तितूस 3:9 - Korwa Bible

⁹ मनदो अड़ा-चउकीकू रिमुःता हना बेलूर बड़रा अरू खुटीपहारराः सदाःआ कहड़ीकून अरू एहूदाकूराः नियम बदीरे कड़ीग अरू बेलूर बेलूर कता होड़ेंग अते आम तोरेम दोहोन। नाःआ इयाःआ बड़राकून बेगर लूर इदा अरू तोनोंगाः नफा ओरो होयानेना।

तितूस 3:9 Referans Kwoze

2 तिमुतियूस 2:14

दो नाःआ कता बिसवासी होड़कूम कता उहियार ञवनकू। तोनोंग नफा मेर होयाःता अरू अयुमेताकू हँकुःआ होड़कूराः जीव आडगोडता हना लबदकून बदीरे अलोकू अड़ा-चउकी लगा भगवान मड़ंगरेम सेतावकू।

2 तिमुतियूस 2:23

कड़ीगकू रिमुःता हना सदाःआ अरू अनभनिया कता होड़ेंग अते तोरेम दोहोन।

1 तिमुतियूस 4:7

भगवान मेर मान मरजइतगेयता हना कहड़ीकून अरू डुपुकुरीकूराः तुलात कहड़ीकून अते तोरेम दोहोन। मनदो भगवान मंजूरवाता हनानाः एचे लगाम चिडुः।

2 तिमुतियूस 2:16

भगवान मेर मान मरजइतगेयता अरू होड़कू भगवानराः दूर अतेकू बनाहकाव जुवाःता हना इयाःआ बेलूर बड़राते तोरेम दोहोन।

तितूस 1:14

अरू एहूदाकूराः तुलात कहड़ी अरू सतायकू आड-बेकारवाता हँकुःआ होड़कूराः कता अलोकू मनाः।

1 कुरिंती 8:1

दो नुँहू मुरतीकून मड़ंगरे मंडावतो जोम जिनिसकून बदीरेयिंग कतायतना। मनदो अपे कतायतना, नाःआ कता बदीरे अले कनहूनदारकू इदानलेःआ, माःआन। दो नाःआ बदीरे ईंग कतायतना, कनहूनते अबू बड़वारता मनदो दुलारते अबू एटाः होड़कूबू संघरावाता।

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।

एकूब 4:1

चिला लगा अपे तलारे कड़ीग अरू बेलूर कता होड़ेंग होयाःता? अपेराः जीवरे इदा हना बेलूर बेलूर ओंगोलते अपे जमा इयाःआ कसूरपे एचेयता।