1 पतरस 3:1 - बिलासपुरी नौआं नियम

¹ अरे पत्नियो, तुहें बी अपणे-अपणे पतियां रे अधीन रौआ, इस खातर भई जे तिन्हां चते कोई परमेशरा रे वचना पर विश्वास नीं करदा हो,

1 पतरस 3:1 Referans Kwoze

कुलुस्सियां 3:18

पत्नियो, अपणे घरा औल़े रे प्रति इयां समर्पित हुई जावा, तियां जे प्रभुरे चेले जो शोभा देआं।

इफिसियां 5:33

इस खातर किछ बी हो, तुहां चते हर इक्की जो बी अपणी पत्निया ते तियां इ प्यार करना चाहिन्दा जियां जे तुहें खुद अप्पूँजो कराँ ये, कने हरेक पत्निया जो बी अपणे-अपणे पतिये रा आदर करना चाहिन्दा।

1 कुरिन्थियों 11:3

पर हऊँ चांह भई तुहें ये जाणी लो भई हरेक माहणुये रा सिर मसीह आ, कने जनानां रा सिर माहणु आ, कने मसीह रा सिर परमेशर आ।

1 कुरिन्थियों 7:16

अरे जनाना, तू कियां जाणाँ इ भई तू अपणे पतिये रा छुटकारा करी सक्कां इ? कने अरे पति, तू कियां जाणाँ भई तू अपणिया जनाना रा छुटकारा करी सक्कां?

1 पतरस 3:7

तियां इ पतियो, तुहें बी अपणी पत्नियां रा आदर करा कने तिन्हांने समझदारिया ने बर्ताव करा तियां जे तुहें कट्ठा जीआ राँये, काँह्भई सै तुहां साई मजबूत निआं, पर तुहें कने सै परमेशरा रे जीवना रे बरदाना च बराबरिया रे वारस ये। येढ़ा करने ते तुहांरियां प्राथनां रे जबाबां च अड़चन नीं औणी।

रोमियो 7:2

इक ब्याही री जनाना अपणे पतिये सौगी व्यवस्था रे मुतावक तदुआं तक इ बझीरी तदुआं तक जे सै जिऊंदा इ, पर जे तिसारा पति मरी जाओ, तां सै घरा औल़े रिया व्यवस्था ते छुटी जाईं।

1 कुरिन्थियों 14:34

जनाना कलीसिया रिया सभा च चुप रौ, काँह्भई तिन्हांजो गल्लां करने रा हुक्म निआं, पर अधीन रैहणे रा हुक्म आ, तियां जे व्यवस्था च लिखिरा बी आ।

मत्ती 18:15

“जे माह पर विश्वास करने औल़ा तेरने कोई बुरा बर्ताव करो, तां तू जा तिसने कल्हे ने गल्ल बात कर कने तिस्सो तिसरा दोष दस्स; जे सै तेरी सुणी लो तां समझी लै तू तिस्सो वापिस परमेशरा ले ली आया।

कुलुस्सियां 4:5

मौके जो कीमती समझीने अविश्वासी लोकां ने समझदारिया ने बर्ताव करा।

इब्रानियों 11:8

विश्वासा रे जरिये इ ताहली जे परमेशरे अब्राहम जो येढ़िया जगह पर जाणे रे खातर सद्दया था, सै जगह जे बाद बिच वारिस रे रुपा च तिसजो मिलणी थी, हलाँकि सै ये जाणदा तक नीं था भई सै कित्ती जाया राँ, फेरी भीं तिने परमेशरा रा हुक्म मन्नया कने सै चली गया।

2 थिस्सलुनीकियां 1:8

कने सै जे परमेशरा जो नीं पछयाणदे कने अहांरे प्रभु यीशुये रे खुशखबरिया जो ग्रहण नीं करदे तिन्हाजो तिस सजा देणी।

रोमियो 6:17

तुहें पैहले पापा रे दास थे, पर सै उपदेश जे तुहांजो सखाया गईरा था हुण तुहें अपणे पूरे दिला ने तिसरा पालन कित्या, इस खातर हऊँ परमेशरा रा धन्यवाद कराँ।

1 पतरस 4:17

काँह्भई सै बगत आई चुक्कीरा भई पैहले परमेशरा रे लोकां रा न्याय कित्या जाओ; कने जे न्याय री शुरुआत अहां तेई हुआं इ, तां तिन्हां लोकां रा अन्त क्या हूणा सै जे परमेशरा रिया खुशखबरिया पर विश्वास नीं करदे?

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

इब्रानियों 5:9

ताहली जे तिने बो सब कित्या सै जे तिस्सो करना चाहिन्दा था, तां सै तिन्हां सारयां रे खातर सदा काल रे छुटकारे री वजह बणया सै जे तिसरे हुक्मां जो मन्नां ये।

रोमियो 10:16

पर सारयां तिसा खुशखबरिया पर विश्वास नीं कित्या : यशायाह भविष्यवक्ता बोलां, “प्रभु, अहांरे सन्देशा पर कोई विश्वास नीं करदा”

1 पतरस 3:2

तुहांरे बिणा किछ बोल्ले सिर्फ तुहांरे चाल-चलना जो देखीने इ तिन्हां यीशुये पर विश्वास करना, काँह्भई तिन्हां तुहांरा पवित्र कने अच्छा स्वभाव देखणा।