1 कुरिन्थियों 3:15 - बिलासपुरी नौआं नियम

¹⁵ पर जे आग्ग किसी रा काम्म भस्म करी देंगी, तां तिस अपणा ईनाम खोई देणा; पर तिस अप्पूँ बची जाणा तियां जे कोई भड़कदिया अग्गी जो पार करीने बची जां।

1 कुरिन्थियों 3:15 Referans Kwoze

2 यूहन्ना 1:8

इस खातर तुहें चौकस रौआ भई ये लोक तुहांजो भरमाओ नीं, ताकि परमेशरा री सेवा करने खातर तुहांरी मेहणत बेकार नीं हुईजो, पर तुहें इसरा पूरा ईनाम पाई सक्को।

यहूदा 1:23

कने दुज्यां लोकां जो अनन्त काल रिया अग्गी ते झपटीने तिन्हांजो बाहर कड्डा कने बाकी लोकां पर दया करा, फेरी बी सावधान रै। येत्थी तक भई तिन्हारे तिन्हां कपड़यां ते बी नफरत करा सै जे तिन्हारे पापी कम्मा रिया वजह ने गन्दे हुईगरे।

प्रकाशितवाक्य 3:18

इस खातर हऊँ तिज्जो सलाह देआं भई अग्गी च सेक्कीरा सोना मेरते खरीदी लै ताकि तू अमीर हुई जाओ, कने पैहनणे खातर चिट्टे कपड़े लई लै ताकि तिसजो पैहनीने तिज्जो अपणे नंगे हुणे री शर्म नीं हो, कने अपणियां आक्खीं च लाणे खातर सुरमा लैं ताकि तू साफ-साफ देखणे लगो।

1 पतरस 4:18

तियां जे पवित्रशास्त्र बोलां, “जे धर्मी माहणुआं राई छुटकारा पाणा मुश्कल आ, तां परमेशरा रा हुक्म नीं मनणे औल़े पापियां रा क्या हूणा?”

प्रेरितां 27:21

तां जे सै बौहती दिनां तका भूखे रई चुके तां पौलुसे तिन्हांरे बिच खड़े हुईने गलाया, “हे लोको, चाहिन्दा था भई तुहें मेरी गल्ल मन्नीने क्रेते टापुये चते नां अग्गे बधदे कने नां संकट औंदा कने नां ये नुक्शान हुन्दा।

प्रेरितां 27:44

कने बाकी कोई पटड़ेयां पर कने कोई जहाजा री होरीं चिज़ां रे सहारे निकाल़ी जाओ। इसा रितिया ते सब धरतिया परा ठीक ठाक पुज्जीगे।