तितूस 3:3 - Korwa Bible

³ मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

तितूस 3:3 Referans Kwoze

कुलूसी 1:21

मड़ंग अपे भगवान अते तोरेपे दोहोना। अपेराः बेलूर ओंगोल अरू लूर-नेवनते अपे भगवानरिकुःआ मुदइकूपे दोहोना।

रूमी 6:17

अपे मड़ंगरे कनासूर कसूररेपे दोहोना। मनदो नुँहू अपेकू चेडतेरा हनन इया अपे मिनी जीवकियानखनपे मनाःतना। हनालगा ईंग भगवानिंग धनियाबादगेयतना।

कुलूसी 3:7

बिसवासगे अते मड़ंग, अपे हों बेलूर नेवनकुःआ होड़कू सुदा मेसाकियानखन, हनानाः दूररेपे सलाव ञवना।

रूमी 6:22

मनदो अपेराः कसूर जीव टुटीगयना अरू भगवानरिकुःआ बेगारी होड़कूपे बड़ाँवयना। नुँहू अपे सुद होड़कू बड़ाँवकियानखन ओरो टुटीगनेना हना जीवपे पवाःता।

1 पतरस 1:14

अपे भगवानराः कता मनावतो लइंकू इदानपेःआ। हनालगा अनसिनहारपे दोनोहोन मेलाराः बेलूर ओंगोलकून अपेराः जीवरे अहापे मेसा ओवा।

2 कुरिंती 12:20

ईंग बोरतान इया, ईंग अपे एचेरेयिंग सेन मेला ईंग चहाःता हना अते एटाः इया अलोयिंग सेने ञामपे अरू अपे हों ईंग एचेरेपे असराता हना अते एटाः इया अलोयिंग होयाः। अपे एचेरे कड़ीग, इरा, रीस, हिगार हटिंगगुः, ओपता होड़ेंग, चुबली होड़ेंग, बड़वारगुः अरू गड़ोयग-मड़ोयग इदा माःआनिंग बोरतना।

एहुना 8:34

दो ईसू कतातेड, “ईंगपे अयूम, कसूरगेता हाँयग होड़ कसूरराः बोझारे बझावतो इदानिया।

मती ओजाःतेरा भगवानराः नपाय सरवन 21:29

दो हाँयग बेटात कतातेरा, ईंग ओरोयिंग सेनेडा। मनदो तयोमते हाँय पसतावनेनखने सेनेडा अरू अंगूरराः बगइचारेय बुतानेना।

एकूब 1:26

तोनोंगीग होड़ ओंगलेतना, ईंग भगवानराः ओंगोल इयायीग होड़ हवे, मनदो हाँय सोझायीरे बड़राता दो हाँय अनँयग आँयग अडिगगुःतना अरू हाँयराः लूर-नेवन भगवान जुकूर कोवानेःआ।

गलातिया 6:3

मनदो अपे अते तोनोंगीग होड़ हुडिंग इदानीग हों, हाँय अनँयग आँयगते मरंगे उंगलुःता दो हाँय अनँयग अडिग जोमता।

लूका 21:8

दो ईसू कताया, “तोनोंगीग अपे अहाकू बहकाव अवेपे लगा सवासितीपे दोहोन। मुरुक बगरा होड़कू ईंगराः ञावते अपे एचेरेकू वेगता अरूकू कतायता, ईंग हनाँय हवे, माःआन। अरूकू कतायता, चउंदीस टुटीगगुःराः बेला सोदोरयना, माःआन। मनदो अपे हँकू तयोम अलोपे सेन।

उदुःतो कताकून 18:2

हाँय मुरुक सटी खिररीनेनखने कतातेरा, “लाययना, लाययना, मरंग सहर बाबील लाययना, हना भूतकूराः ओड़ाः बड़ाँवयना, जमा बरानाः बेलूर दरहाकूराः थान, बेलूर अरू एरंगवाकूताकू हँकुःआ जमा बरानाः तितीगकूराः बथान बड़ाँवयना।

उदुःतो कताकून 13:14

हाँयग जानरके मड़ंगीग जानर अते जंगरे पवावनेना। हनालगा हाँय बयाव जुवाः इयाःआ बुता एचे घड़ीन चउंदीसरिकुःआ होड़कूय बहकावा। हाँय हँकुःआ होड़कू एचेरेय कताया, “हाँयग जानर तलवइरतेकू ञेडतिरिया, मनदो मेरेय गोएगगान। दो हाँयराः मुरतीपे तुला।”

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

रूमी 6:6

अबू मीटोंग कताबू सुसुदीतना, अबूराः जुना जीव ईसू सुदा कुरूसरे ठोंकाव गोएगतो इदा, जेमहा अबूराः कसूर जीव टुटीग जुवाः अरू अबू कसूरराः बोझारे कहियो अलोबू पराः।

रूमी 6:12

दो अपे नाःआ चउंदीसरेपे दोहोन मेला अपेराः लूर-नेवन बेलूराः कसूर ओंगोल इया सलाः लगा अहापे एमेय।

रूमी 11:30

अपे बेगर एहूदाकू, मड़ंगरे भगवानराः कता मेरपे मनाःआ। मनदो एहूदाकू भगवानराः कता मेरकू मनाःतान अते भगवान अपेय मयावारा।

2 तिमुतियूस 3:6

हँकुःआ होड़कू अते अदोम होड़कू तोनोंगाः ओड़ाःरे बोनाव बोनावकू बोलो जुवाःता। हनते मुरुक कसूरते जंतावतोकू दोहोनता अरू अँनकूराः बेलूर ओंगोलरेकू रोयोँकूता हँकुःआ मेलंग मिचिंग अइमीकू एचेरे सेनेवाडखन अँननकूराः आड़रेकू दोहोगोडकूता।

2 तिमुतियूस 3:13

मनदो बेलूर होड़कू अरू लबरा चेडदार होड़कू एटाः होड़कूकू अडिगता अरू अँननकू अडिग जोमकेडखनकू अनाड इदीनता।

तितूस 1:16

हँकू कतनता, अले भगवानले सुदीयतना, माःआन। मनदो हँकूराः बुताते भगवानकू आड-बेकारवायता। हँकू भगवानराः कता मेरकू मनवेता अरू एरांगवा इया इदानकुःआ अरू तोनोंगाः नपाय बुता जुकूर कोवाकुःआ।

तितूस 2:12

जेमहा भगवानके मंजूर कोवानेःआ हना चउंदीसराः जमा बरानाः बेलूर ओंगोलकून अड़ाःकेडखन नाःआ जूगरे अबू अँननबूराः जीव संभाड़गे घड़ीन सतायते अरू भगवानराः ओंगोल इयाबू जियाः।