1 कुरिन्थियों 11:5 - बिलासपुरी नौआं नियम

⁵ पर सै जे जनाना बिणा सिर ढक्कीने प्राथना या भविष्यवाणी कराँ इ, सै अपणे सिरा रा यनि अपणे पतिये रा अपमान कराँ इ, काँह्भई ये गंजी हुणे रे बराबर इ।

1 कुरिन्थियों 11:5 Referans Kwoze

लूका 2:36

हन्ना, परमेशरा री इक पक्की भगतणी थी, तिसाजो जे परमेशरा री भविष्यवाणी करने रा बरदान था, सै बी तिस बगत मन्दरा च हाजर थी। सै अशेर रे गोत्रा चते फनूएल री कुड़ी थी, कने सै बौहत बुड्डी थी। ताहली जे तिन्हारे ब्याह जो हुईरे सिर्फ सात्त साल हुईरे थे तिस बगत तिसारे घरा औल़े री मौत हुईगरी थी, तां सै बिधवा थी।

प्रेरितां 2:17

“ ‘परमेशर बोलां, भई आखिरी दिना च येढ़ा हूणा भई मांह अपणा आत्मा सब माहणुआं पर भेजणा, कने तुहांरे मुण्डुआं कने कुड़ियां भविष्यवाणियां करनियां, कने तुहांरे जवानां दर्शण देखणे कने तुहांरे पुरनिये सुखने देखणे।

1 कुरिन्थियों 14:34

जनाना कलीसिया रिया सभा च चुप रौ, काँह्भई तिन्हांजो गल्लां करने रा हुक्म निआं, पर अधीन रैहणे रा हुक्म आ, तियां जे व्यवस्था च लिखिरा बी आ।

प्रेरितां 21:9

तिसरियां चार क्वारियां कुड़ियां थिआं सै जे भविष्यवाणी कराँ थिआं।

1 कुरिन्थियों 11:4

सै जे माहणु सिर ढक्कीने प्राथना या भविष्यवाणी कराँ, सै मसीह रा अपमान कराँ सै जे सिर आ।

1 कुरिन्थियों 11:6

जे जनाना चादरु नीं ओड्डो तां बाल़ बी कटाई लो; जे जनाना खातर बाल कटाणा या सिर मुंडवाणा अपमान्ना री गल्ल इ, तां तिसाजो चादरु ओड्डणा चाहिन्दा।