1 कुरिन्थियों 13:7 - बिलासपुरी नौआं नियम

⁷ प्यार सब्बीं गल्लां जो सहन करी लेआं, सब्बीं गल्लां जो मन्नी लेआं, सब्बीं गल्लां री आशा रखां, सब्बीं गल्लां च धीरज रखां।

1 कुरिन्थियों 13:7 Referans Kwoze

1 पतरस 4:8

कने सबनीं ते बड्डी गल्ल येई भई तुहें इक्की दुज्जे ने ईमानदारिया ने प्यार रखा, काँह्भई जे तुहें प्यार रखगे तां तुहां लोकां रिया किसी बी गल्तिया जो माफ करने खातर सदा त्यार रैहणा।

1 कुरिन्थियों 13:4

प्यार धीरज आ, कने दयालु आ; प्यार डाह नीं करदा; प्यार अपणी बडयाई नीं करदा, कने घमण्ड नीं करदा,

2 तिमुथियुस 2:24

कने प्रभुये रे सेवका जो त झगड़ना इ नीं चहिन्दा, वल्कि तिस्सो त सब्बीं पर दया कने परमेशरा रे वचना जो ठीक ढंगा ने सखाणे रे काविल हूणा चाहिन्दा, तिस्सो सैहनशील हूणा चहिन्दा।

1 पतरस 2:24

सै खुद अहांरे पापां जो अपणे शरीरा पर लेईने क्रूसा पर चढ़ीग्या, ताकि अहें पापां रे खातर मरी सक्को कने धार्मिकता रे खातर जी सक्को; तिसरे जख्मां रे जरिये तुहें चंगे हुईरे।

1 कुरिन्थियों 9:12

जे दुज्यां जो तुहां पर ये अधिकार आ, तां क्या अहांरा अधिकार तिसते बधीने नीं हूणा? फेरी बी अहें इस अधिकारा रा इस्तेमाल नीं कित्या। इसरे उलट अहें सब किछ सैया भई अहांरे जरिये किति मसीह रिया खुशखबरिया रे प्रचारा च कोई रुकाबट नीं आओ।

गलातियां 6:2

तुहांजो इक्की दूये री मदद करनी चाहिन्दी ताहली जे तुहां चते कोई दुखां च हो, इस तरिके ने तुहें मसीह री व्यवस्था जो पूरा करगे।

2 तिमुथियुस 4:5

पर तिज्जो हर हालता च अप्पूँजो काबुये च रखणा चाहिन्दा, दुख सै कने खुशखबरिया रा प्रचार कर कने अपणी जिम्मेवारिया जो पूरा कर सै जे प्रभुये तिज्जो दित्तिरी।

याकूब 1:12

परमेशर तिसजो आशीष देआं सै जे मुशिबतां च अटल रैयां काँह्भई परीक्षां च खरा उतरने ते बाद तिस अनन्त जीवना रा मुकट पैहनणा, तिस्सो जे परमेशरे अपणे प्यार करने औल़यां जो देणे रा वायदा कित्तिरा।

2 थिस्सलुनीकियां 1:4

इस खातर अहें खुद परमेशरा रिया कलीसियां रे विश्वासियां रे बिच तुहांरे बारे च घमण्ड कराँ ये, हलाँकि तुहें सताव कने दुखां रा अनुभव कराँ ये, फेरी बी तुहें लगातार धीरजा ने सैंये कने हुण तुहें यीशु मसीह पर बी विश्वास कराँ ये।

2 तिमुथियुस 3:11

कने मेरे सताव, मेरे दुखा रे बगता तैं मेरा साथ दित्तिरा। तू त जाणाँ भई अन्ताकिया, इकुनियुम कने लुस्त्रा नगराँ च मिन्जो किस तरिके री यातना दित्ति थी तिन्हौं जे मैं सहील्या, पर प्रभुये मिन्जो तिन्हां सब्बीं ते बचाईल्या।

रोमियो 15:1

अहें जे विश्वासा च मजबूत ये, तां अहांजो तिन्हांरियां कमजोरियां च मदद करनी चाहिन्दी सै जे विश्वासा च मजबूत नींये, नां भई सिर्फ खुद अप्पूँ जोई खुश रखिये।

मत्ती 10:22

माह पर विश्वास करने रिया बजह ने कईयां लोकां तुहांते बैर रखणा, पर सै जे आखिर तक माह पर विश्वास करदा रैहन्गा तिसजो बचाया जाणा।

इब्रानियों 13:13

इस खातर औआ, यहूदी रीति-रिवाजां जो छड्डिने यीशुये पर विश्वास करिये कने तिस साई दुख कने निंध्या सैईये।

रोमियो 8:24

ताहली जे अहें बचाये गये तां परमेशरे अहांजो ये आशा दित्तिरी। अहें हल्तियें तक तिन्हां सारयां जो नीं पाईरा तिन्हाजो देणे रा जे परमेशरे वायदा कित्तिरा था, इस खातर अहें हुण बी तिस्सो पाणे री उम्मीद कराँ ये। कने इस खातर इस वगत धैर्य ने इन्तजार कराँ ये तदुआं तक जे अहें इस्सो पाई नीं लेन्दे।

मरकुस 9:23

यीशुये तिस्सो गलाया, “ये नीं बोलणा जे तुहें करी सक्कां ये, काँह्भई परमेशरा पर विश्वास करने औल़यां खातर सै सब किछ करी सक्कां।”