1 कुरिन्थियों 1:26 - बिलासपुरी नौआं नियम

²⁶ अरे साथी विश्वासिओ, इस बारे च सोच्चा भई तुहें क्या थे ताहली जे परमेशरे तुहांजो सद्दया। माहणुआं रे बिचारा रे मुतावक तुहां चते कई लोक नां बौहत ज्ञान-वान, कने नां बौहत सामर्थी कने नां राजसी थे।

1 कुरिन्थियों 1:26 Referans Kwoze

याकूब 2:5

मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा?

1 कुरिन्थियों 2:8

तिस्सो जे इस संसारा रे हाक्मां चते कोई बी नीं जाणी पाया, काँह्भई जे सै जाणदे, तां सै तेजोमय प्रभुये जो क्रूसा पर नीं चढ़ांदे।

1 कुरिन्थियों 1:20

किति आ ज्ञानी, किति आ शास्त्री कने किति आ इस जुगा रा विवादी? क्या परमेशरे संसारा रे सारे ज्ञान्ना जो मूर्खता साबित नीं कित्या?

लूका 10:21

तिस इ घड़ी सै पवित्र आत्मा रिया खुशिया च भरी ने बोलणे लगे, “पिता जी, स्वर्ग कने धरतिया रे मालक हऊँ तेरा धन्यवाद कराँ भई तुहें इन्हां लोकां ते ये असलीयत छुपाई ने रखी, सै जे अपणे आप जो चलाक कने बुद्धिमान समझां ये, कने सै जे बच्चयां साई ये तिन्हां पर ये गल्लां परगट कराँ ये। हाँ, पिता, काँह्भई तैं देख्या भई ये ठीक आ।”

लूका 1:3

इस खातर शुरु तेई इन्हां सारियां गल्लां जो पूरी सावधानिया ने कने ठीक-ठाक जाँच पड़ताल़ करने ते बाद, मिन्जो ये ठीक लगया भई हऊँ बी इन्हांजो तेरे खातर बारी-बारी लिखुं।

1 कुरिन्थियों 2:13

येई अहें माहणुये रे ज्ञाना ते सखाई रियां गल्लां च नीं, पर पवित्र आत्मा रियां सखाई रियां गल्लां च, आत्मिक गल्लां जो अहें आत्मिक शब्दां च सुणवांये।

2 यूहन्ना 1:1

हऊँ यूहन्ना कलीसिया रा अगवा, ये चिट्ठी तिसा औरता जो कने तिसारे बच्चयां जो लिखया राँ, तिन्हांजो जे परमेशरे चुणीरा, कांहभई अहें सारे परमेशरा रिया सच्चाईया पर विश्वास करां ए कने सिर्फ हऊँ इ नीं, पर सै सब जणे बी तुहांने प्यार रक्खां ये सै जे परमेशरा रिया सच्चाईया जो जाणाँ यें।

फिलिप्पियां 4:22

सारे पवित्र लोक, खास करीने सै जे बादशाह रे घराने रे, तुहांजो नमस्कार बोल्लां ये।

प्रेरितां 17:34

पर किछ माहणु तिसने सौगी मिले, कने प्रभु यीशुये पर विश्वास कित्या; तिन्हां च जे दियुनुसियुस सै जे अरियुपगुस सभा रा सदस्य था, कने दमरीस नौआं री इक जनाना थी, तिन्हां सौगी होर बी किछ लोक थे।

प्रेरितां 13:12

तां हाकमे, जो किछ हुआ तिस्सो देखीने कने प्रभु यीशुये रे उपदेशा ते हैरान हुईने तिस पर विश्वास कित्या।

प्रेरितां 13:7

सै हाकिम सिरगियुस पौलुसा ने सौगी था, सै अक्लमन्द माहणु था। तिने बरनबास कने शाऊला जो अप्पूँ ला सद्दीने परमेशरा रा वचन सुणना चाहया।

रोमियो 11:29

काँह्भई परमेशर अपणे बरदानां ते कने अपणिया बुलाहटा ते कदीं अपणा मन नीं बदलदा।