1 कुरिन्थियों 7:2 - बिलासपुरी नौआं नियम

² पर व्यभिचारा रे डरा ते हरेक मर्दा री जनाना, कने हरेक जनाना रा पति ओ।

1 कुरिन्थियों 7:2 Referans Kwoze

इफिसियां 5:28

इस तरिके ने पतियां जो अपणी-अपणी पत्नियां ने इयां इ प्यार करना चाहिन्दा तियां जे सै खुद अपणे जिस्मां ने कराँ ये, सै जे अपणिया पत्निया ने प्यार कराँ, सै खुद अप्पूँ नेई प्यार कराँ।

इफिसियां 5:33

इस खातर किछ बी हो, तुहां चते हर इक्की जो बी अपणी पत्निया ते तियां इ प्यार करना चाहिन्दा जियां जे तुहें खुद अप्पूँजो कराँ ये, कने हरेक पत्निया जो बी अपणे-अपणे पतिये रा आदर करना चाहिन्दा।

1 कुरिन्थियों 7:9

पर जे सै संयम नीं करी सक्को, तां सै ब्याह करो; काँह्भई बासना च जल़णे ते बेहतर ब्याह करना ठीक आ।

1 कुरिन्थियों 6:18

व्यभिचारा ते दूर रौआ। माहणुये रे सारे दुज्जे पाप तिसरे शरीरा ते बाहर ये, पर व्यभिचार करने औल़ा अपणे इ शरीरा रे बरोधा च पाप कराँ।

1 तिमुथियुस 4:3

येढ़े लोक ये सखायें भई ब्याह करना कने किछ किस्मा रा भोजन खाणा गल़त आ। पर परमेशरे ये खाणा विश्वासी लोकां खातर बणाईरा सै जे सच्चिया शिक्षा जो जाणाँ ये भई परमेशरा रा धन्यवाद करीने खाया जाओ।

मत्ती 5:32

पर हऊँ तुहांजो बोल्लां भई सै जे कोई अपणिया घराऔल़िया जो व्यभिचारा ते इलावा होर किसी वजह ते तलाक देओ, तां सै तिसाते व्याभिचार करवां; कने सै जे कोई तिसा छड्डी रिया ने ब्याह करो, सै व्याभिचार कराँ।”

1 कुरिन्थियों 7:1

तिन्हां गल्लां रे बारे च सै जे तुहें मिन्जो लिखीने पुच्छी रियां: ये मर्दा रे खातर ठीक आ भई सै ब्याह नीं करो।

1 कुरिन्थियों 7:3

मर्द अपणिया जनाना रा हक पूरा करो; कने तियां इ जनाना अपणे मर्दा रा।

1 थिस्सलुनीकियां 4:4

काँह्भई तुहां चते हरेक जो पवित्रता कने आदरा सौगी अपणे शरीरा जो बशा च करना सिखणे री जरूरत इ।