1 कुरिन्थियों 6:7 - बिलासपुरी नौआं नियम

⁷ सच्चीजो तुहां च बड्डा दोष त येआ, भई तुहें अप्पूँ चियें मुकद्दमा कराँ ये इसरा मतलब तुहें मसीह लोकां साई नीं जीआ राँये। तां तुहें अन्याय कैं नीं सही लेन्दे? अपणा नुक्शान कैं नीं हुणे देन्दे?

1 कुरिन्थियों 6:7 Referans Kwoze

1 पतरस 3:9

बुराईया रे बदले बुराई कने बेईज्जतिया रे बदले बेईज्जति मत करा बल्कि तुहौं आशीष देणी चाहिन्दी; काँह्भई आशीष देणे खातर तुहें परमेशरा रे जरिये चुणे गईरे, ताकि तुहें परमेशरा ते आशीष पाओ।

1 थिस्सलुनीकियां 5:15

ये ध्यान रखा भई कोई किसी ने बुराईयां रे बदले बुराई नीं करो; पर सदा अप्पूँ चियें कने सब्बीं ने भलाई करने री कोशिश करा।

लूका 6:29

सै जे तेरिया इक्की खाखा पर चपैड़ मारीने बेज्जति करो तिस खौ दुज्जी बी फेरी दे; कने सै जे तेरा कुर्ता खोई लो, तिस्सो कुर्ता लेणे ते बी नीं रोक।

लूका 19:8

जक्कई रोटी खान्दे वगत खड़ा हुईने प्रभु यीशुये ने बोलणे लगया; प्रभु जी, देक्खा हऊँ अपणिया धन-दौलता रा अधा हिस्सा गरीबां च बंडी देआं, कने जिस किसी रा जे मैं धोखा करीने लैईरा तिन्हांजो मांह चार गुणा वापस करीने देणा।