1 कुरिन्थियों 6:12 - बिलासपुरी नौआं नियम

¹² तुहां चते किछ लोक ये बोलां ये, “मिन्जो सब किछ करने री अनुमति हाई,” पर सब किछ फायदे रा निआं; “मिन्जो सब किछ करने री अनुमति हाई,” पर मांह किसी चीजा रा गुलाम नीं हूणा।

1 कुरिन्थियों 6:12 Referans Kwoze

1 कुरिन्थियों 9:27

पर हऊँ अपणे शरीरा जो कष्ट देआं कने वशा च रखां, येढ़ा नीं हो भई होरीं जो प्रचार करीने हऊँ खुद ईनाम पाणे रे खातर निकम्मा नीं बणुँ।

2 थिस्सलुनीकियां 3:9

अहें कड़ी मेहणत कित्ती इस खातर नीं भई अहांजो तुहांते मदद पाणे रा अधिकार निआं; बल्कि अहें तुहांरे सामणे इक आदर्श रखणा चाँह थे, ताकि तुहें तिसरा पालन करी सक्को।

यहूदा 1:12

ये लोक तुहांरी संगतिया रिया धाम्मां च तुहां सौगी शामिल त हुआं ये; पर ये लोक खतरनाक चट्टाना साई ये सै जे पाणिये च छिपि रियां हुआं इयां कने सै जे तुहांरे डुबणे री वजह बणी सक्कां ये। ये लोक बेशर्म चरवाहे साई ये सै जे सिर्फ अपणी ही रखवाल़ी कराँ ये। ये बिणा बरखा रे बद्दल़ ये, तिन्हौं जे हवा डुआईने लेई जांई; सै येढ़े पेड़ां साई ये तिसच जे फसला रे वगत फल़ नीं लगदे, कने जड़ां ते पटोईगरे यनि सै पूरी तरह मरी चुक्कीरे।

1 कुरिन्थियों 8:4

हुण मूर्तियां रे सामणे बल़ि कित्ती रिया चीजां रे खाणे रे बारे च: अहें जाणाँ ये भई संसारा च मूर्तियां रा कोई अस्तित्व नींआ, कने इक्की जो छड्डिने होर कोई परमेशर निआं।

रोमियो 7:14

काँह्भई अहें जाणाँ ये भई व्यवस्था त आत्मिक इ, पर हऊँ शारीरिक आ कने इक दास्सा साई पापा रे खातर बेच्चया गईरा।

1 कुरिन्थियों 9:12

जे दुज्यां जो तुहां पर ये अधिकार आ, तां क्या अहांरा अधिकार तिसते बधीने नीं हूणा? फेरी बी अहें इस अधिकारा रा इस्तेमाल नीं कित्या। इसरे उलट अहें सब किछ सैया भई अहांरे जरिये किति मसीह रिया खुशखबरिया रे प्रचारा च कोई रुकाबट नीं आओ।

यूहन्ना 5:10

सै विस्राम दिन था। इस खातर यहूदी अगुवे तिस ठीक हुईरे माहणुये जो गलाणे लगे, भई आज्ज त विस्राम दिन आ, “तिज्जो अजके दिन अपणिया चट्टाईया जो चकणे री इजाजत नीं।”