1 कुरिन्थियों 10:4 - बिलासपुरी नौआं नियम

⁴ कने सब्बीं इक्को इ आत्मिक पाणी पित्या, काँह्भई सै तिस आत्मिक चट्टान्ना ते पीआं थे सै जे तिन्हां सौगी-सौगी चलां थी, कने सै चट्टान मसीह था।

1 कुरिन्थियों 10:4 Referans Kwoze

यूहन्ना 7:37

फेरी त्योहारा रे खत्म हुणे औल़े दिन, सै जे खास दिन आ, यीशु उट्ठया कने जोरा ने गलाया, “जे कोई प्यासा ओ तां मेरले आईने पीओ।

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 4:10

यीशुये जबाब दित्या, “तू नीं जाणदी भई परमेशर तिज्जो क्या देणा चांह, कने तू नीं जाणदी भई कुण तेरते पाणी मंगया रां। जे तू जाणदी, तां तू माहते इस्सो मंगदी कने हऊँ तिज्जो जीवन देणे औल़ा पाणी देन्दा।”

कुलुस्सियां 2:17

काँह्भई ये सारे नियम औणे औल़ी गल्लां री छाया साई ये, पर मसीह इ सच्च आ।

प्रकाशितवाक्य 22:17

कने परमेशरा रा आत्मा कने दुल्हन दोन्नो बोलां ये, “औ!” कने सुणने औल़ा बी बोल्लो, “औ!” कने सै जे प्यासा हो, सै आओ कने सै जे कोई चाओ, सै जीवना रा पाणी मुफ्ता च लेओ।

इब्रानियों 10:1

मूसा री व्यवस्था त औणे औल़ियां गल्लां री सिर्फ परछाई। पर तिसरा असली रुप निआं, इस खातर तिन्हां इक्को जेईयां बल़ियां रे जरिये तिन्हौं जे हर साल लगातार चढ़ाई जाईयां, तिन्हां लोकां जो सै जे परमेशरा ले अराधना करने खातर औआं ये तिन्हांजो कदीं बी सिद्ध नीं करी सकदियां।

गलातियां 4:25

कने हाजिरा मानो अरब रा सिनै पहाड़ा आ, सै अज्जके यरूशलेम री तरफ ईशारा कराँ इ काँह्भई सै अपणे बच्चयां सौगी दासता रा जीवन भुगती राईं।