1 पतरस 1:25 - बिलासपुरी नौआं नियम

²⁵ पर प्रभुये रा वचन जुगां-जुगां तक बणीरा रैआं।” कने येई वचन खुशखबरी सै जे तुहांजो सुणाई गईरी।

1 पतरस 1:25 Referans Kwoze

मत्ती 5:18

काँह्भई हऊँ तुहांजो सच्च बोलां, भई तदुआं तक जे अकाश कने धरती टल़ी नीं जाओ, तदुआं तक व्यवस्था ते इक मात्रा या बिन्दु बी बिणा पूरा हुये नीं टल़णा।

1 यूहन्ना 1:1

हऊँ यूहन्ना तुहांजो तिस माहणुए रे बारे च लिख्या रां, सै जे जीवना रा वचन आ। सै सृष्टिया रे बौहत पैहले ते था, तिसजो जे अहें सुणीरा, कने अपणियां आक्खीं देख्या, बल्कि तिस्सो अहें बड़े ध्याना ने देख्या कने अपणे हत्थां ने छुया।

2 पतरस 1:19

इस खातर भविष्यवक्तयां रे वचन होर जादा भरोसे लायक हुईगरे। ये वचन अँधेरे च जल़दे हुये दिऊए साई ये, सै जो सबेरे तक चमकां ये कने मसीह री ज्योति तुहांरे दिला च चमकां इ, तियां जे सबेरे रा तारा संसारा रे खातर उजियाले जो ल्यौआं। जे तुहें इस वचना री तरफ ध्यान देआंये, तां तुहें भला कराँ ये।

लूका 16:17

पर अकाश कने धरतिया रा मिटणा परमेशरा रिया व्यवस्था रे इक बिन्दुये रे मिटणे ते सान आ।

इफिसियां 2:17

मसीहे आईने तुहां लोकां जो सै जे दूर थे तिन्हाजो बी कने सै जे नेड़े थे तिन्हांजो बी दुईं जोई मेल-मिलापा री खुशखबरी सुणाई।

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

यूहन्ना 1:1

सृष्टिया ते बौहत पैहले बचन था, कने बचन परमेशरा सौगी था, कने बचन इ परमेशर था।

1 यूहन्ना 1:3

जो किछ अहें देख्या कने यीशु मसीह रे बारे च सुणया तिसरी गवाही तुहौं बी देआंये, इस खातर भई अहां सौगी तुहांरी संगती ओ; अहांरी ये संगती पिता ने कने तिसरे पुत्र यीशु मसीह ने सौगी।

1 पतरस 2:2

पर तियां जे नये जम्मीरे बच्चे अपणिया मौआ रे असली दुधा खातर तरसां ये तियां इ तुहांजो बी परमेशरा रे वचना जो सिखणे खातर तरसणा चाहिन्दा, ताकि तिसरे जरिये पूरे तरिके ने छुटकारा पाणे खातर तुहें बधदे जाओ।

1 पतरस 1:23

काँह्भई तुहें परमेशरा ते नया जीवन पाईरा। तुहें ये जीवन येढ़ियां चीजां ते नीं पाईरा सै जे नाश हुई जाणा, पर येढ़ियां चीजां ते पाईरा सै जे सदा रे खातर हूणा यनि परमेशरा रा जीवित कने अनन्तकाल रे वचना ते।

1 पतरस 1:12

पर परमेशरे इन्हां भविष्यवक्तयां जो परगट कित्या भई तिन्हांरा सन्देश तिन्हांरे फायदे रे खातर नीं था बल्कि तुहांरे खातर था। सै सन्देश यीशु मसीह री खुशखबरी आ तिसजो जे हुण तुहें सुणीरा। परमेशरे अपणे पवित्र आत्मा जो स्वर्गा ते इस खातर भेज्या ताकि सै खुशखबरिया रा प्रचार करने च लोकां री मदद करी सक्को। इन्हां गल्लां जो स्वर्गदूत बी बेसब्रिया ने देखणे री इच्छा रक्खां ये।

तीतुस 1:3

कने हुण ठीक बगता पर परमेशरे ये खुशखबरी अहां पर प्रगट कित्ती कने अहें ये सब्बीं जो प्रचार कराँ ये। अहांरा छुटकारा देणे औल़े परमेशरे मिन्जो ये जिम्मेवारी दित्ति कने तिसरे खातर ये काम्म करने जो तिने मिन्जो हुक्म दित्या।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

1 कुरिन्थियों 2:2

काँह्भई मैं ये ठाणी लरा था भई तुहांरे बिच यीशु मसीह यनिके क्रूसा पर चढ़ाईरे मसीहे जो छड्डिने होर किसी गल्लां जो नीं सखाऊं।

इब्रानियों 6:5

तिन्हें महसूस कित्या था भई परमेशरा रा वचन उत्तम आ कने तिन्हें औणे औल़े युगा री सामर्था जो बी महसूस कित्या था।

प्रकाशितवाक्य 14:6

फेरी मैं इक होर स्वर्गदूता जो अम्बरा रे बिच उडदे हुये देख्या, तिसले जे धरतिया रे रैहणे औल़यां री हरेक जाति, कुल़, भाषा कने लोकां जो सुनाणे खातर अनन्त खुशखबरी थी।