तितूस 2:8 - Korwa Bible

⁸ होड़कू ओरोकू ओपता अवेतेरा हनन इया खरतेम चेडकू। दो आमकू घंटावता हँकुःआ होड़कू हना सरवनते तोनोंगाः बेलूर बड़राकू कताय लगा दाव ओरोकू पवावनेना अरूकू गियू जुवाःता।

तितूस 2:8 Referans Kwoze

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 2:15

भगवान चहाःतना, अपे नपाय बुतापे एचेगोड ञवन दो, बेगर लूरतेकू बड़राता हँकुःआ बोको होड़कूराः आह रिपूट जुवाःता।

1 पतरस 3:16

अपेराः इंदरी सुदपे दोहोगे। दो अपे ईसू मसी एचेरे बिसवासकेड अते, होड़कू अपे बदीरे ओपता घड़ीनकू कताय हों, अपेराः नपाय लूर-नेवन ञेलकेडखनकू गियू जुवाःता।

1 तिमुतियूस 6:3

भगवानराः ओंगोल इयाबू जियाव अवेनता हना चेडरे, अरू अबूरीग परबू ईसू मसीराः सताय सरवनरे तोनोंगीग मेरेय रायगुःता, अरू नाःआ अते एटाः इयाःआ चेड होड़कूय चेडता दो,

2 तिसलूनिका 3:14

तोनोंगीग होड़कू अलेराः नाःआ चिठीराः कता मेनेरेकू मनाःतान दो, हँकुःआ होड़कू ञेल हड़ाकूपे, अरू हँकू एचेरे सेन दूर लगापे अड़ाःगोड, जेमहाकू गियुः जुवाः।

1 तिमुतियूस 5:14

हनालगा ईंग चहाःता, धंगड़ी रंडियाहीनकू सगइ जुवाःकू अरू लइंकूकू जनमाव अरू अँननकू ओड़ाःकू सलाव। ननन इयाकू एचेय दो मुदइ होड़कू अबू ओरोकू बदी अवेतेडकुःआ।

लूका 13:17

ईसू नाःआ इयाय कताया दो आँयगरिकुःआ मुदइकू गियुयानकू। अरू मुरुक बगरा होड़कू ईसू एचेया हना नपाय नपाय बुता बदीरेकू बहालयान।

मरकूस 12:34

हाँयग होड़ ओंगोलतेडखने कतातेरा हना अते ईसू हाँयग होड़ एचेरेय कतातेरा, “ने सउंगता, आम भगवानराः राइज अते तोरे कोवामेःआ।” हना तयोमते तोनोंगीग होड़ ईसू एचेरे कहिसाः होंबोर लगा मेरकू डीड़गाड।

मरकूस 12:32

दो नियम चेडदार होड़ ईसू एचेरेय कतातेरा, “गुरुजी, आम सतायमे कताकेरा। भगवान मिनीटोंग इदानिया अरू हाँय अते एटाः तोनोंगीग भगवान कोवाया।

मरकूस 12:28

हनमेला नियम चेडदार होड़कू अते मी होड़ हंडाय दोहोना। ईसू सदूकी होड़कू एचेरे नपायतेय कता कुदातेरा। हनालगा हाँय ईसू एचेरे वेगेकियानखने होंबोरतेरा, “ने गुरुजी, जमाकून अते मरंग हुकुम चेले माःआन इदा?”

मरकूस 12:17

दो ईसू कतातेड, “मरंग राजा कइसरराः हवे हना हनाँयपे ओवा अरू भगवानराः हवे हना भनगवानपे एमेवा।” दो हँकू हाँयराः कतारेकू बयावयान।

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।