1 यूहन्ना 4:20 - बिलासपुरी नौआं नियम

²⁰ जे कोई बोल्ले, भई “हऊँ परमेशरा ने प्यार रक्खां,” पर अपणे साथी विश्वासिये ने दुश्मणी रखी, तां सै झूट्ठा, काँह्भई अपणे तिस साथी विश्वासिये जो, तिस्सो जे तिने देखीरा, ताहली जे सै प्यार नीं रखदा, तां परमेशरा जो बी तिसजो जे तिने नीं देखीरा, प्यार नीं करी सकदा।

1 यूहन्ना 4:20 Referans Kwoze

1 यूहन्ना 3:17

पर जिस किसी ले संसारिक धन-दौलत हो कने सै अपणे साथी विश्वासिये जो जरूरत मन्द देखीने तिस पर तरस नीं खाओ, तां तिसच परमेशरा रा प्यार कियां बणीने रैई सक्कां?

1 यूहन्ना 2:9

सै जे कोई ये बोलां भई हऊँ जो किछ कराँ परमेशरा रिया जोतिया रे मुतावक कराँ, पर अपणे साथी विश्वासिये ने नफरत कराँ, तां सै हूणा तक बुराईया रे अन्धेरे ची जी कराँ।

1 यूहन्ना 4:12

परमेशरा जो किन्हिये कदीं नीं देख्या, पर जे अहें इक्की दूये ने प्यार रखिये, तां परमेशर अहां च बास कराँ कने तिसरा प्यार अहांरे अन्दर पूरा हुईग्या।

1 यूहन्ना 2:4

सै जे कोई ये बोलां भई “मेरा परमेशरा ने गैहरा रिश्ता,” कने तिसरे हुक्मा रा पालन नीं करदा, तां सै झूट्ठा, कने सै तिसा सच्चाईया जो नीं ग्रहण करदा तिसाजो जे परमेशरे परगट कित्तिरा।

1 यूहन्ना 2:11

पर सै जे कोई अपणे साथी विश्वासिये ने बैर रखां, सै बुराईया रे अन्धेरे च जी राँ। सै सही कने गल़त नीं जाणीने सारा किछ कराँ, इस खातर सै क्या करी राँये नीं जाणदा; काँह्भई बुराईये तिस्सो अन्धे माहणुये साई बणाई तरा।

1 पतरस 1:8

हलाँकि तुहें कदी यीशु मसीह जो नीं देख्या फेरी बी तुहें तिसने प्यार कराँ ये; कने हुण तुहें तिस्सो नीं देखदे, फेरी बी तुहें तिस पर विश्वास कराँ ये कने येढ़े आनन्दित कने मगन हुआं ये सै जे बखान करने ते बाहर कने महिमा ने भरीरा,

1 यूहन्ना 1:6

जे अहें बोलिये भई तिसने सौगी अहांरी संगती, कने फेरी जे बुराईया पर चलो, तां अहें झूट्ठे कने सच्चाईया पर नीं चलदे;

यूहन्ना 13:35

जे तुहें इक्की दुज्जे ने प्यार कराँ यें, इसते इ सब्बीं जो ये पता लगी जाणा भई तुहें मेरे चेले।”

1 यूहन्ना 1:8

जे अहें येढ़ा बोलिये भई अहें कोई पाप नीं कित्या, तां अहें खुद अप्पूँजो धोखा दें, कने अहें विश्वास नीं करदे भई तिने जो किछ बोल्या सै सच्च आ।