1 पतरस 1:6 - बिलासपुरी नौआं नियम

⁶ इस वजह ने तुहांजो इन्हां सारियां गल्लां रे बारे च खुश हूणा चाहिन्दा, हलाँकि हुण तुहांजो किछ वगता तक कई तरह रियां परेशानियां उदास करी सक्कां इयां।

1 पतरस 1:6 Referans Kwoze

याकूब 1:2

मसीह च मेरे विश्वासी भाईयो तुहां सब्बीं जो मेरा नमस्कार! ताहली जे तुहां पर कई तरह री मुशीवतां आओ, तां इस्सो बड़े मजे री गल्ल समझयों,

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

रोमियो 12:12

अपणिया आशा च खुश रौआ; परेशानियां च धैर्य रखा; कने हमेशा प्राथना करदे रौआ।

रोमियो 5:2

अहांरे विश्वासा रिया वजह ते मसीहे अहांजो इस अनुग्रह च लन्दया तित्थी जे हुण अहें पुज्जीरे, अहें इसा गल्ला ते खुश हुआं ए भई अहांजो परमेशरा रिया महिमा च भागी हुणे री आशा इ।

मत्ती 5:12

तां खुश कने मगन हुयां, काँह्भई तुहांरे खातर परमेशरे स्वर्गा च सै जे ईनाम रक्खीरा सै बौहत बड्डा। इस खातर भई लोकें तिन्हां भविष्यवक्तयां जो सै जे बौहत साल पैहले थे इयां इ सताईरा था।”

यूहन्ना 16:33

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

यूहन्ना 16:22

ठीक इयां इ हुण तुहांजो बी दुख हुणा: पर मांह तुहांजो फेरी मिलणा, कने तुहांरे दिल खुशियां ने भरी जाणे, कने तुहांजो तिसा खुशिया जो मनाणे ते कोई बी रोकी नीं सकदा।

मत्ती 11:28

“अपणे धर्मगुरुआं रे नियमा रे बोझे हेठ दबोई रे सारे लोको, मेरले औआ, हऊँ तुहांजो सुख चैन देंगा।

रोमियो 5:11

कने सिर्फ येई नीं, पर अहें अपणे प्रभु यीशु मसीह रे जरिये परमेशरा च आनन्द कराँ ये, तिसरिया बजह ने जे हुण अहांरा मेल हुईरा।

प्रेरितां 14:22

कने हरेक नगरा रे चेलयां रे मना जो मजबूत करदे रहे कने ये उपदेश देआं थे भई विश्वासा च बणीरे रौआ; कने ये बोलां थे, “अहांजो मते दुख सहीने परमेशरा रे राज्जा च जाणे मिलणा।”

लूका 10:20

फेरी बी इन्हां गल्लां ते खुश नीं हूणां भई बुरीआत्मां तुहांरे बशा ची आ; पर इस खातर खुश हूणा भई परमेशरे तुहांरे नौं स्वर्गा च लिखी लरे।”

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

याकूब 4:9

अपणे पापां रिया वजह ते दुखी हुआ, कने शोक करा, कने रोआ। हुई सक्कां तुहांरा ये हसणा शोका च कने तुहांरी ये मौज उदासिया च बदली जो।

2 कुरिन्थियों 4:17

अहांरा ये छोट्टा कने पल भरा रा दुख, अहांरे खातर अनन्त कने बौहत इ जादा महिमा त्यार करी रां, तिसरी तुलना जे करी नीं सकदे।

याकूब 1:9

सै विश्वासी जे गरीब ये सै इस खातर गर्व करो काँह्भई परमेशर तिन्हांजो खास समझां।

फिलिप्पियां 3:3

काँह्भई सच्चे खतने औल़े माहणु त अहें सै जे परमेशरा रिया आत्मा री अगवाईया ते अराधना कराँ ये कने मसीह यीशुये पर गर्व कराँ ये, कने अपणिया मेहणता पर भरोसा नीं रखदे।

2 कुरिन्थियों 6:10

अहें दुखां रे वगता च बी, हमेशा खुश ये; हलाँकि अहें गरीब ये, फेरी बी बौहत लोकां जो आत्मिकता च अमीर बणाई दें। लोक समझां ये अहांले किछ निआं, जबकि अहांले त सब किछ आ।

1 थिस्सलुनीकियां 1:6

तुहें बड़यां दुखां च पवित्र आत्मा ते मिलणे औल़ियां खुशिया ने खुशखबरिया जो ग्रहण कित्या कने अहांरी कने प्रभुरी चाल चलने लगे।

फिलिप्पियां 4:4

प्रभु च हमेशा मौज करदे रौआ; हऊँ फेरी भीं बोलां, मौज करा।

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

रोमियो 9:2

ताहली जे हऊँ बोलां भई मेरा दुख कितना बड्डा, कने मेरे अपणे लोकां यनि मेरे यहूदी भाई भैणां रे खातर मेरे दिला च कितना दर्द आ।

फिलिप्पियां 2:26

काँह्भई सै तुहां सब्बीं जो देखणा चाँह था, इसा वजह ते सै परेशान था, काँह्भई तुहें सुणया था भई सै बमार था।

लूका 2:10

तां फेरी स्वर्गदूते तिन्हाजो गलाया, “मता डरदे!” हऊँ तुहांरे खातर बड़े मजे री खुशखबरी सुनाणे आईरा सै जे सारे लोकां खातर हूणी।

लूका 1:47

हऊँ मेरा छुटकारा करने औल़े परमेशरा च आनन्दित हुई,

मत्ती 26:37

सै पतरस कने जब्दिये रे दुईं पुत्राँ जो सौगी लेईया, कने दवास कने व्याकुल हुणे लगया।

1 पतरस 3:17

जे परमेशरा री येई इच्छा इ, तां बुराई करीने सजा भुगतणे ते जादा भलाई करीने दुख सैहणा ठीक आ।