1 यूहन्ना 3:20 - बिलासपुरी नौआं नियम

²⁰ काँह्भई परमेशर अहांरे मना ते बड्डा, कने सै सब किछ जाणाँ।

1 यूहन्ना 3:20 Referans Kwoze

इब्रानियों 4:13

सृष्टिया री कोई बी चीज़ परमेशरा रिया नज़राँ ते छिपीरी नीं, पर तिसरे सामणे सारी चीजां खुल्ही कने प्रगट इ। कने अहें अपणी जिन्दगिया च जो किछ कित्तिरा तिसरा हिसाब अहांजो परमेशरा ले देणे पौणा।

1 कुरिन्थियों 4:4

काँह्भई मेरा अन्तरात्मा मिन्जो किसी गल्ला च इल्जाम नीं लगान्दा, पर इसते हऊँ निर्दोष नीं ठैहरदा, काँह्भई प्रभु इ हाया सै जे मेरा न्याय कराँ।

1 यूहन्ना 4:4

मेरे प्यारे बच्चो, तुहें परमेशरा रे लोक ये, कने तुहें झूट्ठे भविष्यवक्तयां पर जीत पाईरी; काँह्भई सै पवित्र आत्मा जे तुहां चा, सै संसारा च रैहणे औल़े शैतान्ना ते महान आ।

यूहन्ना 21:17

यीशुये फेरी तिज्जी बार पतरसा जो गलाया, “यूहन्ना रे पुत्र शमौन, क्या तू मिन्जो प्रेम कराँ?” पतरस बौहत परेशान हुईग्या भई यीशुये तिस्सो तिज्जी बार ये पुच्छया, क्या तू मिन्जो प्रेम कराँ? तां पतरसे यीशुये जो गलाया, “हे प्रभु! तू सब किछ जाणाँ, तू जाणाँ भई हऊँ तेरने प्रेम कराँ।” यीशुये तिस्सो गलाया, मेरियां भेड्डां जो चरा।

प्रकाशितवाक्य 2:23

मांह तिसारे बच्चयां जो मारी देणा; फेरी सारी कलीसियां ये जाणी लेणा भई दिल कने मना रा परखणे औल़ा हऊँ इ हाया; कने मांह तुहां चते हरेक जो तिसरयां कम्मां रे मुतावक ईनाम देणा।

तीतुस 3:11

तू जाणाँ भई येढ़ा माहणु भटकी गरा, कने तिसरे अपणे बुरे काम्म ये साबित कराँ ये भई सै दोषी आ।

यूहन्ना 8:9

ताहली जे लोकें येढ़ा सुणया तां तित्थी ते बड्डयां ते लेईने छोटयां तक, हौल़यां-हौल़यां इक-इक करीने खिसकणे लगे, कने यीशु कल्हा रैहीग्या, कने सै जनाना बी ऊत्थी बिच खढ़ी रैई।

इब्रानियों 6:13

ताहली जे परमेशरे अब्राहमा ने वायदा कित्या था, तां कसम खाणे खातर तित्थी तिसते बड्डा कोई होर नीं था, इस खातर तिने अपणे ही नौआं री कसम खाईने ये बोल्या,

प्रेरितां 5:33

पर महांसभा रे सदस्या ये सुणीने फुखीगे, कने प्रेरितां जो मारी देणा चाँह थे।

रोमियो 8:34

कोई बी अहांरी निन्दा नीं करी सकदा, काँह्भई ये यीशु मसीह आ सै जे अहांरे खातर मरया कने मूईरयां चते जिऊंदा हुया, हुण परमेशरा रे सज्जे पासे आ कने सै जे अहांरे खातर विनती बी कराँ।

1 यूहन्ना 3:19

ताहली जे अहें दुज्यां ने प्रेम कराँ ये तां अहां जाणना भई अहें सच्चाईया री सन्तान ये; कने तिसा गल्ला खातर जे अहांरा मन अहांजो दोष देंगा, तिस बारे च अहें परमेशरा रे सामणे अपणे दिलां जो हौंसला देई सकगे;

1 यूहन्ना 3:21

प्यारे बच्चो, जे अहांरा मन अहांजो दोष नीं देओ, तां अहें परमेशरा रे सामणे आत्म विश्वासा ने आई सक्कां ये।