तितूस 1:10 - Korwa Bible

¹⁰ अगड़-बगड़ होड़कू अरू बेगर लूर बड़राकू बड़राता हँकुःआ होड़कू अरू अडिग होड़कू, बिसेक खतनागे लगाकू चेडकूता हँकुःआ एहूदाकू मुरुक इदानकुःआ।

तितूस 1:10 Referans Kwoze

1 तिमुतियूस 1:6

मनदो तोनोंग तोनोंग होड़कू सताय सरवनराः दूरकू अड़ाःगोतेडा अरू हनाते हँकू सदा बड़राकू बड़राता।

1 एहुना 4:1

ने अजी बोपोहकूतिंग, नाःआ चउंदीसरे भगवानराः बड़रा लबराकेडखन कताय होड़कू मुरुक इदनकुःआ। हँकुःआ होड़कूराः कता अपे ओहेन अहापे बिसवासगे। मनदो अपे हँकुःआ होड़कू सतायते भगवानराः बड़राकू कतायता जा कोवान हना नपायते जासवाडखनपे बिसवासगे।

गलातिया 2:4

अदोम होड़कू सनातायते बिसवासी होड़कू मेरकू दोहोगान अरू लबरा बराहीलकू इयाकू दोहोना। ईसू मसी अबूय अजइतगोतेडबुःआ, मनदो हना अजइत अते एहूदाकूराः खतनात नियमकून एचे मनावकेडबूखन बेगारी होड़कू बड़ाँवबू लगाकू चहाःआ।

इपीसी 4:14

नाःआ इया अबू मसीरेबू हरानता दो, अबू लइंकू इया ओरोबू दोहोनेना। डोंगा लहराते तुकड़ाव हड़ाःता हनन इया अडिग बइना चलहू होड़कू अँकूराः एटाः एटाः लबरा चेडतोते ओरोकू बहकाव अवेतेडबुःआ।

एकूब 1:26

तोनोंगीग होड़ ओंगलेतना, ईंग भगवानराः ओंगोल इयायीग होड़ हवे, मनदो हाँय सोझायीरे बड़राता दो हाँय अनँयग आँयग अडिगगुःतना अरू हाँयराः लूर-नेवन भगवान जुकूर कोवानेःआ।

2 तिमुतियूस 3:13

मनदो बेलूर होड़कू अरू लबरा चेडदार होड़कू एटाः होड़कूकू अडिगता अरू अँननकू अडिग जोमकेडखनकू अनाड इदीनता।

मूक चेलाकू 11:2

दो पतरस एरुसलेमे सेनेडा दो एहूदा बिसवासी होड़कू हाँय सुदाकू अड़ा-चउकीःआ।

उदुःतो कताकून 2:14

मनदो अपे बदीरे ईंगके तोनोंग तोनोंग बड़रा ककता लगा इदा; अपे अते अदोम होड़कू बिलामराः चेडतोकू मनाःता। हाँयग बिलाम, बालाक राजा एचेरेय कता उदुःवातेरा, इसराएल होड़कूम लहकावगोडकू, जेमहा हँकू मुरतीकून मड़ंगरे मंडावतो जिनिसकूनकू जोम अरू सनहा-सनहीकू एचेय, माःआन।

उदुःतो कताकून 2:6

मनदो अपे बदीरे मीटोंग नपाय बड़रा इदा। अपे निकुलाय होड़कूराः बुतापे एरांगवाता, अरू हना ईंग होयिंग एरांगवाता।

1 एहुना 2:18

ने ईंगरिकुःआ लइंकू इया इदानपेःआ, नाःआ चउंदीस लुलिगगुःराः बेला होयाःता। अपे अयूमकेरा, मसी मुदइ होड़ वेग लगा इदानिया। अरू नाःआ बेलारे होँपे ञेनेलतना मसी मुदइ होड़कू वेगकियाकू। नान अते अबू सुदीयता नाःआ चउंदीस टुटीगगुःराः बेला ओहेन निचकाःतना।

2 तिमुतियूस 4:4

हँकुःआ होड़कू सताय बड़रा अयूम अतेकू अइठाव जुवाःता अरू होड़कूराः तुलात कहड़ीकून अगीकू बहकाव जुवाःता।

1 तिमुतियूस 1:4

तुलात कहड़ीकून अरू खुटिपहार होड़कूराः ञाव सूची बदीराः बड़राकूनरे हँकुःआ होड़कूराः ओंगोल अलो दोहोन लगाम हुकुमवाकू। ननन इयाःआ कताकून बिसवासते होयाःता हना भगवानराः चेड इया कोवानेःआ अरू हना अते होड़कू मुरुककू अड़ा-चउकीता।

गलातिया 3:1

ने गलातियारिकुःआ होड़कू, अपे करा उड़ी नाःआ इयापे बोकोयना? ईसू मसी कुरूसरेय गोएगनेना माःआन अपे सनाताय सतायिंग उदुःवातेडपेःआ। दो अपे करा इया पती ञेडतो इयापे होयायना?

मूक चेलाकू 20:29

ईंग सुदीयतना ईंग सेन तयोमरे रमू बुःआ इया बेलूर होड़कू अपे तलारे वेगवाडखन बिसवासी होड़कूकू नरी नठी एंडागोडकूता।

मूक चेलाकू 15:1

अदोम एहूदाकू एहूदिया छतर अते अंतकियारेकू वेजेडा अरू बिसवासी होड़कूकू चेडा, अपे मोसेसराः नियम इया मेरपे खतनान दो, भगवान अपे ओरोय सडावतेडपेःआ, माःआन।

मूक चेलाकू 15:24

अले नाःआ इयाले अयूमकेरा, अले अते तोनोंग तोनोंग होड़कू अपे एचेरे सेनेकियानखन हँकूराः कताते अपेराः जीवकू एचे कुहकावगोतेरा अरू अपेराः जीवकू बहकावगोतेडा। मनदो अले हँकू एचेरे तोनोंग हातपात मेरले एमेवागाडकुःआ।

1 तिमुतियूस 1:9

अबू नाःआ हों सुदीयतनाबू, भगवानराः नियमकून बेगर गारबार होड़कू लगा मेरेय तुलागाड। मनदो गारबार अरू तुड़ेंग-तपेग होड़कू लगा, भगवान मेरकू मनाःता अरू कसूर होड़कू लगा, सुद कोवानेःआ अरू बेलूर होड़कू लगा, एंगात अपातकू ञेड एंडात होड़कू अरू ञेड एएंडा होड़कू लगा,

तितूस 1:6

तोनोंगीग होड़ बेगर गारबारीग इदानिया अरू मिनीटोंग अइमी अअसूलता हनाँयग होड़ अगुवा बुता बुतागे लगाम सुनावगेय। अरू हाँयरिकुःआ लइंकू बिसवासी दोहोन इदा अरू तोनोंगीग अहाय ओपताकू, नँकू तुड़ेंग-तपेग इदानकुःआ अरू एंगात अपातराः बड़रा मेरकू अयुमेता, माःआन।

1 एहुना 2:4

तोनोंगीग होड़ कताय, ईंग भगवानिंग सुदीयतना, माःआन मनदो हाँय भगवानराः नियम मेरेय मनाःता दो हाँय लबरा होड़ हवे अरू भगवानराः सताय कता मेरेय सुदीयतना।

मती ओजाःतेरा भगवानराः नपाय सरवन 23:14

[ने पचघुचिया नियम चेडदार होड़कू अरू फरीसी होड़कू, अपेराः जीव नपाय ओरो दोहोनेना। अपे रंडियाहीन अइमीकूराः ओड़ाःराः जमा जइतकूनपे अडिग जोमता। होड़कू उदुःवाकू लगा अपे मुरुकपे अरजीता। हनालगा भगवान अपे मुरुके डंडियावपेता।]