1 यूहन्ना 4:1 - बिलासपुरी नौआं नियम

¹ मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।

1 यूहन्ना 4:1 Referans Kwoze

1 थिस्सलुनीकियां 5:21

सब्बीं गल्लां जो परखो; सै जे खरियां इया तिन्हौं ग्रहण करीने तिन्हांरा पालन करा।

2 पतरस 2:1

तियां जे एस्राइली लोकां च झूट्ठे भविष्यवक्ता थे, विल्कुल तियां इ तुहां च बी झूट्ठे शिक्षक परगट हुणे, कने छिपिने झूट्ठी शिक्षा देणी, तिसते जे लोकां मसीह पर विश्वास करना छडी देणा। इन्हां झूट्ठे शिक्षकां बी मसीह जो अपणे स्वामिये रे रुपा च ग्रहण करने ते इन्कार करना तिने जे तिन्हांजो पापां ते अजाद कित्तिरा। येढ़ा करीने तिन्हां खुद अचानक अपणा नाश करना।

1 तिमुथियुस 4:1

पवित्र आत्मा साफ-साफ बोलां भई आखिरी दिनां च किछ लोकां मसीह रिया शिक्षा पर विश्वास करना छड्डिने दुष्टात्मां री शिक्षा पर विश्वास करना, तिन्हां भटकाणे औलियां बुरीआत्मां जो अपनाणा।

2 यूहन्ना 1:7

हऊँ इस खातर ये बोलां, काँह्भई बौहत सारे भरमाणे औल़े संसार च आईरे सै जे ये नीं मनदे भई यीशु मसीह इक माहणु बणीने इसा संसारा च आया। जे कोई माहणु ये बोलां, तां सै मसीह रा बैरी आ सै जे हमेशा लोकां जो भरमां।

1 कुरिन्थियों 14:29

भविष्यवक्तयां चते दो या तिन्न बोल्लो, कने बाकी लोक तिसरे वचनां जो सावधानिया ने परखो।

1 यूहन्ना 2:18

मेरे प्यारे बच्चो, संसारा रा अन्त समय आई पुज्जीरा, कने तियां जे तुहें सुणया, भई मसीह रा बैरी औणे औल़ा, तिसरे मुतावक हुण बी मते सारे लोक ये सै जे मसीह रे बरोधी हुईगरे। इस कारण अहें जाणाँ ये भई यीशु मसीह जल़दी वापस औणा।

लूका 12:57

“तुहें अप्पूँ इ इसा गल्ला रा फैसला काँह नीं करी लेंदे भई क्या करना ठीक आ?

लूका 21:8

तिने गलाया, “चौकन्ने रौआ, भई झूट्ठा पर विश्वास नीं करो, काँह्भई मतयां लोकां मेरा हुणे रा दावा करना कने बोलणा भई हऊँ मसीह आ कने सौगी जो येढ़ा बी बोल़णा, संसारा रा अन्त नजदीक आ। पर तुहें तिन्हांरे पिच्छे देक्खां चली जान्दे।

2 तिमुथियुस 3:13

पर बुरे लोक कने बैहकाणे औल़यां होर जादा बुरा काम्म करना, तिन्हां लोकां जो धोखा देणा कने खुद तिन्हां दुज्यां रे जरिये धोखा खाणा।

प्रकाशितवाक्य 2:2

हऊँ तेरे काम्म, कने तेरी मेहणत, कने तेरे धीरजा जो जाणाँ। कने ये बी भई तू बुरयां लोकां जो सैहण नीं करी सकदा, कने सै जे अप्पूँजो प्रेरित बोलां ये, पर हये नींये तिन्हांजो तैं परखीने झूट्ठा पाया।

1 कुरिन्थियों 12:10

फेरी किसी जो सामर्था रे काम्म करने री ताकत, किसी जो भविष्यवाणी, किसी जो आत्मां री परख, किसी जो कई प्रकारा रियां भाषां बोलणे जो, कने किसी जो भाषां रा मतलब दसणा।

प्रेरितां 20:29

हऊँ जाणाँ भई मेरे जाणे ते बाद लोक सै जे फाड़णे औल़े भेड़ियां साई तुहांरे बिच्च औणा कने परमेशरा रे लोकां जो नष्ट करने री कोशिश करनी।

मरकुस 13:21

तिस वगत जे कोई तुहांजो बोल्लो, ‘देक्खा, मसीह येत्थी आ!’ या ‘देक्खा, ऊत्थी आ!’ तां तिन्हांरा विश्वास नीं करयां;

प्रेरितां 17:11

ये लोक त थिस्सलुनीके नगरा रे यहूदियां ते खरे थे, कने तिन्हें दिल लाईने वचन ग्रहण कित्या, कने हर रोज पवित्रशास्त्रा च टोलदे रै भई ये गल्लां येढ़ियां इ हईयां की नीं।

1 थिस्सलुनीकियां 5:20

भविष्यवाणियां जो घटिया नीं जाणो।

2 थिस्सलुनीकियां 2:2

तुहें सानिया ने किसी भविष्यवाणी, किसी उपदेश यनि किसी येढ़िया चिट्ठिया ते अपणे मना च दुखी नीं हुयां कने मत डरयां तिसाजो जे अहांरे जरिये लिखिरा समझया जान्दा हो कने तिसच जे इस तरिके ने दस्या गया हो भई प्रभुये रे औणे रा दिन आई चुक्कीरा।

1 यूहन्ना 2:7

प्यारे मित्रो, हऊँ तुहां लोकां जो इक्की दुज्जे ने प्यार रखणे खातर लिखिराँ, ये कोई नया हुक्म नीं बल्कि ये पुराणा हुक्म आ, सै जे तुहांजो शुरु तेई दित्तिरा था; ये पुराणा हुक्म सै वचन आ, तिसजो जे तुहें सुणीरा ताहली जे तुहें यीशुये पर विश्वास कित्या।

3 यूहन्ना 1:11

प्यारे मित्र, सै जे बुरा तिसरी नीं, पर सै जे भला तू तिसरी नकल कर, काँह्भई सै जे भलाई कराँ सै परमेशरा रा, पर सै जे बुराई कराँ तिने परमेशरा जो नीं देखीरा।