1 पतरस 1:17 - बिलासपुरी नौआं नियम

¹⁷ जे तुहें परमेशरा जो पिता बोल्लीने प्राथना कराँ ये सै जे बिणा तरफदारिया ते कित्तिरे हर इक्की रे कम्मां जो देखीने इन्साफ कराँ, तां इस संसारा च इक परदेसिये साई जींदे हुये तिसरा आदर करदे हुये अपणा जीवन बितावा।

1 पतरस 1:17 Referans Kwoze

मत्ती 6:9

“तुहें इस तरिके ने प्राथना करया करा : “ ‘हे अहांरे पिता, तू स्वर्गा च बिराजमान आ; लोक तेरा आदर करो काँह्भई तू पवित्र परमेशर आ।

फिलिप्पियां 2:12

इस खातर मेरे प्यारे मित्रो, ताहली जे हऊँ तुहांजो सौगी था ताहली तियां जे तुहें हुक्मां रा पालन कित्या, हुण ताहली जे भई हऊँ तुहां सौगी निआं तां तुहें होर जादा लगना ने तिन्हांरा पालन करा। परमेशरा रे प्रति पूरे आदर भावा ने अपणे छुटकारे जो पूरा करने रे खातर तुहें लोक काम्म करदे जावा।

2 कुरिन्थियों 7:1

मेरे प्यारे मित्रो, काँह्भई परमेशरे अहांने ये वायदे कित्तिरे, इस खातर औआ सै जे किछ अहांरे शरीरा कने आत्मा जो अपवित्र कराँ तिसजो धोई देईये, कने परमेशरा रा आदर करदे हुये पूरे तरिके ने पवित्र जीवन जीओ।

इब्रानियों 12:28

इस खातर अहांजो सै राज जे मिलीरा सै हिलाया नीं जाई सकदा, इसा गल्ला रे खातर अहें परमेशरा रा धन्यवाद कराँ ये। कने ईज्जत कने डरा ने परमेशरा री येढ़ि अराधना कराँ ये, तिसते जे परमेशर खुश हुआं।

इफिसियां 1:17

हऊँ प्राथना कराँ भई अहांरे प्रभु यीशु मसीह रा परमेशर सै जे महिमा रा पिता, तुहांजो ज्ञान कने प्रकाशा रा आत्मा देओ तिसते जे तुहें परमेशरा जो अच्छे तरिके ने जाणी सक्को।

गलातियां 2:6

पर तिन्हौं जे लोक अगुवे समझां थे (सै चाये केढ़े बी थे मिन्जो इसते किछ फर्क नीं पौन्दा, परमेशर किसी री तरफदारी नीं करदा) इन्हां अगुवेयां ते मिन्जो कोई नई गल्ल नीं मिली।

रोमियो 11:20

ये सच्च आ, सै तिन्हांरे अविश्वासा रिया वजह ने तोड़ीने सट्टीतियां, पर तुहें अपणे विश्वासा रे दमा पर अपणिया जगह टिक्कीरे रैयों, इस खातर इसरा घमण्ड देखां करदे बल्कि डरदे रैयां,

मत्ती 22:16

तिन्हे अपणे चेले हेरोद राजे रे समर्थकां सौगी यीशुये ले भेज्जे, तिन्हें यीशुये जो गलाया, “गुरू जी, अहें जाणाँ ये भई तू सच्चा, कने तू परमेशरा रा रस्ता सच्चाईया ने सखां, कने कोई क्या सोच्चां तू किसी री परवाह नीं करदा, काँह्भई तू माहणुआं रिया हैसियता पर नीं जान्दा।

1 पतरस 2:11

मेरे प्यारे मित्रो, हऊँ तुहांजो विनती कराँ भई तुहें अप्पूँजो परदेशी कने मुसाफर समझीने तिन्हां शरीरा री बुरियां इच्छां ते दूर रौआ सै जे हमेशा तुहांरिया आत्मा रे बरोधा च लड़ाई कराँ इयां।

इब्रानियों 4:1

ताहली जे परमेशरे अहांने वायदा कित्तिरा भई अहें विस्राम रिया जगह प्रवेश करगे, तां अहांजो इस खातर चौकस रैहणा चाहिन्दा ताकि तुहां चते कोई तित्थी जाणे ते बंचित नीं रौ।

कुलुस्सियां 3:25

काँह्भई सै जे बुरा कर्म करदा रैयां, तिसजो परमेशरा सजा देणी, काँह्भई परमेशर न्याय करदे वगत किसी रा पक्षपाता नीं करदा।

इफिसियां 6:9

इस तरिके ने अरे मालको, अपणेयां सेबकां ने अच्छा बर्ताव करा। तिन्हौं धमकी मत देआ, काँह्भई ये तुहें जाणाँ ये भई तिन्हांरा कने तुहांरा दुईं रा मालक स्वर्गा चा कने सै किसी ने भेदभाव नीं करदा।

इफिसियां 3:14

इस खातर हऊँ परमेशर अहांरे पिता रे अग्गे घुटने टेक्कां।

1 पतरस 3:15

बल्कि मसीह जो अपणी जिन्दगिया रा प्रभु जाणीने आदर करा। जे कोई तुहांते तुहांरिया आशा रे बारे च पुछो, तां तिस्सो जबाब देणे रे खातर हमेशा त्यार रौआ, पर बिनम्र कने आदरा ने ये करा;

2 कुरिन्थियों 5:6

इस खातर अहांजो पूरा भरोसा, काँह्भई अहें जाणाँ ये भई तदुआं तक जे अहें अपणे शरीरा च रैई कराँ ये, तदुआं तक प्रभुये रे घरा ते दूर ये।

2 कुरिन्थियों 1:2

अहांरे पिता परमेशर कने प्रभु यीशु मसीह रिया तरफा ते तुहांजो अनुग्रह कने शान्ति मिलो।

2 कुरिन्थियों 7:11

देक्खा, सै दुख जे परमेशरा रिया तरफा तेआ तिने तुहांरे जीवना च क्या-क्या बदलाव कित्तिरा, तियां जे भई कितना उत्साह, अप्पूँजो बचाणे री चिन्ता, गुस्सा, डर, मेरने मिलणे री बेचैनी, सेवा रे प्रति तुहांरा जोश, कने पापा रे प्रति न्याय चुकाणे री भावना। तुहें हर गल्ला च ये साबित कित्या भई इस बारे च तुहें पूरी तरह निर्दोष थे।

मत्ती 16:27

माहणुये रा पुत्र स्वर्गदूतां सौगी अपणे पिता रिया महिमा च औणे औल़ा, तिसजे हर किसी जो तिसरे कर्मां रे मुतावक ईनाम देणा।