1 कुरिन्थियों 8:4 - बिलासपुरी नौआं नियम

⁴ हुण मूर्तियां रे सामणे बल़ि कित्ती रिया चीजां रे खाणे रे बारे च: अहें जाणाँ ये भई संसारा च मूर्तियां रा कोई अस्तित्व नींआ, कने इक्की जो छड्डिने होर कोई परमेशर निआं।

1 कुरिन्थियों 8:4 Referans Kwoze

1 तिमुथियुस 2:5

काँह्भई परमेशर इक इ हाया, कने परमेशर कने माहणुआं रे बिच इक इ बिचौल़िया यनि यीशु मसीह सै जे माहणु बणीने इस संसारा च आया।

इफिसियां 4:6

परमेशर इक्को इ हा कने सै सबनीं रा पिता, सैई सब्बीं रे ऊपर आ, सब्बीं च सैई काम्म कराँ, कने सब्बीं च सैई समाईरा।

मरकुस 12:29

यीशुये तिस्सो जवाब दित्या, “सारयां हुक्मा चते ये खास हुक्म आ,” “इस्राएल रे लोको ‘सुणा, प्रभु अहांरा परमेशर इक इ प्रभु आ।

1 कुरिन्थियों 8:10

काँह्भई जे किसी रा अन्तरात्मा कमजोर आ कने सै तेरे साई ज्ञानी माहणुये जो मूर्तिया रे मन्दरा च रोटी खान्दे हुये देक्खी लो, तां क्या तिसजो बी मूर्तियां रे सामणे बल़ि कित्ती रियां चिज़ां जो खाणे री हिम्मत नीं मिलणी?

1 कुरिन्थियों 8:1

हुण हऊँ मूर्तियां रे सामणे बल़ि कित्तिरे माँसा रे बारे च दसणा चांह सै जे तुहें मेरते पुच्छया था : अहें जाणाँ ये भई अहां सब्बीं जो इसरा ज्ञान आ कने ज्ञान माहणुये जो घमण्डी बणां, पर प्यार अहांजो मजबूत कराँ।

प्रेरितां 19:26

तुहें देखां ये कने सुणया रायें भई नां सिर्फ इफिसुस नगरा च, पर तकरीवन सारे इ आसिया प्रदेशा रिया जगह च इने पौलुसे येढ़ा बोल्ली-बोलीने सब्बीं लोकां जो समझाया कने भरमाईरा बी आ, भई हत्थां री कारीगरी हई, सै ईश्वर नींये।

प्रेरितां 14:15

“हे लोको, तुहें क्या करया रायें? अहें बी तां तुहां साई दुख-सुख भोगणे औल़े माहणु ये कने तुहांजो खुशखबरी सुणाया रायें भई तुहें इन्हां बेकार चिज़ां ते लग्ग हुईने जिऊंदा परमेशरा ले औआ, तिने अकाश कने धरती कने समुद्र कने जो किछ तिसच आ बणाया।

1 तिमुथियुस 1:17

हुण अनन्तकाल रा राजा, सै जे हमेशा रे खातर जिवित आ, तिस्सो जे कोई नीं देक्खी सकदा, तिस इकमात्र कने सच्चे परमेशरा रा आदर कने महिमा जुगां-जुगां तक हुंदी रौ। आमीन।

प्रेरितां 15:20

पर तिन्हांजो इक चिट्ठी लिखीने भेजिये भई सै मूर्तां पर चढ़ाईरी किसी बी खाणे रिया चीज़ा जो नीं खायां कने व्यभिचारा ते दूर रैयां कने गल़ा घुट्ठीरे जानवरा रा मांस नां खाये कने जानवरा रा खून्न नीं पीये।

1 कुरिन्थियों 8:11

इस तरिके ने तेरे ज्ञाना रिया वजह ते तिस कमजोर विश्वासिये रा विनाश हुई जाणा तिसरे खातर जे मसीह मरया।

गलातियां 4:8

पैहले तुहें लोक तां जे परमेशरा जो नीं जाणदे थे, तां तिस वगत तुहें येढ़े देबतयां रे दास थे सै जे हकीकत च परमेशर नीं थे।