रूमी 9:22 - Korwa Bible

²² हनन इया भगवान हों इदानिया। हाँय एचेरे अनँयग ओंगोल इया एएचे लगा हातपात इदा। कसूरकेडखन डंडकू पवावकुःआ, हँकुःआ होड़कू एचेरे भगवान रीसकियानखन अनँयग जंगरे उदुः अवेकेःआ, मनदो हाँय हँकू एचेरे सहाव घड़ीने दोहोना,

रूमी 9:22 Referans Kwoze

जूदा 1:4

सतायरे बिसवासी होड़कू ना लवे अरू डंडियावकू लगा मड़ंग वरीते भगवान एटाःकेडकुःआ, हँकुःआ तोनोंग तोनोंग होड़कू ओनोक दनंगते अपे सुदाकू मेसायना। हँकुःआ होड़कू भगवान मेरकू मनेवायता अरू भगवानराः मया हुडिंग ओंगोलवाडखन सनहा-सनहीकू एचेता अरू मिनीटोंग परबू भगवान इदानिया, अबूरीग परबू ईसू मसीकू आड-बेकारवायतना।

1 पतरस 2:8

अरू भगवानराः कागदरे एटाःरे नाःआ इया ओजाःतो इदा; “नाःआ दिरि होड़कू एचे तोहोडकूता अरू हान होड़कू एचे तामगोडकूता।” हँकुःआ होड़कू सरवन मेरकू बिसवासगाड। हनालगा भगवान हँकूय दोहो ओवाडकुःआ हनन इया हँकुःआ होड़कू तोहोडयनाकू।

रूमी 9:21

अरू मी होड़ कुंभार अनँयग ओंगोल इया गोलहात हासते ननपाय बुता लगा अरू सगर दिनराः बुता लगा भंडाकून तुला लगा हाँय एचेरे हातपात कोवानेःआ जा?

2 तिमुतियूस 2:20

मीटोंग मरंग ओड़ाःरे सोना अरू चाँदीराः डिकची भंडाकून दोहोनता। हना ओड़ाःरे चटू, तवा अरू हाप-दबीकून हों दोहोनता। तोनोंग तोनोंग ननपाय बुता लगाकू उडुंगगोडता अरू तोनोंग तोनोंग सगर दिनराः बुता लगाकू उडुंगगोडता।

1 तिसलूनिका 2:16

भगवान होड़कूय सडावता, हना सरवन बेगर एहूदाकू एचेरे अले कता उदुःगे अते, हँकुःआ होड़कू अलेकू रोंकावता। हँकुःआ होड़कू मुरुककू कसूरतेरा अरू कसूररेकू तीलयान। अरू हनालगा भगवान हँकू सुदा मुरुक रीसतो इदानिया।

रूमी 9:17

भगवानराः कागदरे भगवान मिसिरी राजा पिरोन एचेरेय कतायतना, “ईंग आम राजायिंग बड़ाँवकेडमेःआ, अरू ईंगराः जंगर आमिंग उदुःवारा जेमहा चउंदीसरिकुःआ जमा होड़कू ईंग जाग घड़ीनकू मान मरजइतगिंग।”

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।

1 तिसलूनिका 5:9

भगवान अबू डंडियावबू लगा मेरेय सुनावगडबुःआ, मनदो अबू लगाय गोएगनेना अबूरीग परबू ईसू मसीते अबू सडावबू लगा भगवान सुनावकेडबुःआ,

2 पतरस 3:15

अबूरीग परबू अबू सुदा सहाव घड़ीने दोहोना दो, हना अबू सडावगुःराः बेलाबू बुझाः। ननानाः कता बदीरे अबूरीग बिसवासी वगाबू पउलूस हों हाँय पवावनेना हना कनहून इया अपे लगाय ओजाःकेरा।

2 पतरस 2:9

हाँयकू सेवाता हँकुःआ होड़कू भगवान कटसिया अतेय सडावकू लगा अरू बेलूर होड़कू फड़ियावराः दिन वरी डंडियावगोड ञवन लगा होंय सुदीयता।

1 पतरस 3:20

तोलतोकू दोहोना हँकुःआ गोएगतो होड़कू नूहराः जूग परियारे भगवानराः कता मेरकू मनावगान हँकुःआ होड़कू हवे। हनमेला नूह मरंग दाः जहाजे तुलाःआ अरू होड़कू भगवान एचेरे बिसवासगे लगा, भगवान सहाव घड़ीने तंगी ञवना। मनदो आठगोटोंग होड़कू एकला हना दाःतेकू बनसावनेना।

रूमी 1:18

भगवानराः ओंगोल इया मेरकू जियाःता हँकुःआ होड़कू सताय कता कसूरतेकू ओकोगोडता, अरू कसूर घड़ीन बेनेलूर जीवकू जियाःता। हनालगा सेरमो देस अते भगवान, हँकू सुदा मुरुक रीसतो इदानिया।

रूमी 9:20

दो आम मी होड़ होनोड़ हवे अरू आम भगवान सुदाम अड़ा-चउकी अवेनता जा? कहिसाः तुलात जिनिस तुलादार एचेरे नाःआ इया कता अवेयता जा, ईंग नाःआ इया चिला लगाम तुलागोतेडिंगा?