1 कुरिन्थियों 1:21 - बिलासपुरी नौआं नियम

²¹ काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

1 कुरिन्थियों 1:21 Referans Kwoze

लूका 10:21

तिस इ घड़ी सै पवित्र आत्मा रिया खुशिया च भरी ने बोलणे लगे, “पिता जी, स्वर्ग कने धरतिया रे मालक हऊँ तेरा धन्यवाद कराँ भई तुहें इन्हां लोकां ते ये असलीयत छुपाई ने रखी, सै जे अपणे आप जो चलाक कने बुद्धिमान समझां ये, कने सै जे बच्चयां साई ये तिन्हां पर ये गल्लां परगट कराँ ये। हाँ, पिता, काँह्भई तैं देख्या भई ये ठीक आ।”

मत्ती 11:25

तिस इ वगत यीशुये गलाया, “पिता, तू स्वर्गा कने धरतिया रा मालक आ, हऊँ तेरा धन्यवाद कराँ भई तैं इन्हां गल्लां जो ज्ञानियां कने समझदार लोकां ते छुपाई ने रखीरा, कने आम लोकां पर प्रगट कित्या।

इफिसियां 3:10

तिसरा मकसद था भई सै हुण कलीसिया रे जरिये परमेशरा रे कई तरह रे ज्ञाना जो तिन्हां प्रधानां कने अधिकारियां जो परगट करे सै जे स्वर्गा रिया जगहां चे।

1 कुरिन्थियों 1:24

पर जिस किसी जो परमेशरे अपणे लोक हुणे खातर सद्दीरा, चाये यहूदी या यूनानी, दोन्नां रे खातर येई मसीह परमेशरा रा सामर्थ कने परमेशरा रा ज्ञान आ।

रोमियो 1:28

कने काँह्भई तिन्हे परमेशरा जो पछयाणने ते मना करित्या, इस खातर परमेशरे तिन्हौं तिन्हांरे मूर्ख बचाराँ पर छड्डीत्या, कने सै येढ़े बुरे काम्म करने लगे सै जे तिन्हौं नीं करने चाहिन्दे थे।

रोमियो 11:33

ओह! हकीकत च परमेशर सारयां रे खातर भला कने सै बौहत बुद्धिमान कने ज्ञानी आ। कोई बी तिसरे विचाराँ रा बखान करी नीं सकदा, कने कोई बी तिसरे मार्गां जो समझी नीं सकदा।

लूका 12:32

“इस खातर भेडां साई भोल़े-भाल़े, मेरे छोट्टे झुण्डा! मता घबरान्दे, काँह्भई तुहांजो स्वार्गा रा राज देणे च पिता परमेशरा जो बड़ा नन्द औआं।

यूहन्ना 12:31

हुण इस संसारा रे लोकां रा न्याय करने रा वगत आईगरा, कने हुण परमेशरा इस संसारा पर राज करने औल़े शैतान्ना रिया शक्तिया जो खत्म करी देणा;

1 कुरिन्थियों 1:18

काँह्भई क्रूसा रा सन्देश नाश हुणे औल़यां रे खातर मूर्खता इ, पर अहां छुटकारा पाणे औल़यां रे खातर ये परमेशरा री सामर्थ इ।

1 कुरिन्थियों 1:23

पर अहें त तिस क्रूसा पर चढ़ाईरे मसीह रा सन्देश सुणवांये, सै जे यहूदियां रे खातर अपमान आ कने अन्यजातियां रे खातर मूर्खता इ;

1 कुरिन्थियों 1:25

काँह्भई परमेशरा री मूर्खता माहणुआं रे ज्ञाना ते ज्ञान-वान इ, कने सै जे परमेशरा री निर्बलता माहणुआं रे बला ते बौहत बलवान इ।

1 कुरिन्थियों 1:27

पर परमेशरे संसारा रे मूर्ख लोकां जो चुणया, भई ज्ञान वानां जो शर्मिन्दा करो, कने परमेशरे संसारा रे निर्बलां जो चुणया भई बलवानां जो शर्मिन्दा करो;

1 कुरिन्थियों 2:14

पर तिस माहणुये ले जे पवित्र आत्मा नींआ सै परमेशरा रे आत्मा रियां गल्लां ग्रहण नीं करदा, काँह्भई सै तिसरियां नज़राँ च मूर्खता रियां गल्लां इयां, कने सै तिन्हांजो नीं जाणी सक्कां, काँह्भई तिन्हांरी परख आत्मिक रितिया ने हुआं इ।

1 कुरिन्थियों 4:10

इस संसारा रे लोक सोच्चां ये भई अहें मसीह रे खातर मूर्ख ये, पर तुहें सोच्चां ये भई तुहें मसीह च बुद्धिमान ये; बौहत लोक सोच्चां ये भई अहें निर्बल ये, पर तुहें सोच्चां ये भई तुहें बलवान ये, तुहौं लोक आदर दें, पर सै अहांरा निरादर कराँ ये।

1 कुरिन्थियों 6:2

क्या तुहें नीं जाणदे भई पवित्र लोकां संसारा रा न्याय करना? इस खातर जे तुहौं संसारा रा न्याय करना, तां क्या तुहें छोट्टे-छोट्टे झगड़यां रा न्याय करने रे लायक बी नींये?

1 कुरिन्थियों 11:32

पर प्रभु अहांजो सजा देईने अहांरी ताड़ना कराँ, इस खातर भई अहें संसारा सौगी सजा रे भागी नीं हो।

गलातियां 1:15

पर परमेशर तिने जे मेरे जमणे ते पैहले इ मिन्जो चुणया कने तिने अपणे अनुग्रह ने मिन्जो सद्दया।

गलातियां 4:8

पैहले तुहें लोक तां जे परमेशरा जो नीं जाणदे थे, तां तिस वगत तुहें येढ़े देबतयां रे दास थे सै जे हकीकत च परमेशर नीं थे।

इफिसियां 1:9

परमेशरे अपणिया इच्छा रा भेत भली योजना रे मुतावक अहां पर परगट कित्या, सै जे तिने मसीह च तैह कित्या था।

कुलुस्सियां 1:19

काँह्भई पिता परमेशरा री खुशी इस ची भई परमेशरा रा सारा स्वाभाव मसीह च वास कराँ।

इब्रानियों 1:14

तां स्वर्गदूत क्या कराँ ये? सै सारे सिर्फ परमेशरा रेई सेवक ये तिसजो जे परमेशर छुटकारा पाणे औल़यां रा ख्याल रखणे खातर भेज्जां।

इब्रानियों 2:3

तां अहां लोकां जो बी पक्का सजा मिलणी जे अहें बड्डे छुटकारे ते बेफिक्र रैं। प्रभु यीशु मसीह खुद इस छुटकारे रे बारे च पैहले बोल्या था कने तिस्सो सुणने औल़यां चेलयां रे जरिये अहांजो सच्चा साबित हुया।

इब्रानियों 7:25

इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

याकूब 4:4

विश्वासघाती लोको, क्या तुहांजो ये पता नींआ भई संसारा री दोस्ती तुहांजो परमेशरा रा दुश्मण बणां ईं? हऊँ भीं बोलां भई जे तुहांरा मकसद इस संसारा रा मजा लुटणा इ हाया, तां तुहें परमेशरा रे दोस्त नीं हुई सकदे।

याकूब 5:15

विश्वासा ने कित्तिरी तिन्हां रिया प्राथना ते बीमार ठीक हुई जाणे, कने प्रभुये तिसजो खड़ा करना कने जे तिने गुनाह बी कित्तिरे ओ, परमेशरा तिसरे पाप माफ करने।

याकूब 5:20

तां सै जाणी लो भई सै जे किसी पापिये जो पापा रे रस्ते ते वापस ली औआं सै तिस पापिये रिया आत्मा जो अनन्त काल रिया मौती ते बचां कने परमेशर तिसरे कई पापां जो माफ कराँ।