1 पतरस 2:8 - बिलासपुरी नौआं नियम

⁸ कने पवित्रशास्त्र बी बोलां, “येई पत्थर आ तिसते जे लोकां जो ठोकर लगां इ कने चट्टान तिन्हांजो थल्ले सट्टां इ।” तिन्हांजो ठोकर लगां इ, काँह्भई सै परमेशरा रे सन्देशा पर विश्वास नीं करदे, तिन्हांरे खातर ये परमेशरे तैह कित्या था।

1 पतरस 2:8 Referans Kwoze

1 कुरिन्थियों 1:23

पर अहें त तिस क्रूसा पर चढ़ाईरे मसीह रा सन्देश सुणवांये, सै जे यहूदियां रे खातर अपमान आ कने अन्यजातियां रे खातर मूर्खता इ;

1 पतरस 2:7

इस खातर तुहां विश्वास करने औल़यां रे खातर ये पत्थर बौहत कीमती आ, पर सै लोक जे विश्वास नीं करदे तिन्हांरे खातर, “तिस पत्थरा जो जे राजमिस्त्रियें बेकार समझीने त्यागी तरा था, सैई पत्थर कुणे रा पैहला पत्थर हुईग्या,”

रोमियो 9:22

तां इसच कुण जेई हैरानिया री गल्ल इ? हलाँकि परमेशरा जो अपणा गुस्सा कने अपणी शक्ति दिखाणे रा अधिकार आ, पर सै तिन्हां लोकां सौगी बौहत धैर्य रखां तिन्हांरे ऊपर जे तिसरा गुस्सा पौआं कने सै जे विनाशा रे खातर तैह आ।

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।

2 पतरस 2:3

सै बौहत लालची हुणे कने तुहांते पैसा लेणे रे खातर अपणी मन-घड़न्त कहाणियां सुणाईने तुहांजो धोखा देणा। परमेशर बौहत पैहले ते ये तैह करी चुक्कीरा भई तिस तिन्हांजो सजा देणी कने सै ये करने खातर त्यार आ। तिस पक्का तिन्हांरा नाश करना।

1 थिस्सलुनीकियां 5:9

काँह्भई परमेशरे अहौं अपणे गुस्से ते सजा देणे रे खातर अहाजों नीं चुणीरा, पर इस खातर चणीरा भई अहें अहांरे प्रभु यीशु मसीह रे जरिये छुटकारा पाओ।

लूका 2:34

फेरी शमौने तिन्हाजो आशीष दित्ति, कने तिने तिसरी माता मरियमा ने गलाया, “ये न्याणा परमेशरा री चुणीरी नशाणी इ। इस्राएल रे बौहत लोकां तिसरा इन्कार करना, कने सैई गल्ल कईयां रे उजड़ने री वजह बणनी, पर तिस बौहत लोकां रे खातर आशीषा री वजह बणना।

2 कुरिन्थियों 2:16

पर तिन्हां खातर सै जे विनाश रे रस्ते पर ये, सै मौती री येढ़ि दुर्गन्ध ये सै जे तिन्हांजो मौती रिया तरफा लेई जाईं; पर तिन्हांरे खातर सै जे छुटकारे रे रस्ते पर बधदे रैं, ये जिन्दगिया री येढ़ि खुशबु ये, सै जे जीवना री तरफ बधान्दी रैईं। पर इन्हां कम्मां रे खातर कोई बी लायक नींआ।

गलातियां 5:11

पर मेरे साथी विश्वासियो, जे हऊँ हुण तक खतने रा प्रचार करदा, तां मिन्जो हुण तक सताया नीं जान्दा, जे हुण तक हऊँ मसीह रे क्रूसा ते इलावा खतने रिया जरूरता रा प्रचार करदा हुन्दा, तां हऊँ यहूदियां जो नराज नीं करदा।

1 पतरस 2:6

काँह्भई पवित्रशास्त्रा बोलां : “देक्खा! हऊँ सिय्योन च कुणे रा पैहला चुणीरा कने बौहत कीमती पत्थर रक्खां; कने सै जे कोई तिस पर विश्वास करगा, तिस्सो कदीं बी शर्मिन्दा नीं हुणे पौणा।”