तितूस 3:11 - Korwa Bible

¹¹ आम सुसुदीतना हाँय आडतो इदानिया अरू कसूरगोड ञवानताय। हनालगा हाँय अनँयग आँयग लूर-नेवनते एरांगगुः ञवनताय।

तितूस 3:11 Referans Kwoze

इबरानी 10:26

अबू भगवानराः सताय कता सुदीकेडखन हना तयोमरे ञेनेल मेडबू कसूरगोड ञवन दो अबूराः कसूर सुदगे लगा अरू तोनोंगाः बलिदान बनसावतो कोनोवानेःआ।

मूक चेलाकू 15:24

अले नाःआ इयाले अयूमकेरा, अले अते तोनोंग तोनोंग होड़कू अपे एचेरे सेनेकियानखन हँकूराः कताते अपेराः जीवकू एचे कुहकावगोतेरा अरू अपेराः जीवकू बहकावगोतेडा। मनदो अले हँकू एचेरे तोनोंग हातपात मेरले एमेवागाडकुःआ।

एहुना 3:18

हाँय एचेरेकू बिसवासगेता हँकुःआ होड़कू डंड मेरकू पवाःता, मनदो हाँय एचेरे मेरकू बिसवासगेता हँकुःआ होड़कू डंडकू पवाःता। हँकुःआ होड़कू भगवानरीग मिनी होड़ बेटात एचेरे मेरकू बिसवासगाड। हनालगा हँकुःआ होड़कू डंडियावकू लगा भगवान एटाःकेडकुःआ।

लूका 19:22

दो मालिक कताया, आम बेलूर सेवकिया होड़ इदानमेःआ। आम कताकेरा हनानाः कताते आमिंग फड़ियावता। आम सुदीया, ईंग कटकट जीव होड़ हवे अरू ईंगराः मेर दोहोनता हनायिंग गोःता अरू मेरिंग वेरकता हनायिंग ईरता, माःआन।

तितूस 1:11

होड़कू चेचेड लगा कोवानेःआ हना कता ढिबुवा पवाः लगा हँकूकू चेडतना, अरू जमा मइछुवाकू बिसवास मीसुटीकू अड़ाःगोतेडा। हनालगा हँकुःआ होड़कूराः आह एचे रिपूटगे इदा।

2 तिमुतियूस 2:14

दो नाःआ कता बिसवासी होड़कूम कता उहियार ञवनकू। तोनोंग नफा मेर होयाःता अरू अयुमेताकू हँकुःआ होड़कूराः जीव आडगोडता हना लबदकून बदीरे अलोकू अड़ा-चउकी लगा भगवान मड़ंगरेम सेतावकू।

रूमी 3:19

मनदो अबू सुसुदीतना, नियमराः आड़रे इदानकुःआ हँकुःआ होड़कू हनानाः नियम इया सनालाः पराःता। दो चउंदीसरिकुःआ होड़कूय फड़ियावकूता हाँयग भगवानराः ओंगोलरे जमा होड़कू गारबारकेरा। हनालगा तोनोंगीग भगवान एचेरे ओरोकू कता अवेतेरा, ईंग तोनोंगाः कसूर मेरिंग कसूरगरा, माःआन।

मूक चेलाकू 13:46

दो पउलूस अरू बरनाबास डिनीड़ते हँकुःआ होड़कू एचेरेकिन कता कुदातेरा, “अलिंग अपे एहूदाकू एचेरे भगवानराः सरवन मड़ंगरे ककता दोहोना, मनदो अपे हना सरवनपे टड़ाव एंडाकेरा अरू नाःआते सुदीगोडतापे ओरो टुटीगनेना हना जीव लगा भगवान अपे मेरेय सुनावगाडपेःआ। नुँहू अलिंग बेगर एहूदाकू एचेरे भगवानराः नपाय सरवनलिंग कता उदुःता।

लूका 7:30

मनदो फरीसी होड़कू अरू नियम चेडदार होड़कू एहुनाराः बतिसमा मेरकू गोःगाड अते, भगवानराः हिछाकू टड़ावगोतेड।

मूक चेलाकू 23:25

अरू हाँय नाःआ इया मीटोंग चिठीय ओजाःतेरा,

तितूस 1:14

अरू एहूदाकूराः तुलात कहड़ी अरू सतायकू आड-बेकारवाता हँकुःआ होड़कूराः कता अलोकू मनाः।