तितूस 1:12 - Korwa Bible

¹² करेत डुगुरीग मी होड़ मरंगीग सुधिया होड़ अँननकू बदीरेय कतातेरा, करेत डुगुरिकुःआ होड़कू सगर बेला लबरा बड़राकू बड़राता, अरू बेलूर पहाड़ जानरकू इया जोम असगतिया होड़कू इदानकुःआ।

तितूस 1:12 Referans Kwoze

1 तिमुतियूस 4:2

ओंगोल लोलो लोहाते लो मुरात इया केटेग इदा हँकुःआ लबरा पचघुचिया होड़कू ननन इया होड़कूकू चेडता।

रूमी 16:18

नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

मूक चेलाकू 17:28

हाँय अबू सुदा इदानिया, हनालगा अबू जियाःता, सेनता अरू हनाँय अते इदानबुःआ। अपेरिकुःआ ओजाःदारकू अते मी होड़ ओजाःतेरा हन इया, अबू हों भगवानरिकुःआ लइंकू हवे।

2 पतरस 2:15

हँकू सताय दूर अड़ाःकेडखनकू एटाःयना अरू हँकू कसूरकेडखन ढिबुवा पवाः लगाय मंजूरयना हाँयग बओररीग बेटात बिलामराः दूररेकू सलाःतना।

2 पतरस 2:12

हँकुःआ होड़कू बोको जानरकू इया बेगर ओंगोलते इदानकुःआ अरू ञेड एंडाकू लगाकू होयाकिया। हँकू मेरकू सुदीयता हनानाः कताकून बदीरे एटाः होड़कूकू ओपताता अरू हँकू पहाड़ जानरकू इयाकू लाय एंडा जुवाःता।

मूक चेलाकू 2:11

एहूदाकू अरू एहूदा धरमरेकू बोलोयान हँकुःआ बेगर एहूदाकू, करेत डुगुरिकुःआ अरू अरब देसरिकुःआ होड़कू हों इदानबुःआ। मनदो नँकुःआ होड़कू भगवान एचेतेरा हना मरंग मरंग बुताकून अँननबू अबू भासीरेकू कतायतना हनाबू अयुमेतना।”

मूक चेलाकू 27:7

अले मुरुक दिन गते-गात सिकिसताते सलाव घड़ीन कनिदूस सहररेले सोदोरनेना। होयते अले मड़ंग अगी मेरले सेने अवेना। हनालगा अले सलमोन सहरराः लेनेसानते करेत डुगुराः ओधारेले सेना।

मूक चेलाकू 27:12

जहाजकूनकू रोंकावता हना ततेर ररंगराः बेला गुदराव लगा नपाय मेर दोहोगान, हनालगा जहाजरे दोहोना हँकुःआ होड़कू अते मुरुक होड़कू कताया, “अबू नाःआ ततेर अते सेन लगा इदा। दो अबू पिनीस सहरराः जहाजकूनकू रोंकावता हना ततेररे ररंग बेला अते मड़ंगरेबू सोदोर जुवाःता।” हना सहर करेत डुगुराः दखिन-पछिम अरू उतर-पछिम अगी दोहोना।

मूक चेलाकू 27:13

दखिन अगीते होय गुन लकन सलाःआ, दो हँकुःआ जहाज सलावदारकू ओंगोलतेड, अबूराः ओंगोल इया होयाःतना, माःआन। हनते हँकू हना लंगर जहाजरेकू रेमगोतेड अरू करेत डुगुराः धरी धरीकू सेना।

पिलिपी 3:19

हँकुःआ होड़कू भगवान लाय एंडाकू लगाय ओंगोल दोहोकेरा। हँकू अँननकूराः नफा लगा अंदू घड़ीनकू दोहोनता अरू गियुः इयाःआ कताकूनरेकू बड़वारता। हँकूराः ओंगोल चउंदीसराः जिनिसकूनरे टक-टकित दोहोनता।

तितूस 1:5

ने बेटा, ईंग करेत डुगूरे आमिंग अटूतेडमेःआ, जेमहा कलसियाराः बुता मेरिंग चबा अवेगाड हना बुता चबागे लगा अरू ईंग कतावातेडमेःआ हनन इया, जमा सहरकूनराः कलसियारे अगुवा होड़कूम सुनावकू।