1 कुरिन्थियों 12:4 - बिलासपुरी नौआं नियम

⁴ वरदान त कईयां किस्मां रे, पर आत्मा इक्को इ हया;

1 कुरिन्थियों 12:4 Referans Kwoze

1 पतरस 4:10

जिस किसी जो परमेशरा रिया तरफा ते जो बी बरदान मिलीरा, तिस्सो तिस बरदान्ना रा इस्तेमाल दुज्यां री सेवा रे खातर करना चाहिन्दा। तिस्सो अपणे बरदान्ना जो परमेशरा रे अच्छे सेवका साई ठीक ढंगा ने इस्तेमाल करना चाहिन्दा।

1 कुरिन्थियों 12:28

कने परमेशरे कलीसिया च लग-लग माहणु नियुक्त कित्तिरे : पैहले प्रेरित, दुज्जे भविष्यवक्ता, तिज्जे सखाणे औल़े, फेरी सामर्था रा काम्म करने औल़े, चंगा करने औल़े, मदद करने औल़े, प्रबन्ध करने औल़े, लग-लग किस्मा री भाषायें बोलणे औल़े।

इब्रानियों 2:4

परमेशरे बी चिन्ह कने अदभुत काम्म कने कई किस्मा रे सामर्था रे कम्मां रे जरिये कने अपणिया इच्छा रे मुतावक लोकां जो पवित्र आत्मा रे जरिये बरदान देईने ये साबित कित्या।

इफिसियां 4:11

तिने खुद इ किसी जो प्रेरित हुणे रा बरदान दित्या, तां किसी जो भविष्यवक्ता हुणे रा, किसी जो खुशखबरिया रे प्रचारक हुणे रा, किसी जो परमेशरा रे लोकां री हिफाज़त करने कने सखाणे रा।

1 कुरिन्थियों 7:7

हऊँ येढ़ा चांह भई तेढ़ा जे हऊँ आ, तियां इ सब माहणु हो; पर हर इक्की जो परमेशरा रिया तरफा ते खास वरदान मिलीरे; किसी जो इक्की तरिके रा, कने किसी जो दुज्जे तरिके रा।

1 कुरिन्थियों 12:1

अरे साथी विश्वासियो, हऊँ नीं चाहन्दा भई तुहें आत्मिक वरदान्नां रे बारे ते अंजाण रौ।

1 कुरिन्थियों 12:5

कने सेवा बी कईयां किस्मां री, पर प्रभु इक इ हया;