश्वासी हुणे रे रिया वजह ने दुख सैयां, तां शर्मिन्दा नीं ओ, बल्कि इसा गल्ला रे खातर परमेशरा री स्तुति करो।