1 कुरिन्थियों 15:2 - बिलासपुरी नौआं नियम

² तिसरे जरिये तुहांरा छुटकारा बी हुआं, जे तिस खुशखबरिया जो सै जे मैं तुहांजो सुणाई थी याद रखां ये। नैत तुहांरा विश्वास करना बेकार आ।

1 कुरिन्थियों 15:2 Referans Kwoze

इब्रानियों 3:6

पर मसीह पुत्रा साई परमेशरा रे लोकां खातर बफादार आ; कने सै अहें लोक ये। जे अहें लगातार हिम्मत रखिये कने आशा रे बारे च घमण्ड करो।

इब्रानियों 2:1

इस वजह ते अहांजो तिन्हां गल्लां पर सै जे अहें सुणी रियां, होर बी मन लगाणे री जरूरत इ, ताकि अहें बैहकी ने तिन्हांते दूर चली नीं जाओ।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

2 तिमुथियुस 1:9

तिने इ अहांरा छुटकारा कित्तिरा कने पवित्र जीवना खातर अहांजो सद्दीरा, ये अहांरे भले कम्मां रिया वजह ने नीं, पर तिसरी अपणी योजना कने अनुग्रह रिया वजह नेआ। ये अनुग्रह परमेशरे यीशु मसीह च अहांजो सृष्टिया ते पैहले दित्या,

कुलुस्सियां 1:23

ये तांई हुई सक्कां तां जे तुहें अपणे विश्वासा च मजबूतिया ने टिक्कीरे रैहन्गे, कने खुशखबरिया रे जरिये दित्ति रिया तिसा आशा रा त्याग नीं करी दो, तिसौ जे तुहें सुणया। ये खुशखबरी इसा धरतिया पर रैहणे औल़े सारयां लोकां जो प्रचार कित्या गईरा, कने हऊँ पौलुस तिसरा इ सेवक बणीरा।

इफिसियां 2:8

काँह्भई परमेशरा रे अनुग्रह रे जरिये तुहांरे विश्वासा रिया वजह ने तुहांरा छुटकारा हुईरा, तिने तुहौं किछ करने रिया वजह ने नीं छुडवाया, पर ये परमेशरा रा दान आ;

1 कुरिन्थियों 1:18

काँह्भई क्रूसा रा सन्देश नाश हुणे औल़यां रे खातर मूर्खता इ, पर अहां छुटकारा पाणे औल़यां रे खातर ये परमेशरा री सामर्थ इ।

याकूब 2:26

तियां जे बिणा साह ते शरीर मूईरा हुआं, तियां इ बिणा खरयां कम्मां ते विश्वास बी मूईरा हुआं।

याकूब 2:14

मेरे प्यारे साथी विश्वासियो, जे तुहां चते कोई प्रभु यीशु मसीह पर विश्वास करने रा दावा कराँ ये पर तिसले कोई काम्म नींआ, तां तिसरा विश्वास बेकार आ, तां तिसरा सै विश्वास क्या तिसरा छुटकारा करी सक्कां?

इब्रानियों 10:23

औआ, अहें लगातार अपणिया आशा जो मजबूतिया ने थम्मी रखिये सै जे अहें अंगीकार कित्तिरा, काँह्भई अहें जाणाँ ये भई सै काम्म जे परमेशरे करने रे खातर वायदा कित्तिरा तिस्सो सै करगा।

लूका 8:13

किछ लोक येढ़े तिन्हांरी बराबरी तिन्हां ब्यूआं ते कित्ती जाई सक्कां इ सै जे पत्थरीली जमीन्ना पर पैया। ये सैए सै जे परमेशरा रा बचन खुशिया ने सुणां ये कने इकदम ग्रहण बी कराँ ये। पर वचन तिन्हांरे दिलां री गहराईया तक नीं जान्दा, काँह्भई सै सिर्फ थोड़े इ वगता तक विश्वास कराँ ये; सै तिन्हां पौध्यां साई ये तिन्हांरियां जड़ां जे डुग्गियां नीं हुन्दियां। ताहली जे परमेशरा रे सन्देशा पर विश्वास करने रिया वजह ने तिन्हां पर दुख कने तकलीफां औईयां, तां सै विश्वासा ते भटकीने पाप कराँ ये।

याकूब 2:17

देख्या तुहें, सिर्फ विश्वास रखणा काफी नींआ, तिस विश्वासा सौगी जे काम्म जुड़ीरे नींये, सै विश्वास नीं कहलाया जाणा सै बेकार कने मरीरा।

इब्रानियों 4:14

इस खातर औआ अहें अपणे विश्वासा जो मजबूतिया ने थम्मी रखिये। काँह्भई सै अहांरे खातर इक महायाजक आ, सै जे स्वर्गा च गईरा कने सै परमेशरा रा पुत्र यीशु मसीह आ।

2 थिस्सलुनीकियां 2:15

इस खातर अरे साथी विश्वासियो, मजबूत रौआ; कने सै शिक्षां जे तुहें वचना ते या चिट्ठियां रे जरिये अहांते सिखियां तिन्हां पर लगातार विश्वास करदे रौआ।

गलातियां 3:4

तुहें विश्वासी हुणे ते बाद बौहत दुख सैया, कने सच्चीजो हऊँ आशा कराँ भई ये दुख बेकार नीं थे।

2 कुरिन्थियों 6:1

परमेशरा सौगी काम्म करने रे नाते अहें तुहां लोकां ने बिनती कराँ ये भई परमेशरा रा सै अनुग्रह जे तुहांजो मिलीरा, तिस्सो बेकार नीं जाणे देआ।

रोमियो 1:16

हऊँ यीशु मसीह रिया खुशखबरिया रे बारे च गर्व कराँ, काँह्भई सै हरेक विश्वास करने औल़े जो छुटकारा देणे रे खातर परमेशरा री सामर्थ इ, फेरी चाये पैहले सै यहूदी ओ या फेरी अन्यजातियां रे लोक ओ।

2 कुरिन्थियों 2:15

काँह्भई अहें परमेशरा रे सामणे मसीह रे जरिये चढ़ाईरी खुशबुआ साई ये, सै जे छुटकारा पाणे औल़आं कने नाश हुणे औल़यां इन्हां दुईं रे बिच बिखराँ इ।

1 कुरिन्थियों 15:14

कने जे मसीह नीं जिऊंदा हुया, तां अहांरा प्रचार करना बेकार आ; कने तुहांरा विश्वास बी बेकार आ।

1 कुरिन्थियों 1:21

काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

रोमियो 11:22

इस खातर तू परमेशरा रिया दया जो देख कने तिसरिया सख्तिया पर ध्यान दे। सै सख्ती तिन्हांरे खातर इ सै जे अविश्वासा रिया वजह ने गिरीगरे पर तिसरी दया तेरे खातर इ, तू अप्पूँ पर तिसरी दया बणीरी रैहणे दे, नैत डाल़ा ते तू बी बड्डीने सट्टि दित्या जाणा।

प्रेरितां 8:13

तां शमौने अपणे आप बी फिलिप्पुसा रे सन्देशा पर विश्वास कित्या कने बपतिस्मा लईने फिलिप्पुसा ने सौगी रैहणे लगया। सै चमत्कारी नशाण कने बड़े-बड़े सामर्था रे काम्म हुंदे देखीने हैरान हुआं था।

प्रेरितां 2:47

कने परमेशरा री स्तुति कराँ थे, कने सब लोक तिन्हांते खुश थे : कने सै जे छुटकारा पां थे, तिन्हांजो प्रभु हर रोज़ तिन्हां च मलाई देआं था।

1 कुरिन्थियों 11:2

हऊँ तुहांरी तारीफ कराँ, काँह्भई तुहें मिन्जो हर वगत याद करदे रैं; कने सै जे शिक्षायें मैं तुहांजो दित्ति रियां, तिन्हांरा सावधानिया ने पालन करया राँये।