1 पतरस 3:7 - बिलासपुरी नौआं नियम

⁷ तियां इ पतियो, तुहें बी अपणी पत्नियां रा आदर करा कने तिन्हांने समझदारिया ने बर्ताव करा तियां जे तुहें कट्ठा जीआ राँये, काँह्भई सै तुहां साई मजबूत निआं, पर तुहें कने सै परमेशरा रे जीवना रे बरदाना च बराबरिया रे वारस ये। येढ़ा करने ते तुहांरियां प्राथनां रे जबाबां च अड़चन नीं औणी।

1 पतरस 3:7 Referans Kwoze

कुलुस्सियां 3:19

पत्तियो, अपणिया घराऔल़िया ने प्यार करा, कने तिन्हांने शख्तयाई नीं करा।

इफिसियां 5:33

इस खातर किछ बी हो, तुहां चते हर इक्की जो बी अपणी पत्निया ते तियां इ प्यार करना चाहिन्दा जियां जे तुहें खुद अप्पूँजो कराँ ये, कने हरेक पत्निया जो बी अपणे-अपणे पतिये रा आदर करना चाहिन्दा।

1 कुरिन्थियों 7:3

मर्द अपणिया जनाना रा हक पूरा करो; कने तियां इ जनाना अपणे मर्दा रा।

मत्ती 18:19

हऊँ तिज्जो ये बी दस्सां भई इसा धरतिया पर जे तुहां चते कोई दो जणे इक मन हुईने किसी विवादा रे समाधाना रे बारे च मेरे पिता ते मंगगे सै जे स्वर्गा चा, तां तिस तुहांरी सहायता जरूर करनी।

1 थिस्सलुनीकियां 4:4

काँह्भई तुहां चते हरेक जो पवित्रता कने आदरा सौगी अपणे शरीरा जो बशा च करना सिखणे री जरूरत इ।

इफिसियां 6:18

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

इफिसियां 3:6

कने भेत येआ भई मसीह यीशुये च खुशखबरिया रे जरिये यहूदियां साई अन्यजाति लोकां बी आशीष पाणी, कने अन्यजाति कने यहूदी इक शरीरा साई हुणे कने परमेशरा रे कित्तिरे वायदे रे साझी हुणे।

तीतुस 3:7

ताकि अहें तिसरे अनुग्रह रे जरिये परमेशरा रिया नज़राँ च धर्मी बणी सक्को, कने अनन्त जीवन पाणे रे खातर आशा करी सक्को, सै जे परमेशरे अहांजो देणे रा वायदा कित्तिरा।

इफिसियां 4:30

परमेशरा रे पवित्र आत्मा जो दुखी मत करा काँह्भई परमेशरे अपणे पवित्र आत्मा ने तुहां पर मोहर लगाईरी भई इक दिन परमेशर तुहांजो पूरे तरिके ने छुड़वांगा।

इब्रानियों 1:14

तां स्वर्गदूत क्या कराँ ये? सै सारे सिर्फ परमेशरा रेई सेवक ये तिसजो जे परमेशर छुटकारा पाणे औल़यां रा ख्याल रखणे खातर भेज्जां।

1 पतरस 3:1

अरे पत्नियो, तुहें बी अपणे-अपणे पतियां रे अधीन रौआ, इस खातर भई जे तिन्हां चते कोई परमेशरा रे वचना पर विश्वास नीं करदा हो,