रूमी 9:20 - Korwa Bible

²⁰ दो आम मी होड़ होनोड़ हवे अरू आम भगवान सुदाम अड़ा-चउकी अवेनता जा? कहिसाः तुलात जिनिस तुलादार एचेरे नाःआ इया कता अवेयता जा, ईंग नाःआ इया चिला लगाम तुलागोतेडिंगा?

रूमी 9:20 Referans Kwoze

मती ओजाःतेरा भगवानराः नपाय सरवन 20:15

ईंग इनिंगराः आन-धानते ईंग चहाःतना हन इया ओरोयिंग एचे अवेतेरा जा? ईंग मयादार इदानिंगा अते गेरा मेडतेपे ञेलिंगता जा?

1 तिमुतियूस 6:5

नाःआ इया होड़कू अनभनिया कड़ीगकू रेमगोडता। अरू हँकूराः जीव आडतो इदा अरू हँकू मेरकू सुदीयता सताय चिला हवे। हँकू ओंगलेता, धरमराः दूररे मुरुक नफा इदा, माःआन।

1 कुरिंती 1:20

दो कनहूनदारकू अरू चेडदार होड़कू अरू नाःआ चउंदीसरिकुःआ पपरसार होड़कू बदीरे चेले माःआनपे ओंगलेतना? नाःआ चउंदीसरिकुःआ कनहूनदारकूराः कनहून, भगवान मेरेय एरंगवागरा जा?

एकूब 2:20

आम बोको होड़ इदानमेःआ। आम मेरेम सुदीयता जा, बेगर बुताते दोहोनता हना बिसवास बेगर लूर दोहोनता।

तितूस 2:9

बेगारी होड़कू अँननकूरिकुःआ मालिककूराः जमा कताकून मनाः इदा। हँकू मालिककू एचेरे तोनोंगाः उलटा बड़रा कता कोवानेःआ,

रूमी 2:1

ने सउंगता, आम सहे तोनोंगीग दोहोन, आम एटाः होड़कू बदीकेडखनमे फड़ियावकू दो हना बदीरे आम अनम बनसाः लगा कहिसाः ओरोम कता अवेतेरा। आम एटाःकूम बदीता, हनानाः कतारे आम होंम कसूरगेतना। हनालगा आम अनमरीग फड़ियावदारमे बड़ाँःता।

1 कुरिंती 7:16

दो ने अइमी, आम करा उड़ीम सुदी अवेयता आमरीग हेरेलमे एचे सडाव अवेता? अरू ने मरद, आम करा उड़ीम सुदी अवेयता आमरीग एराममे एचे सडाव अवेता?

लूका 12:14

दो ईसू कताया, “ने गोय, ईंग अपेरीग फड़ियावदार अरू हटिंगदार इये तुलाकिरिंगा?”

रूमी 2:3

ने सउंगता, भगवान हँकुःआ होड़कूय फनड़ियावकूता, मनदो आम ओंगलेतना, ननन इया बुता ईंग एचेय दो भगवान ईंग ओरोय डंडियावतिरिंगा, माःआन। दो आमराः ओंगोल इया भगवानराः डंडियावतेम बनसाव जुवाःता जा?

रूमी 9:21

अरू मी होड़ कुंभार अनँयग ओंगोल इया गोलहात हासते ननपाय बुता लगा अरू सगर दिनराः बुता लगा भंडाकून तुला लगा हाँय एचेरे हातपात कोवानेःआ जा?

रूमी 9:22

हनन इया भगवान हों इदानिया। हाँय एचेरे अनँयग ओंगोल इया एएचे लगा हातपात इदा। कसूरकेडखन डंडकू पवावकुःआ, हँकुःआ होड़कू एचेरे भगवान रीसकियानखन अनँयग जंगरे उदुः अवेकेःआ, मनदो हाँय हँकू एचेरे सहाव घड़ीने दोहोना,

रूमी 14:4

एटाः होड़रीग सेवादार फड़ियावगेय लगा आम इये हवे? हाँय सताये एचेयकेरा जा कोवान, हना हाँयरीग मनालिकतेन फड़ियावगेता। परबू हाँये संघरावायता। अरू हनालगा हाँय परबूराः ओंगोल इया सताये एचे अवेयता।

2 तिमुतियूस 2:20

मीटोंग मरंग ओड़ाःरे सोना अरू चाँदीराः डिकची भंडाकून दोहोनता। हना ओड़ाःरे चटू, तवा अरू हाप-दबीकून हों दोहोनता। तोनोंग तोनोंग ननपाय बुता लगाकू उडुंगगोडता अरू तोनोंग तोनोंग सगर दिनराः बुता लगाकू उडुंगगोडता।