1 कुरिन्थियों 12:11 - बिलासपुरी नौआं नियम

¹¹ पर ये सब प्रभावाशाली काम्म सैई इक आत्मा कराँ, कने तिस किसी जो जे सै चांह तिस्सो बन्डी देआं।

1 कुरिन्थियों 12:11 Referans Kwoze

1 कुरिन्थियों 12:4

वरदान त कईयां किस्मां रे, पर आत्मा इक्को इ हया;

इब्रानियों 2:4

परमेशरे बी चिन्ह कने अदभुत काम्म कने कई किस्मा रे सामर्था रे कम्मां रे जरिये कने अपणिया इच्छा रे मुतावक लोकां जो पवित्र आत्मा रे जरिये बरदान देईने ये साबित कित्या।

2 कुरिन्थियों 10:13

अहां किसी गल्ला रे खातर घमण्ड नीं करना तिसरे बारे च जे अहांजो घमण्ड करने रा अधिकार नींआ, पर अहां सिर्फ तिस कम्मा रे बारे च घमण्ड करना तिस्सो करने खातर जे परमेशरे अहांजो भेज्जिरा, कने तुहें तिस कम्मा रा हिस्सा ये।

इफिसियां 4:7

पर अहां चते हर इक्की जो मसीह रे दान्ना रे हिसाबा ने अनुग्रह मिलीरा।

1 कुरिन्थियों 12:6

कने प्रभावा औल़े काम्म कईयां किस्मा रे, पर परमेशर इक इ हाया, सै जे सब्बीं च हर किस्मा रा प्रभाव पैदा कराँ।

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।

इफिसियां 1:11

ये सारियां गल्लां परमेशरा रिया योजना कने फैसले रे मुतावक हुई, कने परमेशरे मसीह च अहौं अपणे लोक हुणे रे खातर अपणिया इच्छा रे मुतावक चुणया, सै जे परमेशरे पैहले तेई तैह करीने रखीरा था।

1 कुरिन्थियों 7:17

फेरी बी हर इक माहणु तिसा दशा च जे सद्दया गईरा तिसच बणीरा रौ कने तिस्सो प्रभुये ते जो बरदान मिलीरा तिसरे मुतावक जीवन जीओ। हऊँ सारी कलीसियां रे खातर ये नियम तैह कराँ।

1 कुरिन्थियों 7:7

हऊँ येढ़ा चांह भई तेढ़ा जे हऊँ आ, तियां इ सब माहणु हो; पर हर इक्की जो परमेशरा रिया तरफा ते खास वरदान मिलीरे; किसी जो इक्की तरिके रा, कने किसी जो दुज्जे तरिके रा।

रोमियो 12:6

तां फेरी तिसरे अनुग्रह रे मुतावक अहांजो लग-लग बरदान मिलीरे, अहें तिन्हांरा इस्तेमाल करिये, जे किसी जो भविष्यवाणिया रा बरदान मिलीरा, तां सै अपणे विश्वासा रे मुतावक भविष्यवाणी करे;

रोमियो 9:18

इस खातर परमेशर जिस पर चाँह तिस पर दया कराँ कने तिस्सो जे चाँह तिस्सो कठोर बणाई देआं।

यूहन्ना 5:21

काँह्भई तियां जे पिता मूईरयां जो ठवाल़ीने तिन्हांजो नौंईं जिन्दगी देआं, तियां इ पुत्र बी तिन्हौं जे चाँह तिन्हौं जिन्दगी देआं।

यूहन्ना 3:27

यूहन्ने जबाब दित्या, ताहलुआं तक जे किसी माहणुये जो स्वर्गा ते नीं दित्या जाओ, ताहलुआं तक सै किछ नीं पाई सकदा।

यूहन्ना 3:8

सै जे कोई पवित्र आत्मा ते जम्मीरा सै येढ़ा इ हाया, तियां जे हवा तितखा जे बैहणा चाईं तितखौ बैहणे लगां इ। तू तिसारी अवाज़ सुणां, पर ये नीं दस्सी सकदा भई सै कित्खा ते औआंईं कने कित्खौ जाईं?”

मत्ती 20:15

क्या हऊँ अपणे पैसे रा अपणिया इच्छा रे मुतावक किछ बी करने रा हक नीं रखदा? क्या तू मेरिया इसा भलाईया ते जल़ण कराँ?

मत्ती 11:26

हाँ, हे पिता, ये इस खातर हुया काँह्भई तिज्जो येई ठीक लगया।

1 कुरिन्थियों 12:18

पर सचमुच परमेशरे अंगाँ जो अपणिया इच्छा रे मुतावक इक-इक करीने देहा च रखया।