1 कुरिन्थियों 15:51 - बिलासपुरी नौआं नियम

^51-52 देक्खा, हऊँ तुहांजो भेता री गल्ल बोलां, भई अहां सब्बीं नीं मरना, पर ताहली जे आखरी तुरही बजणी अहें सब पला च कने पलक झपकदे इ बदली जाणे। काँह्भई ताहली जे तुरही बजाई जाणी मुड़दे जिऊंदा हुई जाणे कने फेरी कदी नीं मरने कने अहां बदली जाणा।

1 कुरिन्थियों 15:51 Referans Kwoze

फिलिप्पियां 3:21

अपणी तिसा सामर्था रे जरिये तिसाते जे सारियां चिज़ां जो सै अपणे बशा च करी लेआं, अहांरे कमजोर शरीरा जो बदली देणा ताकि सै तिसरे प्रतापी शरीरा साई हूणा।

1 कुरिन्थियों 15:20

पर हकीकत च मसीह मूईरयां चते जिऊंदा हुईरा, कने सै जे मरी चुक्कीरे, तिन्हां च जिऊंदा हुणे औल़ा सै पैहला हुया।

इफिसियां 1:9

परमेशरे अपणिया इच्छा रा भेत भली योजना रे मुतावक अहां पर परगट कित्या, सै जे तिने मसीह च तैह कित्या था।

1 कुरिन्थियों 4:1

तां माहणु अहौं मसीह रे सेवक कने परमेशरा रे भेतां रे भण्डारी समझो।

1 कुरिन्थियों 15:6

फेरी सै पांज्ज सौ ते जादा विश्वासियां जो इक साथ दिखाई दित्या, तिन्हां चते बौहत सारे लोक हुण तक ज्यूंदे हलाँकि किछ लोक मरी चुक्कीरे।

1 कुरिन्थियों 2:7

पर अहें सै जे ज्ञान्ना रियां गल्लां दस्सां ये सै परमेशरा रा ज्ञान आ सै जे माहणुआं ते छिपिरा था, काँह्भई तिसजो जे परमेशरे संसारा जो बनाणे ते पैहले अहां रिया महिमा रे खातर तैह कित्या था।

इफिसियां 5:32

ये इक बौहत गैहरा भेत आ; पर ये हऊँ मसीह कने कलीसिया रे बारे च बोलां।

इफिसियां 3:3

भई सै भेत जे परमेशरे दर्शणा रे जरिये माह पर परगट कित्या, तिस्सो हऊँ तुहांजो थोड़ियां गल्लां च लिखी चुक्कीरा।

1 कुरिन्थियों 15:18

फेरी सै विश्वासी जे मसीह च मरी चुक्कीरे, सै बी नाश हुये।

1 कुरिन्थियों 13:2

कने जे हऊँ भविष्यवाणी करी सक्कूँ, कने सब्बीं भेतां कने सब प्रकारा रे ज्ञाना जो समझूं, कने मिन्जो येत्थी तका पूरा विश्वास हो भई हऊँ पहाड़ां जो हटाई सक्कां, पर प्यार नीं रखूं, तां हऊँ किछ निआं।

2 कुरिन्थियों 5:2

इस खातर तदुआं तक जे अहें इस घरा चे, अहें कराहन्दे रैं काँह्भई येई चाँह ये भई अपणे स्वर्गीय घरा च जाईने बसी जाओ।

2 कुरिन्थियों 5:4

कने अहें इस शरीरा च रैहन्दे हुये सै जे तम्बुये साई आ बोझे हेठ दबोईने कराहन्दे रैं, बजह येई भई अहें इसजो छडणा नीं चांहन्दे बल्कि नये शरीरा जो पाणा चाँये ताकि जो किछ नाशवान आ तिस्सो अनन्त जीवन निंगल़ी लो।