1 पतरस 3:14 - बिलासपुरी नौआं नियम

¹⁴ पर जे तुहें सही काम्म करने पर दुख सैयां ये, तां तुहांजो परमेशरा आशीष देणी, तियां जे यशायाह भविष्यवक्ते लिखिरा तियां करा, “तिन्हांरे डराणे ते मत डरा कने नां घबरावा।”

1 पतरस 3:14 Referans Kwoze

मत्ती 10:28

तिन्हां लोकां ते मता डरदे सै जे तुहांरे शरीरा जो खत्म करी सक्कां ये, पर तुहांरिया आत्मा जो नीं मारी सकदे, बस तिस परमेशरा ते डरा सै जे तुहांरे शरीरा जो कने तुहांरिया आत्मा जो नरका च पाईने खत्म करी सक्कां।

2 कुरिन्थियों 12:10

इसा वजह ने हऊँ मसीह रे खातर कमजोरियां, बेज्जतियां, गरीबिया, सताव कने कष्टां च खुश रैयां। काँह्भई ताहली जे हऊँ कमजोर हुआं तांई मसीह रिया सामर्था च मजबूत हुआं।

याकूब 1:12

परमेशर तिसजो आशीष देआं सै जे मुशिबतां च अटल रैयां काँह्भई परीक्षां च खरा उतरने ते बाद तिस अनन्त जीवना रा मुकट पैहनणा, तिस्सो जे परमेशरे अपणे प्यार करने औल़यां जो देणे रा वायदा कित्तिरा।

यूहन्ना 14:27

हऊँ तुहांजो शान्ति देआं, तेढ़ी नीं, तिस तरिके री जे संसार देआं; पर हऊँ तुहांजो अपणी शान्ति देआं तिसते जे तुहांरा मन नांत घबराओ कने न डरो।

यूहन्ना 14:1

“तुहांरे दिल दुखी नीं हो, परमेशरा पर विश्वास रखा कने मेरे पर बी विश्वास रखा।

मरकुस 10:29

यीशुये जवाब दित्या, “हऊँ तुहांजो सच बोलां भई तिने जे, मेरा चेला बणने कने मेरिया खुशखबरिया जो सुनाणे रे खातर, अपणा घर बार, भाईयां, बैहणां, माता या पिता, बाल-बच्चयां, या खेतां जो छड्डीत्या हो,

मरकुस 8:35

काँह्भई सै जे कोई इस संसारा च अपणे प्राणा जो बचाणा चाँह, तिसजो तिस गवाई देणा, पर जे कोई मेरे कने मेरिया खुशखबरिया खातर इस संसारा च अपणा प्राण गवांगा, तिस अनन्त जीवन पाणा।

मत्ती 19:29

कने तिन्हे जे मेरे खातर अपणा घर-बार, या भाईयां, या बैहणां, या माता-पिता, या बच्चे, या खेतां जो छड्डीतरा, तिसजो सौ गुणा मिलणा, कने परमेशरा तिसजो अनन्त जीवना रा बारस बनाणा।

मत्ती 16:25

सै जे कोई अपणा प्राण बचाणा चाँह, तिस सै पक्का गवाई देणा; पर सै जे कोई मेरे खातर अपणी जान गवांगा, तिस सदा जिऊंदा रैहणा।

1 पतरस 3:6

तियां जे सारा अपणे पति अब्राहमा रा हुक्म मन्नां थी कने तिस्सो अपणा स्वामी बोलां थी। जे तुहें सैई करो सै जे ठीक आ कने किसी गल्ला ते नीं डरो, तां तुहां तिसारी बेटियां साई हूणा।

मत्ती 10:39

सै जे माहणु अपणा प्राण बचाणे री कोशिश कराँ, तिसजो अनन्त जीवन नीं मिलणा; कने सै जे मेरे खातर अपणा प्राण देआं, तिस प्रभुये सौगी अनन्त जीवन पाणा।”

फिलिप्पियां 1:29

काँह्भई मसीह रिया तरफा ते तुहांजो न सिर्फ तिस पर विश्वास करने रा, पर तिसरे खातर मुशीवतां झेलणे रा बी खास मौका दित्तिरा;

मत्ती 10:31

इस खातर डरदे मता; सै तुहांजो बौहत जादा चिड़ियां ते बधीने मन्नां।”

प्रेरितां 9:16

कने माह तिस्सो दसणा भई मेरे बारे च लोकां जो गलाणे खातर तिस्सो केढ़े-केढ़े दुख सैहणे पौणे।”

याकूब 5:11

तिन्हां लोकां जो अहें काफी आदर दें, सै जे धीरजा ने दुख सैहन्दे रैं। तसल्लिया ने सैहणे औल़यां च अय्यूब इक आदर्श आ; तिसरे अनुभवा ने अहें सिक्खां ये भई परमेशरा रिया योजना रा अन्त कियां भलाईया च हुआं, इस खातर भई प्रभु कितना दयालु कने करुणा ने भरीरा।