1 कुरिन्थियों 5:3 - बिलासपुरी नौआं नियम

³ हलाँकि हऊँ तुहां सौगी नींआ, पर हऊँ अपणिया आत्मा च तुहां सौगी आ। कने हऊँ येढ़े काम्म करने औल़यां रे बारे च न्याय करी चुक्कीरा मन्नो भई हकीकत च हऊँ तित्थी मौजूद आ।

1 कुरिन्थियों 5:3 Referans Kwoze

कुलुस्सियां 2:5

हलाँकि हऊँ तुहांते दूर आ, पर तियां जे भई हऊँ तुहांरे सौगी इ हया, काँह्भई हऊँ तुहांरे बारे च सोचदा रैयां, कने हऊँ खुश आ भई तुहांजो तियां जे जीणा चाहिन्दा था तुहें तियां इ जीया कराँ ये कने मसीह च तुहांरा विश्वास मजबूत आ।

1 थिस्सलुनीकियां 2:17

हे भाईयो, तित्थी तक जे अहांरी गल्ल इ, अहें थोड़े बगता खातर तुहांते बिछड़ी गरे थे, विचाराँ ते नीं, सिर्फ शरीरा ते, इस खातर अहें तुहांजो मिलणे जो बड़े काहल़े हुईगरे अहांरी लालसा बधी गरी।

2 कुरिन्थियों 13:2

ताहली जे दुज्जी बार हऊँ तुहांजो था, मैं तुहांजो सावधान कित्या था कने हुण तां जे हऊँ तुहां ते दूर आ, हऊँ तुहांजो भीं ते सावधान कराँ, भई जे हऊँ फेरी भीं तुहांले औंगा, तां तिन्हे जे पैहले पाप कित्तिरे कने सै जे पाप करी रायें तिन्हां पर मांह दया नीं करनी।

2 कुरिन्थियों 10:11

येढ़यां लोकां जो समझी लेणा चाहिन्दा भई ताहली जे अहें दूर रैं कने अहें अपणी चिट्ठियां च सै जे लिखां ये तिसरे बिच कोई फर्क नीं हुन्दा, ताहली जे अहें तुहां सौगी हुआं ये तां अहें क्या करगे तिसच बी कोई फर्क नींआ।

2 कुरिन्थियों 10:1

हऊँ पौलुस मसीह री नम्रता कने कोमलता च तुहांजो विनती करी रां, हलाँकि मैं महसूस कित्या भई तुहें सोच्चां ये हऊँ तुहांरे सामणे डरपोक आ कने ताहली जे तुहांते दूर आ हऊँ निडर आ।

1 कुरिन्थियों 5:12

काँह्भई कलीसिया ते बाहर यनि गैर-मसीही लोकां रा न्याय करना मेरा काम्म नींआ; तिन्हांरा न्याय परमेशर करगा। पर तुहांजो अन्दर औल़यां रा यनि कलीसिया रे लोकां रा न्याय करना चाहिन्दा। तियां जे पवित्रशास्त्रा च लिखिरा, “अपणे बिच्चा ते दुष्ट माहणुये जो कड्डी दे।”