1 कुरिन्थियों 12:2 - बिलासपुरी नौआं नियम

² तुहें जाणाँ ये भई ताहली जे तुहें अन्यजाति थे, तां तुहें गुंगियां मूर्तियां रे पिच्छे तियां चलां थे तियां जे तुहांजो चलां थे।

1 कुरिन्थियों 12:2 Referans Kwoze

1 पतरस 4:3

काँह्भई तुहें पैहले अन्यजातियां रे लोकां साई इन्हां बुरियां इच्छां जो पूरा करने च काफी वगत गवाई चुक्कीरे। तियां जे ऐस-प्रस्ती करना, काम्म-वासना च डुव्वीरे रैहणा, पियक्कड़पन, रंगरलियां मनाणा, शराब पीने मौज करनी कने तुहें मूर्तियां री पूजा बी कित्ती तिसते जे परमेशर नफरत कराँ।

1 थिस्सलुनीकियां 1:9

काँह्भई सै खुद अहांरे बारे च दस्सां ये भई तुहें अहांरा केढ़ा स्वागत कित्या था कने तुहें कियां मूर्तियां ते दूर हुईने परमेशरा खौ फिरे ताकि तुहें जीवित कने सच्चे परमेशरा री सेवा करो।

गलातियां 4:8

पैहले तुहें लोक तां जे परमेशरा जो नीं जाणदे थे, तां तिस वगत तुहें येढ़े देबतयां रे दास थे सै जे हकीकत च परमेशर नीं थे।

1 कुरिन्थियों 6:11

कने तुहां चते किछ लोक येढ़े इ थे, पर तुहें प्रभु यीशुये रे नौआं ते कने अहांरे परमेशरा रे आत्मा रे जरिये पापां ते धोये गैईरे कने पवित्र कित्ते गये कने धर्मी घोषित कित्ते गये।

1 पतरस 1:18

काँह्भई तुहें जाणाँ ये भई तुहांरा निकम्मा चालचलन सै जे पूर्वजां रे वगता ते चलया आई कराँ तिसते तुहांरा छुटकारा चान्दी, सोने साई या नाशवान चिज़ां ते नीं हुई;

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

मत्ती 15:14

इन्हांजो छड्डा; सै परमेशरा रियां आज्ञां माहणुआं जो नीं सखान्दे, तियां जे भई अन्हा माहणु अन्हे जो रस्ता नीं दस्सी सकदा, काँह्भई तिन्हां गढे च पैई जाणा।”