1 पतरस 1:20 - बिलासपुरी नौआं नियम

²⁰ परमेशरे मसीह जो इस संसारा रिया सृष्टिया ते पैहले इ चुणीलरा था, पर तुहां लोकां रिया भलाईया रे खातर तिस्सो इन्हां आखरी दिनां च प्रगट कित्या।

1 पतरस 1:20 Referans Kwoze

इफिसियां 1:4

तियां जे तिने संसारा रिया सृष्टिया ते पैहले मसीह च चुणील्या ताकि अहें तिसरे सामणे पवित्र कने निर्दोष बणो।

इब्रानियों 9:26

नैत फेरी मसीह जो संसारा रिया सृष्टिया तेई कई बार दुख सैहणे पौन्दे। पर हुण आखिरी वगता पर अपणे बलिदान्ना रे जरिये पापां रा अन्त करने रे खातर मसीह हमेशा-हमेशा जो इक इ बार प्रगट हुईगरा।

प्रकाशितवाक्य 13:8

कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।

इब्रानियों 1:2

इन्हां दिनां रे आखिर च परमेशरे अहांने अपणे पुत्रा रे जरिये गल्लां कित्तियां, तिसजो जे परमेशरे सारियां चिज़ां रा बारस बणाया कने तिसरे जरिये जे परमेशरे सारे संसारा जो रचीरी।

कुलुस्सियां 1:26

परमेशरे इस भेता जो तिन्हां सारयां लोकां ते सै जे पैहले थे छुपाई ने रखीरा था, पर हुण परमेशरे अपणे पवित्र लोकां पर परगट कित्या।

इफिसियां 3:11

ये तिस सनातन इच्छा रे मुतावक हुया सै जे तिने अहांरे प्रभु यीशु मसीह च पूरी कित्तिरी।

इफिसियां 3:9

भई हऊँ सारयां लोकां पर ये परगट करी सक्कूँ भई कियां परमेशरे अपणिया छुपी रिया योजना जो पूरा कित्या, सै जे युगां ते परमेशरा च छिपिरा था तिने जे सब किछ बणाईरा।

गलातियां 4:4

पर ताहली जे सही बगत आया, तां परमेशरे अपणे पुत्रा जो भेज्या सै जे औरता ते जम्मीरा, कने व्यवस्था रे अधीन जीआ।

1 यूहन्ना 1:2

परमेशरे तिस्सो संसारा च भेज्या, कने अहें तिस्सो देक्खीरा, कने तुहांजो तिस अनन्त जीवना रे बारे च दस्या कने घोषणा कित्ती सै जे पिता परमेशरा सौगी था कने हुण अहांरे बिच रैहणे रे खातर आया)।

इफिसियां 1:10

ताहली जे ये योजना पूरी करने रा सही वगत औंगा, तां परमेशरा स्वर्ग कने धरतिया री सारियां चिज़ां जो मसीह रे अधीन करना, ताकि मसीह सारियां चीजां रा मुखिया हो।

रोमियो 3:25

परमेशरे यीशु मसीह जो अहांरे पापां रे खातर बलिदान हुणे जो भेज्या कने मसीहे अपणा खून्न बहाया ताकि तिस पर विश्वास करने रे जरिये अहें परमेशरा ले आई सक्को। परमेशरे ये दसणे खातर येढ़ा कित्या भई पैहले सै सहनशील कने पापियां जो माफ करने च सही था। यह ये बी दस्सां भई परमेशर सही आ ताहली जे सै मसीह पर विश्वास करने औल़यां जो ग्रहण कराँ।

1 यूहन्ना 3:8

सै माहणु जे पाप कराँ, सै शैतान्ना रिया तरफा ते आ, काँह्भई शैतान शुरु तेई पाप करदा आया; इस खातर परमेशरा रा पुत्र प्रगट हुया, भई सै शैतान्ना रे कम्मां जो नाश करो।

1 यूहन्ना 3:5

कने तुहें त जाणाँ ये, भई मसीह लोकां रे पापां जो हरने रे खातर इ प्रगट हुया, कने तिसरे स्वभावा च पाप निआं।

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

रोमियो 8:29

काँह्भई तिन्हांजो जे तिने पैहले ते चुणीरा कने तैह कित्या भई सै तिसरे पुत्रा साई बणी जाओ ताकि तिसरा पुत्र कई भाईयां च पैहला हूणा।

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

इब्रानियों 2:14

काँह्भई तियां जे परमेशरा रे बच्चे माहणु ये, तियां इ यीशु बी तिन्हां साई माहणु बणया। परमेशरे ये इस खातर कित्या ताकि तिसरिया मौती रे जरिये शैतान्ना जो नाश करी सक्को, तिसले जे मौती रा अधिकार था।

1 पतरस 1:2

परमेशर पिता बौहत पैहले अपणे लोक हुणे खातर तुहांजो चुणने खातर तैह कित्या कने तुहांजो पवित्र आत्मा रे कम्मा रे जरिये पवित्र बणाया। तिने ये इस खातर कित्या ताकि तुहें यीशु मसीह जो मन्नी सक्को कने तिसरे खून्ना रे जरिये शुद्ध हुई सक्को। हऊँ प्राथना कराँ भई परमेशर तुहांजो बौहत जादा अनुग्रह कने शान्ति देओ।